Revised Common Lectionary (Semicontinuous)

¹⁰ வெள்ளப்பெருக்கின்போது கர்த்தர் அரசராயிருந்தார்.
    என்றென்றும் கர்த்தரே அரசர்.
¹¹ கர்த்தர்தாமே அவரது ஜனங்களைப் பாதுகாப்பாராக.
    கர்த்தர் அவரது ஜனங்களை சமாதானத்தோடு வாழும்படி ஆசீர்வதிப்பாராக.

²⁶ “யோபுவே, ராஜாளி அதன் செட்டைகளை விரித்துத் தெற்கு நோக்கிப் பறக்க நீ கற்பித்தாயா?
²⁷ யோபுவே, நீ தான் கழுகிடம் உயரே வானத்தில் பறக்கச் சொன்னாயா?
    மலைகளின் உயரமான இடங்களில் அதன் கூட்டைக் கட்டச் சொன்னாயா?
²⁸ கழுகு மலை முகப்பில் வாழ்கிறது.
    மலைச்சிகரமே கழுகின் கோட்டை.
²⁹ அதன் உயரமான கோட்டையிலிருந்து கழுகு அதன் இரையை நோக்கும்.
    மிகுந்த தூரத்திலிலுள்ள இரையையும் கழுகால் பார்க்க முடியும்.
³⁰ பிணங்கள் இருக்குமிடத்தில் கழுகுகள் கூடும்.
    அதன் குஞ்சுகள் இரத்தத்தைக் குடிக்கும்” என்றான்.

“நீ சர்வ வல்லமையுள்ள தேவனோடு விவாதித்தாய்.
    தவறிழைத்த குற்ற முடையவனாக என்னை நீ நியாயந்தீர்த்தாய்!
    நீ தவறு செய்தாயென இப்போது நீ ஒப்புக்கொள்வாயா?
    நீ எனக்குப் பதில் கூறுவாயா?” என்றார்.

⁴ “நான் பேசுவதற்கும் தகுதியற்றவன்!
    நான் உம்மிடம் என்ன கூறமுடியும்?
நான் உமக்கு பதில் கூற முடியாது!
    நான் என் கைகளை வாயின் மீது வைப்பேன்.
⁵ நான் ஒரு முறை பேசினேன், ஆனால் நான் மீண்டும் பேசமாட்டேன்.
    நான் இருமுறை பேசினேன், ஆனால், இனிமேல் எதுவும் கூறமாட்டேன்” என்றான்.