New Testament in a Year

²⁴ Dahil dito'y tinawag nilang bilang ikalawa ang taong naging bulag, at sinabi sa kaniya, Luwalhatiin mo ang Dios: nalalaman naming makasalanan ang taong ito.

²⁵ Sumagot nga siya, Kung siya'y makasalanan ay hindi ko nalalaman: isang bagay ang nalalaman ko, na, bagaman ako'y naging bulag, ngayo'y nakakakita ako.

²⁶ Sinabi nga nila sa kaniya, Ano ang ginawa niya sa iyo? paano ang pagkapadilat niya sa iyong mga mata?

²⁷ Sinagot niya sila, Kasasabi ko lamang sa inyo, at hindi ninyo pinakinggan; bakit ibig ninyong marinig uli? ibig baga naman ninyong kayo'y maging mga alagad niya?

²⁸ At siya'y kanilang inalipusta, at sinabi, Ikaw ang alagad niya; datapuwa't kami'y mga alagad ni Moises.

²⁹ Nalalaman naming nagsalita ang Dios kay Moises: datapuwa't ^(A)tungkol sa taong ito, ay hindi namin nalalaman kung taga saan siya.

³⁰ Sumagot ang tao at sa kanila'y sinabi, Narito nga ang kagilagilalas, na hindi ninyo nalalaman kung siya'y taga saan, at gayon ma'y pinadilat niya ang aking mga mata.

³¹ Nalalaman naming hindi pinakikinggan ng ^(B)Dios ang mga makasalanan: datapuwa't kung ang sinomang tao'y maging mananamba sa Dios, at ginagawa ang kaniyang kalooban, siya'y pinakikinggan niya.

³² Buhat nang lalangin ang sanglibutan ay hindi narinig kailan man na napadilat ng sinoman ang mga mata ng isang taong ipinanganak na bulag.

^33 (C)Kung ang taong ito'y hindi galing sa Dios, ay hindi makagagawa ng anoman.

³⁴ Sila'y nagsisagot at sa kaniya'y sinabi, Ipinanganak kang lubos sa mga kasalanan, at ikaw baga ang nagtuturo sa amin? At ^(D)siya'y pinalayas nila.

³⁵ Nabalitaan ni Jesus na siya'y pinalayas nila; at pagkasumpong sa kaniya, ay sinabi niya, Sumasampalataya ka baga sa ^(E)Anak ng Dios?

³⁶ Sumagot siya at sinabi. At sino baga siya, Panginoon, upang ako'y sumampalataya sa kaniya?

³⁷ Sinabi sa kaniya ni Jesus, Siya'y nakita mo na, at ^(F)siya nga na nakikipagsalitaan sa iyo.

³⁸ At sinabi niya, Panginoon, sumasampalataya ako. At siya'y sinamba niya.

³⁹ At sinabi ni Jesus, ^(G)Sa paghatol ay naparito ako sa sanglibutang ito, ^(H)upang ang mga hindi nakakakita ay mangakakita; at upang ang mga nakakakita, ay maging mga bulag.

⁴⁰ Yaong mga Fariseo na kasama niya ay nangakarinig ng mga bagay na ito, at sinabi sa kaniya, Kami baga naman ay mga bulag din?

⁴¹ Sa kanila'y sinabi ni Jesus, ^(I)Kung kayo'y mga bulag, ay hindi kayo magkakaroon ng kasalanan: datapuwa't ngayo'y sinasabi ninyo, Kami'y nangakakakita: nananatili ang inyong kasalanan.