Revised Common Lectionary (Complementary)
विश्रामको दिनको निम्ति एउटा स्तुतिगान।
95 आऊ, परमप्रभुको गुण-गान गरौं।
चट्टान प्रति, ठूलो स्वरमा गुण-गान गरौं जसले हामीलाई बचाउँनु भयो।
2 परमप्रभु प्रति धन्यवादको गीत गाऊ।
उहाँप्रति आनन्दमय प्रशंसाको गीत गाऊ।
3 किनभने परमप्रभु नै महान् परमेश्वर हुनुहुन्छ!
अन्य सारा “देवताहरू” लाई अधीनमा राख्ने उहाँ महान् राजा हुनुहुन्छ।
4 गहिरो गुफाहरू र उच्च पहाड-पर्वतहरू परमप्रभुका सम्पत्ति हुन्।
5 सागर उहाँकै हो उहाँले यो सृजना गर्नु भएको हो,
परमेश्वरले आफ्नै हातले सुख्खा जमीनहरू बनाउनु भयो।
6 आऊ, निहुँरिएर, उहाँको उपसना गरौं।
जसले हामीलाई बनाउनु भयो उहाँ परमेश्वरको उपसना गरौं।
7 उहाँ हाम्रो परमेश्वर हुनुहुन्छ
अनि हामी उहाँका सन्तानहरू हौं।
यदि हामीले उहाँको आवाज सुन्यौं भने,
आज हामी उहाँका भेंडाहरू हौं।
8 परमेश्वर भन्नुहुन्छ, “तिमीहरूले “मरीबामाको” जंङ्गलमा हुँदा झैं,
अनि “मस्साको” मरुभूमिमा गरे झैं जिद्दी नगर।
9 तिम्रा पिता-पुर्खाहरूले मलाई जाँच गरे, तिनीहरूले मलाई जाँचे,
तर तिनीहरूले म के गर्न सक्थें भन्ने कुरा देखे।
10 चालीस बर्षसम्म मैले ती मानिसहरूको गन-गन सहेर बसें।
अनि म जान्दथिएँ कि तिनीहरू आज्ञाकारी थिएनन्।
तिनीहरूले मेरो शिक्षाहरू लिन अस्वीकार गरे।
11 यसैले मेरो रीसमा तिनीहरू
‘मेरो विश्रामको भूमिमा पस्ने छैनन’ भनी मैले प्रतिज्ञा गरें।”
8 म लडेकेछु तर हे, मेरो शत्रु!
मेरो हाँसो नउडाऊ किनकि म फेरि खडा़ हुनेछु।
यद्यपि आज अँध्यारोमा बसेकोछु,
परमप्रभुले ममा ज्योति ल्याउनुहुनेछ।
परमप्रभुले क्षमा गर्नुहुन्छ
9 मैले परमप्रभुको विरुद्ध पाप गरेंको थिएँ।
यसकारण, उहाँ मसित रिसाउँनु भएको थियो।
तर न्यायलयमा उहाँले मेरो निम्ति मुद्दा लडी इन्साफ गर्नुहुनेछ।
उहाँले त्यही काम गर्नुहुनेछ जुन काम मेरो निम्ति उचितछ।
फेरि उहाँले मलाई बाहिर उज्यालोमा ल्याउनुहुनेछ।
अनि म उहाँको उद्धार हेर्नेछु।
10 फेरि मेरो शत्रुहरूले
यो देखेर लज्जित हुनेछन्।
मेरो शत्रुहरूले मलाई सोधेको थियो,
“तेरा परमप्रभु परमेश्वर कहाँछन्?”
त्यस समय, म उसमाथि हाँस्नेछु।
मानिसहरूले उसलाई,
हिलो मैलोले कुल्चेको जस्तै कुल्चने छन्।
यहूदीहरू फर्कनेछन्
11 त्यो समय आउनेछ जुन दिन तिम्रा पर्खाल फेरि निर्माण हुनेछ,
त्यस समयमा तिम्रो देश विशाल हुनेछ।
12 तिम्रा मानिसहरू तिम्रो भुमिमा फर्केर आउनेछन्।
तिनीहरू अश्शूर र मिश्रदेशदेखि आउनेछन्।
तिम्रा मानिसहरू मिश्र र यूफ्रेटिस नदीको
अर्को भूमिबाट आउनेछन्,
समुद्रदेखि लिएर समुद्रसम्मका
र पर्वतदेखि पर्वतसम्मका मानिसहरू आउनेछन्।
13 पृथ्वी ती मानिसहरू जो यस पृथ्वीका निवासी थिए,
तिनीहरूको कर्महरू जुन तिनीहरूले गर्थे ती कारणले बर्बाद भएको थियो।
14 यसकारण आफ्नो राजदण्डले तिमी शासन गर।
तिमी ती वथानहरूलाई शासन गर
जुन तिम्रो आफ्नो हो।
मानिसको वथान कर्मेलको पहाडमा एक्लै बस्थे।
यो बथान बाशानमा छ अनि गिलादमा छ
जसरि त्यो पहिला बसेको थियो।
इस्राएलले आफ्नो शत्रुलाई हराउने छ
15 जब मैले तिमीलाई मिश्रबाट निकालेर ल्याएको थिएँ,
मैले धेरै अचम्मको कामहरू गरेको थिएँ।
त्यस्तै अचम्मका कामहरू म तिमीलाई देखाउँनेछु।
16 ती अचम्मका कामहरू अन्य जातिहरूले देख्ने छन्,
अनि लज्जित हुनेछन्।
ती जातिहरूले देख्नेछन्,
तिनीहरूको शक्ति मेरो छेउमा केहि पनि होइन।
उनीहरू छक्क पर्नेछन्,
अनि आफ्नो मुख हातले छोप्नेछन्
अनि कान बन्द गर्नेछन्
र केही पनि सुन्ने छैनन्।
17 तिनीहरूले जमीनमा घस्रने सर्पले झैं
धूलो चाट्नेछन्, र तिनीहरू डरले काम्नेछन्।
तनीहरू परमप्रभु हाम्रा परमेश्वरकहाँ
घस्रने किरा झैं तिनीहरूका किल्लाहरूबाट आउँनेछन्।
तिनीहरू तिमीहरूसित डराउँनेछन्।
परमप्रभुको निम्ति स्तुति
18 तपाईं जस्तो परमेश्वर अरू छैनन्।
तपाईंले पापीहरूलाई क्षमा गरिदिनुहुन्छ।
तपाईंले आफ्नो बाँचेका मानिसहरूका पाप क्षमा गरिदिनुहुन्छ।
तपाईले आफ्ने रिसलाई राखिराख्नु हुन्न
किनकि तपाईं सधैँ दया गर्न रूचाउनु हुन्छ।
19 हे परमप्रभु! हाम्रा पापहरू टाढा फ्याँकि दिनुहोस्,
फेरि हामीलाई सुख चैन दिनुहोस्,
हाम्रा पापहरू तपाईंले टाढा गहीरो समुद्रमा फ्याँकि दिनुहुनेछ।
20 तपाईं याकूबप्रति साँच्चो हुनुहुन्छ,
अब्राहम प्रति दयालु हुनुहुन्छ।
तपाईंले यस्तो शपथ धेरै अगाडी,
हाम्रो पिता-पुर्खाहरूसँग गर्नुभएको थियो।
26 तब तिनीहरूले भजन गाए अनि उहाँहरू निस्केर जैतून डाँडातिर जानुभयो।
येशूका सबै चेलाहरूले उहाँलाई छोडे
(मत्ती 26:31-35; लूका 22:31-34; यूहन्ना 13:36-38)
27 त्यसपछि येशूले आफ्ना चेलाहरूलाई भन्नुभयो, “तिमीहरू सबैले आफ्ना विश्वास हराउनेछौ। यो कुरा धर्मशास्त्रहरूमा लेखिएको छ,
‘म गोठालोलाई मार्नेछु,
अनि भेंड़ाहरू तितरबितर हुनेछन्।’(A)
28 तर म मरेपछि, फेरि मृत्युबाट बौरीनेछु। त्यसपछि म गालील जानेछु। तिमीहरू त्यहाँ पुग्न अघि नै म त्यहाँ पुगेको हुनेछु।”
29 पत्रुसले भने, “यदि सबैले आफ्नो विश्वास हराए पनि म कहिल्यै मेरो विश्वास हराउने छैन।”
30 येशूले जवाफ दिनुभयो, “म तिमीलाई साँच्चो भन्दछु। आजकोरात दोस्रोपल्ट भाले बास्नुअगि तिमीले मलाई तीनपल्ट ईन्कार गर्ने छौ।”
31 तर पत्रुसले जोर दिएर भने, “यदी म तपाईंसँगै मर्नु परेता पनि म कहिल्यै तपाईंलाई इन्कार्ने छुईंन!” त्यसरी नै अरू चेलाहरूले पनि त्यही कुरा भने।
© 2004, 2010 Bible League International