Revised Common Lectionary (Semicontinuous)

Pagbubulaybulay at panalangin tungkol sa kautusan ng Dios.

ALEPH.

^34 (A)Kung magkagayo'y magagalak ang lupain sa kaniyang mga sabbath, habang nahahandusay na sira, at kayo'y mapapasa lupain ng inyong mga kaaway; ang lupain nga ay magpapahinga, at magagalak sa kaniyang mga sabbath.

³⁵ Habang nahahandusay na sira ay magkakaroon ng kapahingahan, ^(B)sa makatuwid baga'y ang hindi ipinagpahinga sa inyong mga sabbath, nang kayo'y nagsisitahan doon.

³⁶ At tungkol sa mga matitira sa inyo, ^(C)ay sisidlan ko ng takot sa kanilang puso, sa mga lupain ng kaniyang mga kaaway: ^(D)at hahabulin sila ng kalatis ng isang dahong nalalaglag; at sila'y tatakas na parang tumatakas sa tabak; at sila'y mabubuwal nang walang humahabol sa kanila.

^37 (E)At mangagkakatisuran sila na parang nasa harap ng tabak, kahit walang humahabol: ^(F)at hindi kayo makatatayo sa harap ng inyong mga kaaway.

³⁸ At mamamatay kayo sa gitna ng mga bansa, at sasakmalin kayo ng lupain ng inyong mga kaaway.

^39 (G)At ang mga matitira sa inyo ay magsisipanglupaypay sa kanilang kasamaan sa mga lupain ng inyong mga kaaway; at sa mga kasamaan naman ng kanilang mga magulang ay magsisipanglupaypay na kasama nila.

Habag ay ipinangako sa mapagtiis.

^40 (H)At kanilang isasaysay ang kanilang kasamaan, at ang kasamaan ng kanilang mga magulang, sa ang kanilang pagsalangsang na isinalangsang laban sa akin, sapagka't sila'y lumakad naman ng laban sa akin.

⁴¹ Ako naman ay lumakad ng laban sa kanila, at sila'y aking dinala sa lupain ng kanilang mga kaaway: kung ^(I)magpapakababa nga ang kanilang mga pusong hindi tuli, at kanilang tatanggapin ang parusa sa kanilang kasamaan;

^42 (J)Ay aalalahanin ko nga ang aking tipan kay Jacob; at ang akin ding tipan kay Isaac, at gayon din ang aking tipan kay Abraham ay aking aalalahanin; at aking aalalahanin ang lupain.

^43 (K)Ang lupain naman ay pababayaan nila, at magagalak sa kaniyang mga sabbath, samantalang nahahandusay na sira na wala sila; at kanilang tatanggapin ang kaparusahan ng kanilang kasamaan: ^(L)sapagka't kanilang tinanggihan ang aking mga hatol, at kinapootan ng kanilang kaluluwa ang aking mga palatuntunan.

⁴⁴ At sa lahat mang ito, pagka sila'y nasa lupain ng kanilang mga kaaway ay ^(M)hindi ko sila itatakuwil, ni kapopootan ko sila na sila'y aking lubos na lilipulin, ^(N)at aking sisirain ang aking tipan sa kanila: sapagka't ako ang Panginoon nilang Dios:

⁴⁵ Kundi aalalahanin ko alangalang sa kanila ang tipan ng kanilang mga magulang, ^(O)na aking inilabas sa lupain ng Egipto, ^(P)sa paningin ng mga bansa, upang ako'y maging kanilang Dios: ako ang Panginoon.

^46 (Q)Ito ang mga palatuntunan at ang mga hatol at ang mga kautusang ginawa ng Panginoon sa kaniyang sarili at sa mga anak ni Israel ^(R)sa bundok ng Sinai sa pamamagitan ni Moises.

⁷ Mga minamahal, ^(A)wala akong isinusulat sa inyo na anomang bagong utos, kundi ang dating utos ^(B)na nasa inyo buhat nang pasimula; ang dating utos ay ang salita na inyong narinig.

⁸ Muli, ^(C)isang bagong utos ang isinusulat ko sa inyo, bagay na tunay sa kaniya at sa inyo; ^(D)sapagka't ang kadiliman ay lumilipas, at ^(E)ang tunay na ilaw ay lumiliwanag na.

⁹ Ang nagsasabing siya'y nasa liwanag at napopoot sa kaniyang kapatid, ay nasa kadiliman pa hangga ngayon.

^10 (F)Ang umiibig sa kaniyang kapatid ay nananahan sa liwanag, at sa kaniya'y ^(G)walang anomang kadahilanang ikatitisod.

¹¹ Nguni't ang napopoot sa kaniyang kapatid ay nasa kadiliman, at lumalakad sa kadiliman, at hindi niya nalalaman kung saan siya naparoroon, sapagka't ang kaniyang mga mata ay binulag ng kadiliman.

¹² Kayo'y sinusulatan ko, mumunti kong mga anak, sapagka't ipinatawad sa inyo ang ^(H)inyong mga kasalanan dahil sa kaniyang pangalan.

¹³ Kayo'y sinusulatan ko, mga ama, sapagka't inyong nakikilala yaong buhat pa nang pasimula ^(I)ay siya na. Kayo'y sinusulatan ko, mga binata, sapagka't inyong dinaig ^(J)ang masama. Kayo'y aking sinulatan, mumunting mga anak, sapagka't inyong nakikilala ang Ama.

¹⁴ Kayo'y aking sinulatan, mga ama, sapagka't inyong nakikilala yaong buhat pa nang pasimula ay siya na. Kayo'y aking sinulatan, mga binata, sapagka't kayo'y malalakas, at ang salita ng Dios ay nananahan sa inyo, at inyong dinaig ang masama.

¹⁵ Huwag ninyong ibigin ang sanglibutan, ^(K)ni ang mga bagay na nasa sanglibutan. ^(L)Kung ang sinoman ay umiibig sa sanglibutan, ay wala sa kaniya ang pagibig ng Ama.

¹⁶ Sapagka't ang lahat na nangasa sanglibutan, ang masamang pita ng laman at ang masamang pita ng mga mata at ^(M)ang kapalaluan sa buhay, ay hindi mula sa Ama, kundi sa sanglibutan.

¹⁷ At ^(N)ang sanglibutan ay lumilipas, at ang masamang pita niyaon; datapuwa't ang gumagawa ng kalooban ng Dios ay nananahan magpakailan man.