Revised Common Lectionary (Semicontinuous)

UNANG AKLAT

Ang matuwid at ang masama ay pinagparis.

¹⁰ Sapagka't ganito ang sabi ng Panginoon, ^(A)Pagkatapos na maganap ang pitong pung taon sa Babilonia, aking dadalawin kayo, ^(B)at aking tutuparin ang aking mabuting salita sa inyo, sa pagpapabalik sa inyo sa dakong ito.

¹¹ Sapagka't nalalaman ko ang mga pagiisip na aking iniisip sa inyo, sabi ng Panginoon, mga pagiisip tungkol sa kapayapaan, at hindi tungkol sa kasamaan, ^(C)upang bigyan kayo ng pagasa sa inyong huling wakas.

¹² At kayo'y magsisitawag sa akin, at kayo'y magsisiyaon at magsisidalangin sa akin, at aking didinggin kayo.

¹³ At inyong hahanapin ako, at masusumpungan ako, pagka inyong sisiyasatin ako ng inyong buong puso.

¹⁴ At ^(D)ako'y masusumpungan sa inyo, sabi ng Panginoon, at aking ibabalik uli kayo na mula sa inyong pagkabihag, at aking pipisanin ^(E)kayo mula sa lahat ng bansa, at mula sa lahat ng dako na aking pinagtabuyan sa inyo, sabi ng Panginoon; at aking ibabalik kayo uli sa dakong mula sa aking pinagdalhang bihag sa inyo.

¹⁵ Sapagka't inyong sinabi, Ang Panginoon ay nagbangon sa amin ng mga propeta sa Babilonia.

¹⁶ Sapagka't ganito ang sabi ng Panginoon tungkol sa hari na ^(F)nauupo sa luklukan ni David, at tungkol sa buong bayan na tumatahan sa bayang ito, sa inyo ngang mga kapatid na hindi nagsilabas na kasama ninyo sa pagkabihag;

¹⁷ Ganito ang sabi ng Panginoon ng mga hukbo, Narito, aking susuguin sa kanila ang ^(G)tabak, ang kagutom at ang salot, at gagawin ko silang parang ^(H)masamang igos, na hindi makakain, dahil sa nangapakasama.

¹⁸ At aking hahabulin sila ng tabak, at kagutom, at ng salot, at ^(I)aking ibibigay sila sa kakutyaan na paroo't parito sa gitna ng lahat na kaharian sa lupa, ^(J)upang maging kasumpaan, at katigilan, at kasutsutan, at katuyaan, sa gitna ng lahat na bansa na aking pinagtabuyan sa kanila;

¹⁹ Sapagka't hindi sila nangakinig sa aking mga salita, sabi ng Panginoon, na aking mga ipinasugo sa aking mga propeta, na ako'y bumangong maaga at sinugo ko sila; nguni't hindi ninyo dininig sila, sabi ng Panginoon.

^13 (A)Magsipagingat kayo, ^(B)mangagpakatibay kayo sa pananampalataya, ^(C)kayo'y mangagpakalalake, ^(D)kayo'y mangagpakalakas.

^14 (E)Gawin ninyo sa pagibig ang lahat ninyong ginagawa.

¹⁵ Ipinamamanhik ko nga sa inyo, mga kapatid (nalalaman ninyo na ^(F)ang sangbahayan ni Estefanas ay siyang ^(G)pangunahing bunga ng ^(H)Acaya, at nangagsitalaga ^(I)sa paglilingkod sa mga banal),

¹⁶ Na ^(J)kayo'y pasakop naman sa mga gayon, at sa bawa't tumutulong sa gawa at nagpapagal.

¹⁷ At ikinagagalak ko ang pagdating ni Estefanas at ni Fortunato at ni Acaico: ^(K)sapagka't ang kakulangan ninyo ay pinunan nila.

¹⁸ Sapagka't inaliw nila ang aking espiritu at ang inyo: magsikilala nga kayo sa mga gayon.

¹⁹ Binabati kayo ng mga iglesia sa Asia. Kayo'y binabating malabis sa Panginoon ni ^(L)Aquila at ni Prisca^{[a] (M)}pati ng iglesiang nasa kanilang bahay.

²⁰ Binabati kayo ng lahat ng mga kapatid. ^(N)Kayo'y mangagbatian ng halik na banal.

²¹ Ang bati ko, ni ^(O)Pablo na sinulat ng aking sariling kamay.

²² Kung ang sinoman ay hindi umiibig sa Panginoon, ^(P)ay maging takuwil siya. ^(Q)Maranatha^[b]

²³ Ang biyaya ng Panginoong Jesucristo ay sumainyo nawa.

²⁴ Ang aking pagibig kay ^(R)Cristo Jesus ay sumainyo nawang lahat. Siya nawa.