◀ All Reading Plans / Revised Common Lectionary (Complementary) / Psalm 12 (Help for the poor); Proverbs 17:1-5 (Oppressing the poor); 1 Corinthians 9:19-23 (A servant of the gospel) (Reimer 2001)
Print Page Options Listen to Psalm 12 (Help for the poor); Proverbs 17:1-5 (Oppressing the poor); 1 Corinthians 9:19-23 (A servant of the gospel)
Previous Prev Day
September 23, 2025 Use the calendar to view readings from this plan.
Next DayNext

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.
Duration: 1245 days
Reimer 2001 (REIMER)
Version
Psalme 12

Dee 12 Psalm

To daen haupt Musikaunt opp Scheminot, en Psalm fonn Doft.

1 Halp, O Herr Gott, dan dee Heilje sent feschwunje; dan dee Tru sent, sent nijch to finje mank dee Mensche Säns.

2 Dee raede Nutslooset, en jieda met sien Noba, met Leppe dee schmeijchle un räde met en dobbeldet Hoat.

3 Dee Herr Gott woat aule aufschniede dee met schmeijchel Leppe räde, un ne Tunj dee Stolltet räde deit;

4 dee saje: "Wie woare jewenne met onnse Tunje, onnse Leppe jeheare onns, wäa es Herr äwa onns?"

5 "Ekj woa nu oppstone fa dee Oame äa Bedrekje un daut Sefte fa dee Bederftje," sajcht dee Herr Gott. "Ekj woa dän fesejchre, hee stänt doafäa."

6 Däm Herr Gott siene Wead sent ajchte Wead, soo aus Selwa daut jereinijcht es enn en eadna Owe, säwen mol jereinijcht.

7 Du woascht dän behoole, O Herr Gott; du woascht dän behoole fonn dit Jeschlajcht fa emma.

8 Dee Beese wanke romm aun aule Siede wan dee Beese Mensche Säns daut Beeset lowe.

Sprejchwead 17:1-5

17 Daut es bäta en dreajet biet Broot to habe un Fräd doamet, aus en Hus foll Opfa met Jachte.

2 En Deena dee fäasejchtijch es woat äwa en Sän harsche dee Schaund brinjt, un hee woat en poat fonn daut Oafgoot habe mank dee Breeda.

3 En Grope tom reinje fa Selwa, un dee Owe fa Golt; oba dee Herr Gott prooft daut Hoat.

4 Wäa Beeset deit jeft Acht opp faulsche Leppe; en Läajna horjcht no ne Tunj dee beeset Janka haft.

5 Wäa dee Oame feacht deit sien Erschaufa utschempe; wäa sikj freit wan doa Onnjlekj kjemt, woat nijch Schultloos senne.

1 Korinta 9:19-23

19 Dan wan ekj uk fonn aula Maun frie sie, ha ekj mie aun aulem feskloft, daut ekj doaderch meeha jewenne kaun.

20 Fa dee Jude wort ekj so aus en Jud, so daut ekj dee Jude jewenne kunn; fa dee unja daut Jesats, aus unja daut Jesats, wan ekj selfst uk nich unja daut Jesats sie, daut ekj daen unja daut Jesats jewenne kaun.

21 Fa daen dee oone Jesats sent, aus oone Jesats, nich daut ekj oone Jesats sie fer Gott, oba unja Christus sien Jesats, daut ekj daen oone Jesats jewenne kaun.

22 Fa dee Schwake wort ekj Schwak, daut ekj dee Schwake jewenne kaun: eakj sie aules jeworde fa aulem, daut ekj aulenthaulwe walkje rade kaun.

23 En ekj doo dit waeajen daut Evanjeelium, daut ekj doarenn kaun en Metdeela senne.

Reimer 2001 (REIMER)

Copyright © 2001 by Elmer Reimer

Prev Day Prev Day
Top
Next Day Next Day