Revised Common Lectionary (Complementary)

Dee 67 Psalm

To dän Haupt Musikaunt, fe en Späldinkj met Seide. En Psalm, en Leet.

¹ Mucht dee Herr erboarment senne to onns, un onns säajne, un mucht sien Jesejcht opp onns schiene. Selah.

² Daut dien Wajch mucht oppe Ead bekaunt senne, diene Radunk mank aule Natsjoone.

³ Lot dee Felkja dien danke, O Gott, lot aul dee Felkja die danke.

⁴ O lot dee Felkja froo senne, un fa Freid sinje; dan du woascht dee Felkja enn Jerajchtijchkjeit rejchte, un äwa dee Felkja oppe Ead rejeare.

⁵ Lot dee Felkja die Dank jäwe, O Gott; lot aul dee Felkja die Dank jäwe.

⁶ Dee Ead haft äa Toonämet jejaeft; Gott, onns eajna Gott, woat onns säajne.

⁷ Gott woat onns säajne, un aul dee Winkjels enne Ead woare am ferjchte.

⁶ Dan dee Herr Gott jeft Weisheit; ut sien Mul kome Wissenschoft un Festentnis.

⁷ Hee lajcht jesunde Wiesheit opp fa dee Opprajchte; Hee es en Schilt to dän dee enn Follstendijchkjeit waundle,

⁸ dee Jerejcht Wäaj to beschutse, un Hee beschutst siene Heilje äa Wajch.

16 Hee kjeem donn no Derbe en Listra. En kjikj, doa wea en Jinja dee Timotaeaus heet, siene Mutta wea en Jud oba sien Foda wea en Jrieche.

² Dee haud en goodet Zeichnes fonn dee Breeda enn Listra en Iekoonean.

³ Paul wull daem jearen metnaeme opp siene Reis, en beschneet am omm dee Jude aea haulwe dee enn dee Ommjaeajent weare, dan see wiste aule daut sien Foda Jriechesch wea.

⁴ Aus see nu derch dee Staede reisde, deelde see an met waut dee Apostel en Aeltesta enn Jerusalem befoole haude.

⁵ Aulso worde dee Jemeente jestoakjt em Gloowe, en femeade sikj aule Dach.

⁶ En see jinje derch Frijean en Galatsean, en dee Heilje Jeist feboot an daut Wuat enn Asean to praedje.

⁷ En aus see bott Misean kjeeme, proowde see enn Bitienean enenn to gone, oba Jesus sien Jeist erlaubt an daut nich;

⁸ en soo jinje see bie Misean febie en kjeeme no Trooas.