New Testament in a Year

¹⁹ At ito ang kahatulan, ^(A)na naparito ang ilaw sa sanglibutan, at inibig pa ng mga tao ^(B)ang kadiliman kay sa ilaw; sapagka't masasama ang kanilang mga gawa.

²⁰ Sapagka't ang ^(C)bawa't isa na gumagawa ng masama ay napopoot sa ilaw, at hindi lumalapit sa ilaw, upang huwag masaway ang kaniyang mga gawa.

²¹ Datapuwa't ang gumagawa ng katotohanan ay lumalapit sa ilaw, upang mahayag na ang kaniyang mga gawa ay ginawa sa Dios.

²² Pagkatapos ng mga bagay na ito ay nagsiparoon si Jesus at ang kaniyang mga alagad sa lupain ng Judea; at doon siya tumira na kasama nila, ^(D)at bumabautismo.

²³ At bumabautismo rin naman si Juan sa Enon na malapit sa Salim, sapagka't doo'y maraming tubig: at sila'y nagsiparoon, at nangabautismuhan.

²⁴ Sapagka't hindi pa ipinapasok sa bilangguan si ^(E)Juan.

²⁵ Nagkaroon nga ng isang pakikipagtalo ang mga alagad ni Juan sa isang Judio tungkol sa ^(F)paglilinis.

²⁶ At sila'y nagparoon kay Juan, at sa kaniya'y sinabi, Rabi, yaong kasama ^(G)mo sa dako pa roon ng Jordan, ^(H)na binigyan mong patotoo, narito, siya'y bumabautismo, at ang lahat ng mga tao'y nagsisiparoon sa kaniya.

²⁷ Sumagot si Juan at sinabi, Hindi makatatanggap ng anoman ang isang tao, malibang ito'y ipinagkaloob sa kaniya mula sa langit.

²⁸ Kayo man ay magsisisaksi sa akin, na aking sinabi, ^(I)Hindi ako ang Cristo, kundi, na ^(J)ako'y sinugo sa unahan niya.

²⁹ Ang nagtatangkilik sa kasintahang babae ^(K)ay ang kasintahang lalake: datapuwa't ang ^(L)kaibigan ng kasintahang lalake, na nakatayo at nakikinig sa kaniya, ay nagagalak na lubos dahil sa tinig ng kasintahang lalake: ito ngang aking kaligayahan ay naganap.

^30 (M)Siya'y kinakailangang dumakila, ngunit ako'y kinakailangang bumaba.

^31 (N)Ang nanggagaling sa itaas ay sumasaibabaw ng lahat: ^(O)ang galing sa lupa ay taga lupa nga, at ang ukol sa lupa ang sinasalita niya: ang nanggagaling sa langit ay sumasaibabaw ng lahat.

³² At kaniyang ^(P)nakita at ^(Q)narinig, ay siyang pinatototohanan niya; at ^(R)walang taong tumatanggap ng kaniyang patotoo.

³³ Ang tumatanggap ng kaniyang patotoo ay naglagay dito ng kaniyang tatak, na ang ^(S)Dios ay totoo.

³⁴ Sapagka't ang sinugo ng Dios ay nagsasalita ng mga salita ng Dios: sapagka't hindi niya ibinibigay ang Espiritu sa pamamagitan ng sukat.

^35 (T)Sinisinta ng Ama ang Anak, at inilagay sa kaniyang kamay ang lahat ng mga bagay.

^36 (U)Ang sumasampalataya sa Anak ay may buhay na walang hanggan; ngunit ang hindi tumatalima sa Anak ay hindi makakakita ng buhay, kundi ang poot ng Dios ay sumasa kaniya.