Read the New Testament in 24 Weeks

5 Huwag mong pagwikaan ang matanda, kundi pangaralan mo siyang tulad sa ama; ang mga kabataang lalake na tulad sa mga kapatid:

² Ang mga babaing matatanda na tulad sa mga ina; at ang mga kabataang babae na tulad sa mga kapatid na babae sa buong kalinisan.

³ Papurihan mo ang mga babaing bao ^(A)na tunay na bao.

⁴ Nguni't kung ang sinomang babaing bao ay may mga anak o mga apo, magsipagaral ang mga ito muna ^(B)ng pamamahalang may kabanalan sa kanilang sariling sangbahayan, at magsiganti sa kanilang mga magulang: ^(C)sapagka't ito'y nakalulugod sa paningin ng Dios.

⁵ Kaya't ang tunay na babaing bao at walang nagaampon, ay may pagasa sa Dios, at ^(D)nananatili sa mga pagdaing at mga panalangin ^(E)gabi't araw.

⁶ Datapuwa't ang nangagpapakabuyo sa mga kalayawan, ^(F)bagama't buháy ay patay.

⁷ Ang mga bagay na ito'y iutos mo rin naman, upang sila'y mawalan ng kapintasan.

⁸ Datapuwa't kung ang sinoman ay hindi nagkakandili sa mga sariling kaniya, lalong lalo na sa kaniyang sariling sangbahayan, ay tumanggi siya ^(G)sa pananampalataya at lalong masama kay sa ^(H)hindi sumasampalataya.

⁹ Huwag itala na gaya ng babaing bao samantalang walang anim na pung taon, ^(I)na naging asawa ng isang lalake,

¹⁰ Na may ^(J)mabuting patotoo tungkol sa mabubuting gawa; kung siya'y nagalaga sa mga anak, ^(K)kung siya'y nagpatuloy sa mga taga ibang bayan, kung siya'y ^(L)naghugas ng mga paa ng mga banal, kung siya'y umabuloy sa mga napipighati, kung ginanap niya na may kasipagan ang bawa't mabuting gawa.

¹¹ Nguni't tanggihan mo ang mga batang babaing bao: sapagka't pagkakaroon nila ng masamang pita na hiwalay kay Cristo, ay nagsisipagnasang magasawa;

¹² Na nagkakaroon ng kahatulan, sapagka't itinakuwil nila ang unang pananampalataya.

¹³ At bukod dito ay nangagaaral din naman na maging mga tamad, na nagpapalipatlipat sa bahay-bahay; at hindi lamang mga tamad, kundi ^(M)matatabil din naman ^(N)at mga mapakialam, na nagsisipagsalita ng mga bagay na di nararapat.

¹⁴ Ibig ko ngang magsipagasawa ang mga batang babaing bao, magsipanganak, ^(O)magsipamahala ng sangbahayan, huwag magbigay sa kaaway ng anomang pagkadahilanan ng ikalilibak:

¹⁵ Sapagka't ang mga iba'y nagsibaling na sa hulihan ni Satanas.

¹⁶ Kung ang sinomang babaing nanampalataya ay may inaampong mga babaing bao, ay umabuloy sa kanila, at huwag pabigatan ang iglesia, ^(P)upang maabuluyan nito ang mga tunay na bao.

^17 (Q)Ang mga matanda na ^(R)nagsisipamahalang mabuti ^(S)ay ariing may karapatan sa ibayong ^(T)kapurihan, lalong lalo na ang mga nangagpapagal sa salita at sa pagtuturo.

¹⁸ Sapagka't sinasabi ng kasulatan, ^(U)Huwag mong lalagyan ng busal ang baka pagka gumigiik. ^(V)At, ang nagpapagal ay karapatdapat sa kaupahan sa kaniya.

¹⁹ Laban sa matanda ay huwag kang tatanggap ng sumbong, maliban ^(W)sa dalawa o tatlong saksi.

²⁰ Sila na mga nagkakasala ay paalalahanan mo sa harapan ng lahat upang ang iba nama'y mangatakot.

²¹ Pinagbibilinan kita sa paningin ng ^(X)Dios, at ni Cristo Jesus, at ng mga anghel na hinirang, na iyong ganapin ang mga bagay na ito na walang pagtatangi na huwag mong gagawin ang anomang pagayo.

^22 (Y)Huwag mong ipatong ^(Z)na madalian ang iyong mga kamay sa kanino man, ^(AA)ni huwag kang makaramay sa mga kasalanan ng iba: ingatan mong malinis ang iyong sarili.

²³ Huwag kang iinom pa ng tubig lamang, kundi gumamit ka ng ^(AB)kaunting alak dahil sa iyong sikmura at sa iyong madalas na pagkakasakit.

²⁴ Ang mga kasalanan ng ilang tao ay hayag na, ^(AC)na nagsisipanguna sa paghukom: at ang ilang mga tao naman ay kanilang sinusundan.

²⁵ Gayon din naman ang mabubuting gawa ay hayag: at ang mga di gayo'y hindi maaaring ilihim.

6 Ang lahat ng mga alipin ^(AD)na nangasa ilalim ng pamatok ay ariin ang kanilang mga panginoon na karapatdapat sa buong kapurihan, upang ^(AE)ang pangalan ng Dios at ang aral ay huwag ^(AF)malapastangan.

² At ang mga may panginoong nagsisisampalataya, ay huwag mayamot sa kanila, sapagka't sila'y pawang ^(AG)magkakapatid; kundi bagkus paglingkuran nila silang mabuti, sapagka't nagsisipanampalataya at mga minamahal ang mga nagsisitanggap ng kapakinabangan. Iyong ituro at iaral ang mga bagay na ito.

³ Kung ang sinoma'y nagtuturo ng ibang aral, at ^(AH)hindi sumasangayon sa mga salitang nakagagaling, sa makatuwid ay sa mga salita ng ating Panginoong Jesucristo, ^(AI)at sa aral na ayon sa kabanalan;

⁴ Ang gayon ay palalo, walang nalalamang anoman, ^(AJ)kundi may-sakit sa mga usapan at ^(AK)mga pagtatalo, sa mga salitang pinagbubuhatan ng kapanaghilian, mga pagkakaalit, mga ^(AL)pagalipusta, mga masasamang akala.

⁵ Pagtataltalan ng mga taong ^(AM)masasama ang pagiisip at salat sa katotohanan, na nagsisipagakala na ang kabanalan ay paraan ng pakinabang.

⁶ Datapuwa't ang kabanalan na ^(AN)may kasiyahan ay ^(AO)malaking kapakinabangan:

⁷ Sapagka't ^(AP)wala tayong dinalang anoman sa sanglibutan, at wala rin naman tayong mailalabas na anoman;

⁸ Nguni't kung tayo'y may pagkain at pananamit ay masisiyahan na tayo doon.

⁹ Datapuwa't ^(AQ)ang mga nagsisipagnasang yumaman, ay nangahuhulog sa tukso at sa silo at sa maraming mga pitang hangal at nakasasama, ^(AR)na siyang naglulubog sa mga tao sa kapahamakan at kamatayan.

¹⁰ Sapagka't ^(AS)ang pagibig sa salapi ay ugat ng lahat ng uri ng kasamaan; na sa pagnanasa ng iba ay nangasinsay sa pananampalataya, at tinuhog ang kanilang sarili ng maraming mga kalumbayan.

¹¹ Datapuwa't ikaw, ^(AT)Oh tao, ng Dios, tumakas ka sa mga bagay na ito, at sumunod ka sa katuwiran, sa kabanalan, sa pananampalataya, sa pagibig, sa pagtitiis, sa kaamuan.

¹² Makipagbaka ka ^(AU)ng mabuting pakikipagbaka ng pananampalataya, ^(AV)manangan ka sa buhay na walang hanggan, na dito'y tinawag ka, at ipinahayag mo ang mabuting pagpapahayag sa harapan ng maraming mga saksi.

^13 (AW)Ipinagbibilin ko sa iyo ^(AX)sa paningin ng Dios ^(AY)na bumubuhay sa lahat ng mga bagay, at ni Cristo Jesus, ^(AZ)na sa harapan ni Poncio Pilato ay sumaksi ng mabuting pagpapahayag;

¹⁴ Na tuparin mo ang utos, na walang dungis, walang kapintasan ^(BA)hanggang sa pagpapakita ng ating Panginoong Jesucristo:

¹⁵ Na ^(BB)sa kaniyang kapanahunan ay ipahahayag siya, ^(BC)na mapalad at tanging Makapangyarihan ^(BD)Hari ng mga hari, at Panginoon ng mga panginoon;

^16 (BE)Na siya lamang ang walang kamatayan, na nananahan sa liwanag na di malapitan; na di nakita ng ^(BF)sinomang tao, o makikita man: sumakaniya nawa ang kapurihan at paghaharing walang hanggan. Siya nawa.

¹⁷ Ang mayayaman sa sanglibutang ^(BG)ito, ay pagbilinan mo na ^(BH)huwag magsipagmataas ng pagiisip, at huwag umasa sa mga kayamanang di nananatili, kundi sa Dios na siyang nagbibigay sa ating sagana ng lahat ng mga bagay upang ating ikagalak;

¹⁸ Na sila'y magsigawa ng mabuti, na sila'y magsiyaman sa mabuting gawa, na sila'y maging handa sa pamimigay, maibigin sa pamamahagi;

^19 (BI)Na mangagtipon sa kanilang sarili ng isang mabuting kinasasaligan para sa panahong darating, upang ^(BJ)sila'y makapanangan sa buhay na tunay na buhay.

²⁰ Oh Timoteo, ^(BK)ingatan mo ang ipinagkatiwala sa iyo, ^(BL)na ilagan mo ang mga usapan na walang kabuluhan at ^(BM)ang mga pagsalungat ng maling tawag na kaalaman;

²¹ Na palibhasa'y pinaniwalaan ng ilan ay nangasinsay tungkol sa pananampalataya. Ang biyaya ay sumainyo nawa.