◀ All Reading Plans / Revised Common Lectionary (Semicontinuous) / Psalm 80:1-7 (Show the light of your countenance); Isaiah 66:7-11 (God as a nursing mother); Luke 13:31-35 (Jesus as mother hen laments over Jerusalem) (Awadhi Bible: Easy-to-Read Version)
Print Page Options
Previous Prev Day
December 21, 2024 Use the calendar to view readings from this plan.
Next DayNext

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.
Duration: 1245 days
Awadhi Bible: Easy-to-Read Version (ERV-AWA)
Version
भजन संहिता 80:1-7

करार क कुमुदिनी धुन पइ संगीत निर्देसक बरे आसाफ क एक ठु स्तुति गीत।

1 हे इस्राएल क चरवाहा, तू हमार सुनि ल्या।
    तू जउन यूसुफ क लोगन क अगुवाई करत ह।
तू जउन राजा क तरह करूब सरगदूत पइ विराजत अहा।
    तू आपन आप क परगट करा।
2 एप्रैम, बिन्यामीन अउ मनस्से क सामने तू आपन महिमा देखावा,
    अउर आपन सक्ति स हमका बचाइ ल्या।
3 हे परमेस्सर, हमका आपन बरे पुन: स्थापित कइ ल्या।
    तू हम लोगन पइ कृपा करा ताकि हम लोग बच सकी।
4 हे सर्वसक्तिमान परमेस्सर यहोवा, कब तलक तू कोहान रहब्या
    अउर कब तलक तू हमरी पराथना क रद्द करब्या।
5 आपन मनवइयन क तू बस खाइ क आँसू दिहा ह।
    तू आपन मनवइयन क पिअइ बरे आँसुअन स लबालब पिआला दिहा।
6 तू हम लोगन क कूछ अइसा बिसय बनइ दिहा जउने पइ हमार पड़ोसियन झगड़त हीं।
    हमार दुस्मन हम लोगन क मसखरी उड़ावत हीं।
7 हे परमेस्सर तू हम लोगन क आपन बरे पुनःस्थापित कइ ल्या।
    तू हम लोगन पइ कृपा करा ताकि हम बच सकी।

यसायाह 66:7-11

7-8 “अइसा तउ नाहीं भवा करत रहा कि प्रसव पीरा स पहिले ही कउनो मेहरारू बच्चा पइदा करत होइ। अइसा तउ कबहुँ नाहीं भवा कि कउनो मेहरारू कउनो पीरा क अनुभव करइ स पहिले ही आपन पूत क पइदा भवा लखे होइ। अइसा कबहुँ नाहीं भवा। इहइ प्रकार कउनो भी मनई एक दिन मँ कउनो नवा संसार आरम्भ होत भए नाहीं लखेस। कउनो भी मनई कउनो अइसी नई जाति क नाउँ कबहुँ नाहीं सुने होइ जउन एक ही दिन मँ सुरू होइ गई होइ। धरती क बच्चा जनई क दर्द जइसी पीरा निहचय ही पहिले सहइ क होइ। इ प्रसव पीरा क पाछे ही उ धरती आपन संतानन-एक नई जाति क जनम देइ। 9 जब मइँ कउनो मेहरारू क बच्चा जनइ क पीरा देत हउँ तउ उ बच्चा क जनम दइ देत ह।”

तोहार पचन्क यहोवा कहत ह, “मइँ तू पचन्क बच्चा जनइ क पीरा मँ डाइके तोहार पचन्क गर्भद्वार बंद नाहीं कइ देत। मइँ तू पचन्क इहइ तरह एन विपत्तियन मँ बिना एक नई जाति प्रदान किए, नाहीं डाउब।”

10 हे यरूसलेम, खुस रहा।
    हे लोगो, यरूसलेम क प्रेमियो, तू पचे निहचय ही खुस रहा।
यरूसलेम क संग संग दुःख क बातन घटी रहिन एह बरे तू पचन्मँ स कछू लोग भी दुःखी अहइँ।
    किन्तु अब तू पचन्क चाही कि तू पचे बहोत बहोत खुस होइ जा।
11 काहेकि अब तू पचन्क दाया अइसी मिली
    जइसे छाती स दूध मिला जाया करत ह।
तू पचे यरूसलेम क वैभव क
    सच्चा आनंद पउब्या।

लूका 13:31-35

ईसू क मउत यरूसलेम मँ

(मत्ती 23:27-39)

31 उहइ समइ ईसू क लगे कछू फरीसियन आएन अउर ओसे बोलेन, “हेरोदेस तोहका मारि डावइ चाहत ह, एह बरे हुवाँ स कहूँ अउर चला जा।”

32 तब उ ओनसे कहेस, “जा अउर उ लोखरी[a] स कहा, ‘मइँ मनइयन मँ स दुस्ट आतिमन क निकारब, मइँ आज ही चंगा करब अउर भियान भी। फिन तीसर दिन मइँ आपन काम पूरा करब।’ 33 फिन भी मोका आजु, भियान अउर परउँ चलत ही रहइ क अहइ। काहेकि कउनो नबियन बरे इ नीक नाहीं कि उ यरूसलेम स बाहेर प्रान तजि देइ।

34 “यरूसलेम अरे ओ यरूसलेम! तू नबियन क कतल करत ह अउर परमेस्सर जेका तोहरे लगे पठएस ह, ओन प पाथर बरिसावत ह। मइँ केतॅनी दाईं तोहरे मनइयन क वइसे ही आपुस मँ बटोरइ चाहा ह जइसे एक ठु मुर्गी आपन बचवन क आपन पखना तरे बटोरत ह। मुला तू नाहीं चाह्या। 35 लखा तोहरे बरे तोहार घर तोहरे लिए उजरा पड़ा अहइ। मइँ तोहका बतावत हउँ तू मोका उ समइया तलक फिन नाहीं देखब्या। जब ताईं उ समइ न आइ जाइ जब तू कहब्या, ‘धन्य अहइ उ, पर्भू क नाउँ प जउन आवत बा।’”(A)

Awadhi Bible: Easy-to-Read Version (ERV-AWA)

Awadhi Bible: Easy-to-Read Version. Copyright © 2005 Bible League International.

Prev Day Prev Day
Top
Next Day Next Day