Old/New Testament
Ang pahayag ni Ciro tungkol sa templo.
1 Nang unang taon nga ni Ciro na hari sa Persia, upang ang salita ng Panginoon sa (A)pamamagitan ng bibig ni Jeremias ay maganap, kinilos ng Panginoon ang diwa ni Ciro na hari sa Persia, na siya'y nagtanyag sa kaniyang buong kaharian, at isinulat din naman, na sinasabi,
2 Ganito ang sabi ni Ciro na hari sa Persia, Ibinigay sa akin ng Panginoon, ng Dios ng langit, ang lahat na kaharian sa lupa; (B)at ibinilin niya sa akin na ipagtayo ko siya ng isang bahay sa Jerusalem, na nasa Juda.
3 Sinoman sa inyo sa kaniyang buong bayan, sumakaniya nawa ang kaniyang Dios, at umahon siya sa Jerusalem, na nasa Juda, at itayo ang bahay ng Panginoon, ng Dios ng Israel, (C)(siya'y Dios,) na nasa Jerusalem.
4 At sinomang naiwan sa alinmang dako na kaniyang pinakikipamayanan, tulungan siya ng mga lalake sa kaniyang kinaroroonan ng pilak, at ng ginto, at ng mga pagaari, at ng mga hayop, bukod sa kusang handog sa bahay ng Dios na nasa Jerusalem.
Ang mga kayamanan ng templo ay isinauli.
5 Nang magkagayo'y nagsibangon ang mga pangulo ng mga sangbahayan ng mga magulang ng Juda at Benjamin, at ang mga saserdote, at ang mga Levita, sa makatuwid baga'y lahat na ang diwa'y kinilos ng Dios na magsiahong itayo ang bahay ng Panginoon na nasa Jerusalem.
6 At lahat na nangasa palibot nila ay nangagpatibay sa kanilang mga kamay ng mga sisidlang pilak, ng ginto, ng mga pagaari, at ng mga hayop, at ng mga mahalagang bagay, bukod pa sa lahat na kusang inihandog.
7 (D)Inilabas din naman ni Ciro na hari ang mga sisidlan ng bahay ng Panginoon na (E)inilabas ni Nabucodonosor sa Jerusalem, at inilagay sa bahay ng kaniyang mga dios;
8 Sa makatuwid baga'y yaong mga inilabas ni Ciro na hari sa Persia sa pamamagitan ng kamay ni Mitridates na (F)tagaingat-yaman, at mga (G)binilang kay Sesbassar, na prinsipe sa Juda.
9 At ito ang bilang ng mga yaon: tatlong pung pinggang ginto, at isang libong pinggang pilak, dalawang pu't siyam na sundang;
10 Tatlong pung mangkok na ginto, mga mangkok na pilak na ikalawang ayos ay apat na raan at sangpu, at ang ibang mga sisidlan ay isang libo.
11 Lahat na sisidlang ginto at pilak ay limang libo at apat na raan. Ang lahat ng mga ito ay ipinaahon ni Sesbassar, nang silang sa pagkabihag ay ipagahong mula sa Babilonia hanggang sa Jerusalem.
Ang mga pangalan noong mga bumalik na mula sa Babilonia.
2 Ang mga (H)ito nga'y ang mga anak ng lalawigan, na nagsiahon mula sa pagkabihag sa mga nayon na nangadala, (I)na dinala sa Babilonia ni Nabucodonosor na hari sa Babilonia, at nangagbalik sa Jerusalem at sa Juda, na bawa't isa'y sa kaniyang bayan;
2 Na nagsidating na kasama ni Zorobabel, si Jesua, si Nehemias, si (J)Seraias, si Reelias, si Mardocheo, si Bilsan, si Mispar, si Bigvai, si Rehum, si Baana. Ang bilang ng mga lalake ng bayan ng Israel ay ito:
3 Ang mga anak ni Paros, dalawang libo't isang daan at pitong pu't dalawa.
4 Ang mga anak ni Sephatias, tatlong daan at pitong pu't dalawa.
5 Ang mga anak ni Ara, pitong daan at pitong pu't lima.
6 Ang mga anak ni Pahath-moab, sa mga anak ni Josue at ni Joab, dalawang libo't walong daan at labing dalawa.
7 Ang mga anak ni Elam, isang libo't dalawang daan at limang pu't apat.
8 Ang mga anak ni Zattu, siyam na raan at apat na pu't lima.
9 Ang mga anak ni Zachai, pitong daan at anim na pu.
10 Ang mga anak ni (K)Bani, anim na raan at apat na pu't dalawa.
11 Ang mga anak ni Bebai, anim na raan at dalawang pu't tatlo.
12 Ang mga anak ni Azgad, isang libo at dalawang daan at dalawang pu't dalawa.
13 Ang mga anak ni Adonicam, anim na raan at anim na pu't anim.
14 Ang mga anak ni Bigvai, dalawang libo at limang pu't anim.
15 Ang mga anak ni Adin, apat na raan at limang pu't apat.
16 Ang mga anak ni Ater, ni Ezechias, siyam na pu't walo.
17 Ang mga anak ni Besai, tatlong daan at dalawang pu't tatlo.
18 Ang mga anak ni (L)Jora, isang daan at labing dalawa.
19 Ang mga anak ni Hasum ay dalawang daan at dalawang pu't tatlo.
20 Ang mga anak ni (M)Gibbar, siyam na pu't lima.
21 Ang mga anak ni Beth-lehem, isang daan at dalawang pu't tatlo.
22 Ang mga lalake ng Nethopha, limang pu't anim.
23 Ang mga lalake ng Anathoth, isang daan at dalawang pu't walo.
24 Ang mga anak ni (N)Azmaveth, apat na pu't dalawa.
25 Ang mga anak ni Chiriathjearim, ni Cephira, at ni Beeroth, pitong daan at apat na pu't tatlo.
26 Ang mga anak ni Rama at ni Gaaba, anim na raan at dalawang pu't isa.
27 Ang mga lalake ng Michmas, isang daan at dalawang pu't dalawa.
28 Ang mga lalake ng Beth-el at ng Hai, dalawang daan at dalawang pu't tatlo.
29 Ang mga anak ni Nebo, limang pu't dalawa.
30 Ang mga anak ni Magbis, isang daan at limang pu't anim.
31 Ang mga anak ng ibang Elam, isang libo't dalawang daan at limang pu't apat.
32 Ang mga anak ni Harim, tatlong daan at dalawang pu.
33 Ang mga anak ni Lod, ni Hadid, at ni Ono, pitong daan at dalawang pu't lima.
34 Ang mga anak ni Jerico, tatlong daan at apat na pu't lima.
35 Ang mga anak ni Senaa, tatlong libo't anim na raan at tatlong pu.
36 Ang mga saserdote: ang mga anak ni Jedaia, sa sangbahayan ng Jesua, siyam na raan at pitong pu't tatlo.
37 Ang mga anak ni Immer, isang libo at limang pu't dalawa.
38 Ang mga anak ni Pashur, isang libo't dalawang daan at apat na pu't pito.
39 Ang mga anak ni Harim, isang libo at labing pito.
40 Ang mga Levita: ang mga anak ni Jesua at ni Cadmiel, (O)sa mga anak ni Hodavias, pitong pu't apat.
41 Ang mga mangaawit: ang mga anak ni Asaph, isang daan at dalawang pu't walo.
42 Ang mga anak ng mga tagatanod-pinto: ang mga anak ni Sallum, ang mga anak ni Ater, ang mga anak ni Talmon, ang mga anak ni Accub, ang mga anak ni Hatita, ang mga anak ni Sobai, ang lahat ay isang daan at tatlong pu't siyam.
43 (P)Ang mga Nethineo: ang mga anak ni Siha, ang mga anak ni Hasupha, ang mga anak ni Thabaoth.
44 Ang mga anak ni Cheros, ang mga anak ni (Q)Siaa, ang mga anak ni Phadon;
45 Ang mga anak ni Lebana, ang mga anak ni Hagaba, ang mga anak ni Accub;
46 Ang mga anak ni Hagab, ang mga anak ni (R)Samlai, ang mga anak ni Hanan;
47 Ang mga anak ni Gidiel, ang mga anak ni Gaher, ang mga anak ni Reaia;
48 Ang mga anak ni Resin, ang mga anak ni Necoda, ang mga anak ni Gazam;
49 Ang mga anak ni Uzza, ang mga anak ni Phasea, ang mga anak ni Besai;
50 Ang mga anak ni Asena, ang mga anak ni Meunim, ang mga anak ni (S)Nephusim;
51 Ang mga anak ni Bacbuc, ang mga anak ni Hacusa, ang mga anak ni Harhur;
52 Ang mga anak ni (T)Bazluth, ang mga anak ni Mehida, ang mga anak ni Harsa;
53 Ang mga anak ni Bercos, ang mga anak ni Sisera, ang mga anak ni Tema;
54 Ang mga anak ni Nesia, ang mga anak ni Hatipha.
55 Ang mga anak ng mga lingkod ni Salomon ay: ang mga anak ni Sotai, ang mga anak ni Sophereth, ang mga anak ni (U)Peruda;
56 Ang mga anak ni Jaala, ang mga anak ni Darcon, ang mga anak ni Giddel;
57 Ang mga anak ni Sephatias, ang mga anak ni Hatil, ang mga anak ni Pochereth-hassebaim, ang mga anak ni (V)Ami.
58 Lahat ng mga Nethineo, at ng mga anak ng mga lingkod ni Salomon, tatlong daan at siyam na pu't dalawa.
59 At ang mga ito ang nagsiahon mula sa Tel-mela, Tel-harsa, Cherub, (W)Addan, at Immer: nguni't hindi nila naipakilala ang mga sangbahayan ng kanilang mga magulang, at ang kanilang binhi kung sila'y taga Israel:
60 Ang mga anak ni Delaia, ang mga anak ni Tobias, ang mga anak ni Nicoda, anim na raan at (X)limang pu't dalawa.
61 At sa mga anak ng mga saserdote: ang mga anak ni Abaia, ang mga anak ni Cos, ang mga anak ni (Y)Barzillai, na nagasawa sa mga anak ni Barzillai na Galaadita, at tinawag ayon sa kanilang pangalan.
62 Ang mga ito ay nagsihanap ng talaan ng kanilang pangalan sa nangabilang ayon sa talaan ng lahi, nguni't hindi nangasumpungan: kaya't sila'y nangabilang na hawa, at (Z)nangaalis sa pagkasaserdote.
63 At sinabi ng tagapamahala sa kanila, na sila'y (AA)huwag magsisikain ng mga pinakabanal na bagay, hanggang sa tumayo ang isang saserdote na may (AB)Urim at Thummim.
Ang bilang ng mga bumalik.
64 Ang buong kapisanang magkakasama ay apat na pu't dalawang libo at tatlong daan at anim na pu,
65 Bukod sa kanilang mga aliping lalake at babae, na may pitong libo't tatlong daan at tatlong pu't pito: at sila'y nangagkaroon ng (AC)dalawang daan na mangaawit na lalake at babae.
66 Ang kanilang mga kabayo ay pitong daan at tatlong pu't anim; ang kanilang mga mula ay dalawang daan at apat na pu't lima;
67 Ang kanilang mga kamelyo, apat na raan at tatlong pu't lima; ang kanilang mga asno, anim na libo't pitong daan at dalawang pu.
68 At ang ilan sa mga pangulo ng mga sangbahayan ng mga magulang, nang sila'y magsidating sa bahay ng Panginoon na nasa Jerusalem, ay nangaghandog na kusa sa bahay ng Dios, upang husayin sa kinatatayuan:
69 Sila'y nangagbigay ayon sa kanilang kaya sa ingatang-yaman ng gawain, na (AD)anim na pu't isang libong (AE)darikong ginto, at limang libong librang pilak, at isang daan na bihisan ng mga saserdote.
70 Gayon ang mga saserdote, at ang mga Levita, at ang iba sa bayan, at ang mga mangaawit, at ang mga tagatanod-pinto, at ang mga Nethineo, (AF)nagsitahan sa kanilang mga bayan, at ang buong Israel ay sa kanilang mga bayan.
23 (A)Ang mga kawal nga, nang si Jesus ay kanilang maipako na sa krus, ay kanilang kinuha ang kaniyang mga kasuutan at pinagapat na bahagi, sa bawa't kawal ay isang bahagi; at gayon din naman ang tunika: at ang tunika ay (B)walang tahi, na hinabing buo mula sa itaas.
24 Nangagsangusapan nga sila, Huwag natin itong punitin, kundi ating pagsapalaranan, kung mapapakanino: upang matupad ang kasulatan, na nagsasabi,
(C)Binahagi nila sa kanila ang aking mga kasuutan,
At ang aking balabal ay kanilang pinagsapalaran.
25 Ang mga bagay ngang ito ay ginawa ng mga kawal. Datapuwa't (D)nangakatayo sa piling ng krus ni Jesus ang kaniyang ina, at ang kapatid ng kaniyang ina, na si Maria na asawa ni Cleopas, at si Maria Magdalena.
26 Pagkakita nga ni Jesus sa kanyang ina, at (E)sa nakatayong alagad na kaniyang iniibig, ay sinabi niya sa kaniyang ina, (F)Babae, narito, ang iyong anak!
27 Nang magkagayo'y sinabi niya sa alagad, Narito, ang iyong ina! At buhat nang oras na yaon ay tinanggap siya ng alagad sa kaniyang sariling tahanan.
28 Pagkatapos nito, pagkaalam ni Jesus na ang lahat ng mga bagay ay naganap na nga, (G)upang matupad ang kasulatan, ay sinabi, Nauuhaw ako.
29 Mayroon doong isang sisidlang puno ng suka: kaya't (H)naglagay sila ng isang esponghang basa ng suka sa isang tukod na isopo, at kanilang inilagay sa kaniyang bibig.
30 Nang matanggap nga ni Jesus ang suka, ay sinabi niya, (I)Naganap na: at iniyukayok ang kaniyang ulo, at nalagot ang kaniyang hininga.
31 Ang mga Judio nga, (J)sapagka't noo'y Paghahanda, (K)upang ang mga katawan ay huwag mangatira sa krus sa sabbath (sapagka't (L)dakila ang araw ng sabbath na yaon), ay hiniling nila kay Pilato na mangaumog ang kanilang mga hita, at upang sila'y mangaalis doon.
32 Nagsiparoon na ang mga kawal, at inumog ang mga hita ng una, at ng sa isa na ipinako sa krus na kasama niya:
33 Nguni't nang magsiparoon sila kay Jesus, at makitang siya'y patay na, ay hindi na nila inumog ang kaniyang mga hita:
34 Gayon ma'y pinalagpasan ang kaniyang tagiliran ng isang sibat ng isa sa mga kawal, at pagdaka'y lumabas ang (M)dugo at tubig.
35 At ang nakakita ay nagpatotoo, at ang kaniyang patotoo ay totoo: at (N)nalalaman niyang siya'y nagsasabi ng totoo, upang kayo naman ay magsisampalataya.
36 Sapagka't ang mga bagay na ito ay nangyari, upang matupad ang kasulatan, Ni isa mang (O)buto niya'y hindi mababali.
37 At sinabi naman sa ibang kasulatan, (P)Magsisitingin sila sa kaniya na kanilang pinagulusanan.
38 At pagkatapos ng mga bagay na ito (Q)si Jose na taga Arimatea, palibhasa'y alagad ni Jesus, bagama't lihim dahil sa katakutan sa mga Judio, ay namanhik kay Pilato na makuha niya ang bangkay ni Jesus; at ipinahintulot ni Pilato sa kaniya. Naparoon nga siya, at inalis ang kaniyang bangkay.
39 At naparoon naman si Nicodemo, (R)yaong naparoon nang una sa kaniya nang gabi, na may dalang isang pinaghalong (S)mirra at mga aloe, na may mga isang daang (T)libra.
40 Kinuha nga nila ang bangkay ni Jesus, at binalot nila ng mga kayong lino na may mga pabango, ayon sa kaugalian ng mga Judio sa paglilibing.
41 Sa dako nga ng pinagpakuan sa kaniya ay may isang halamanan; at sa halamana'y may isang bagong libingan na kailan ma'y hindi pa napaglalagyan ng sinoman.
42 (U)Doon nga, dahil sa Paghahanda ng mga Judio (sapagka't malapit ang libingan) ay kanilang inilagay si Jesus.
Ang Biblia Copyright © Philippine Bible Society 1905, 1915, 1933, 1978