M’Cheyne Bible Reading Plan

Ang Panginoon ay lumayo sa kanila.

33 At sinalita ng Panginoon kay Moises, Yumaon ka, sumampa ka mula rito, ikaw at ang bayan na iyong isinampa mula sa lupain ng Egipto, na patungo kayo sa lupain na aking isinumpa kay Abraham, kay Isaac, at kay Jacob, na aking sinasabi, ^(A)Sa iyong binhi ay aking ibibigay.

² At ^(B)aking susuguin ang isang anghel sa unahan mo: at aking ^(C)palalayasin ang Cananeo, ang Amorrheo, at ang Hetheo, at ang Pherezeo, ang Heveo, at ang Jebuseo:

^3 (D)Sa isang lupaing binubukalan ng gatas at pulot: ^(E)sapagka't hindi ako sasampa sa gitna mo; sapagka't ikaw ay bayang may matigas na ulo; baka ikaw ay aking lipulin sa daan.

⁴ At nang marinig ng bayan ang masasamang balitang ito, ^(F)ay nanangis sila: ^(G)at walang taong nagsuot ng kaniyang mga pahiyas.

⁵ At sinabi ng Panginoon kay Moises, Sabihin mo sa mga anak ni Israel, Kayo'y isang bayang may matigas na ulo: kung ako'y sumampa sa gitna mo na sangdali, ay lilipulin kita: kaya't ngayo'y alisin mo ang iyong mga pahiyas sa iyo upang aking maalaman kung anong aking gagawin sa iyo.

⁶ At ang mga anak ni Israel ay naghubad ng kanilang mga pahiyas mula sa bundok ng Horeb.

⁷ Kinaugalian nga ni Moises na dalhin ang tolda at itayo sa labas ng kampamento, ^(H)na malayo sa kampamento at kaniyang tinawag iyon, Tabernakulo ng kapisanan. At nangyari na bawa't magsiyasat sa Panginoon ay lumalabas na pumaparoon sa tabernakulo ng kapisanan, na nasa labas ng kampamento.

⁸ At nangyari, pagka si Moises ay lumalabas na napasa sa Tolda, na ang buong bayan ay bumabangon ^(I)at tumatayo, bawa't lalake sa pintuan ng kaniyang tolda at pinanonood si Moises hanggang sa makapasok sa Tolda.

⁹ At nangyari, pagka si Moises ay pumapasok sa Tolda ay bumababa ^(J)ang haliging ulap at tumitigil sa pintuan ng Tolda ang Panginoon ay nakikipagsalitaan kay Moises.

¹⁰ At nakikita ng buong bayan ang haliging ulap at tumitigil sa pintuan ng Tolda; at ang buong bayan ay tumitindig at sumasamba, na bawa't isa'y sa tabi ng pintuan ng kaniyang tolda.

¹¹ At ^(K)nakikipagsalitaan ang Panginoon kay Moises ng mukhaan, gaya ng isang taong nakikipagsalitaan sa kaniyang kaibigan. At siya'y bumabalik uli sa kampamento, datapuwa't ang kaniyang tagapangasiwang ^(L)si Josue, na anak ni Nun, na may kabataan pa, ay hindi umaalis sa Tolda.

Si Moises ay nakipagusap sa Panginoon.

¹² At sinabi ni Moises sa Panginoon, Tingnan mo, ^(M)iyong sinasabi sa akin: Isampa mo ang bayang ito: at hindi mo ipinakilala sa akin kung sino yaong susuguin mo na kasama ko. Gayon ma'y iyong sinabi, Aking nakikilala ka sa pangalan, at ikaw rin naman ay nakasumpong ng biyaya sa aking paningin.

¹³ Ngayon nga, isinasamo ko sa iyo, na kung ako'y nakasumpong ng biyaya sa iyong paningin, ^(N)ay ituro mo sa akin ngayon ang iyong mga daan, upang ikaw ay aking makilala, na ano pa't ako'y makasumpong ng biyaya sa iyong paningin: at akalain mo, na ang bansang ito ay ^(O)iyong bayan.

¹⁴ At kaniyang sinabi, ^(P)Ako'y sasa iyo, at ikaw ay ^(Q)aking bibigyan ng kapahingahan.

¹⁵ At sinabi niya sa kaniya, ^(R)Kung ikaw ay hindi sasa akin ay huwag mo na kaming pasampahin mula rito.

¹⁶ Sapagka't saan ngayon makikilala na ako'y nakasumpong ng biyaya sa iyong paningin, ako at ang iyong bayan? ^(S)hindi ba dahil sa ikaw ay lumalakad na kasama namin, ^(T)upang kami ay maging bukod, ako at ang iyong bayan, sa lahat ng bayan na nasa balat ng lupa?

¹⁷ At sinabi ng Panginoon kay Moises, Akin ding gagawin ang bagay na ito na iyong sinalita: ^(U)sapagka't ikaw ay nakasumpong ng biyaya sa aking paningin, at ikaw ay aking nakikilala sa pangalan.

¹⁸ At sinabi ni Moises, Ipakita mo sa akin, idinadalangin ko sa iyo, ang iyong kaluwalhatian.

¹⁹ At kaniyang sinabi, ^(V)Aking papangyayarihin ang aking buong kabutihan sa harap mo, at aking itatanyag ang pangalan ng Panginoon sa harap mo; at ako'y ^(W)magkakaloob ng ^(X)biyaya sa kanino mang aking ibig pagkalooban, at ako'y magmamaawain sa kanino mang aking ibig kaawaan.

²⁰ At kaniyang sinabi, Hindi mo makikita ang aking mukha: ^(Y)sapagka't hindi maaaring makita ako ng tao at mabuhay.

²¹ At sinabi ng Panginoon, Narito, may isang dako sa tabi ko, at ikaw ay tatayo sa ibabaw ng batong iyan:

²² At mangyayari, na samantalang ang aking kaluwalhatian ay dumadaan, na aking ilalagay ka sa isang bitak ng bato, at tatakpan kita ng aking kamay hanggang sa ako'y makaraan:

²³ At aking aalisin ang aking kamay, at iyong makikita ang aking likod: datapuwa't ang aking mukha ^(Z)ay hindi makikita.

12 Anim na araw nga bago ^(A)magpaskua ay naparoon ^(B)si Jesus sa Betania, na kinaroroonan ni ^(C)Lazaro, na ibinangon ni Jesus mula sa mga patay.

^2 (D)Kaya't iginawa siya doon ng isang hapunan: at si Marta ay naglilingkod; datapuwa't si Lazaro ay isa sa nangakaupo sa pagkain na kasalo niya.

³ Si Maria nga'y kumuha ng ^(E)isang libra ng unguentong taganas na nardo, na totoong mahalaga, at ^(F)pinahiran ang mga paa ni Jesus, at kinuskos ang kaniyang mga paa ng kaniyang mga buhok: at ang bahay ay napuno ng amoy ng unguento.

⁴ Datapuwa't ^(G)si Judas Iscariote, na isa sa kaniyang mga alagad, na sa kaniya'y magkakanulo, ay nagsabi,

⁵ Bakit hindi ipinagbili ang unguentong ito ng tatlong daang denario, at ibigay sa mga dukha?

⁶ Ito'y sinabi nga niya, hindi sapagka't ipinagmalasakit niya ang mga dukha; kundi sapagka't siya'y magnanakaw, ^(H)at yamang nasa kaniya ang supot ay kinukuha niya ang doon ay inilalagay.

⁷ Sinabi nga ni Jesus, Pabayaan ninyong ^(I)ilaan niya ito ukol sa araw ng paglilibing sa akin.

⁸ Sapagka't ang mga dukha ay laging nasa inyo; nguni't ako'y hindi laging nasa inyo.

⁹ Ang karaniwang mga tao nga sa mga Judio ay naalaman na siya'y naroroon: at sila'y nagsiparoon, hindi dahil kay Jesus lamang, kundi upang makita nila si Lazaro naman, ^(J)na muling ibinangon niya mula sa mga patay.

¹⁰ Datapuwa't nangagsanggunian ang mga pangulong saserdote upang kanilang maipapatay pati si Lazaro;

¹¹ Sapagka't dahil sa kaniya'y marami sa mga Judio ang nagsisialis at nagsisipanampalataya kay Jesus.

¹² Nang kinabukasan ^(K)ang isang malaking karamihan na nagsiparoon sa pista, pagkabalita nila na si Jesus ay dumarating sa Jerusalem,

¹³ Ay nagsikuha ng mga palapa ng mga puno ng palma, at nagsilabas na sumalubong sa kaniya, na nagsisigawan, Hosanna: Mapalad ang pumaparito sa pangalan ng Panginoon, sa makatuwid baga'y ang Hari ng Israel.

¹⁴ At si Jesus, pagkasumpong sa isang batang asno, ay sumakay doon, gaya ng nasusulat,

¹⁵ Huwag kang matakot, ^(L)anak na babae ng Sion: narito, ang iyong Hari ay pumaparito, na nakasakay sa isang anak ng asno.

¹⁶ Ang mga bagay na ito ay ^(M)hindi napagunawa ng kaniyang mga alagad sa pasimula: ^(N)nguni't nang si Jesus ay maluwalhati na, ay saka nila naalaala na ang mga bagay na ito ay sinulat tungkol sa kaniya, at kanilang ginawa ang mga bagay na ito sa kaniya.

¹⁷ Ang karamihan ngang kasama niya nang tawagin niya si Lazaro mula sa libingan, at siya'y ibangon sa mga patay, ay siyang nangagpapatotoo.

^18 (O)Dahil dito rin naman ang karamihan ay nagsiyaon at sumalubong sa kaniya, sapagka't nabalitaan nila na siyang gumawa ng tandang ito.

¹⁹ Ang mga Fariseo nga'y nangagsangusapan, ^(P)Tingnan ninyo kung paanong kayo'y walang anomang ikapanaig; narito, ang sanglibutan ay sumusunod sa kaniya.

²⁰ Mayroon ^(Q)ngang ilang ^(R)Griego sa ^(S)nagsiahon sa kapistahan upang magsisamba:

²¹ Ang mga ito nga'y nagsilapit kay ^(T)Felipe, na taga Betsaida ng Galilea, at nagsipamanhik sa kaniya, na sinasabi, Ginoo, ibig sana naming makita si Jesus.

²² Lumapit si Felipe at sinabi kay Andres: lumapit si Andres, at si Felipe, at kanilang sinabi kay Jesus.

²³ At sinagot sila ni Jesus, na nagsasabi, Dumating na ^(U)ang oras, na ang Anak ng tao ay luluwalhatiin.

²⁴ Katotohanan, katotohanang sinasabi ko sa inyo, ^(V)Maliban ang butil ng trigo ay mahulog sa lupa at mamatay, ay natitira siyang magiisa; nguni't kung mamatay, ay nagbubunga ng marami.

²⁵ Ang umiibig sa ^(W)kaniyang buhay ay mawawalan nito; at ang ^(X)napopoot sa kaniyang buhay sa sanglibutang ito ay maiingatan yaon sa buhay na walang hanggan.

²⁶ Kung ang sinomang tao'y naglilingkod sa akin, ay sumunod sa akin; at ^(Y)kung saan ako naroroon, ay doon naman doroon ang lingkod ko: kung ang sinomang tao'y maglingkod sa akin, ay siya'y pararangalan ng Ama.

²⁷ Ngayon ay ^(Z)nagugulumihanan ang aking kaluluwa; at ano ang aking sasabihin? Ama, iligtas mo ako sa oras na ito. Nguni't dahil dito ay naparito ako sa oras na ito.

²⁸ Ama, luwalhatiin mo ang iyong pangalan. ^(AA)Dumating nga ang isang tinig na mula sa langit, na nagsasabi, Niluwalhati ko na, at muli kong luluwalhatiin.

²⁹ Ang karamihan ngang nangaroroon, at nangakarinig, ay nagsipagsabing kumulog: sinabi ng mga iba, Isang anghel ang nakipagusap sa kaniya.

³⁰ Sumagot si Jesus at sinabi, ^(AB)Ang tinig na ito'y hindi dumating dahil sa akin, kundi dahil sa inyo.

³¹ Ngayon ^(AC)ang paghatol sa sanglibutang ito: ngayon ang prinsipe ng sanglibutang ito ay palalayasin.

³² At ako, kung ako'y mataas na ^(AD)mula sa lupa, ^(AE)ang lahat ng mga tao ay palalapitin ko sa akin din.

³³ Datapuwa't ^(AF)ito'y sinabi niya, na ipinaaalam kung sa anong kamatayan ang ikamamatay niya.

³⁴ Sinagot nga siya ng karamihan, Aming narinig sa ^(AG)kautusan ^(AH)na ang Cristo ay lumalagi magpakailan man: at paanong sinasabi mo, Kinakailangan na ang Anak ng tao ay mataas? sino ang Anak ng taong ito?

³⁵ Sinabi nga sa kanila ni Jesus, Kaunting panahon na lamang ^(AI)sasagitna ninyo ang ilaw. ^(AJ)Kayo'y magsilakad samantalang nasa inyo ang ilaw, upang huwag kayong abutin ng kadiliman: at ^(AK)ang lumalakad sa kadiliman ay hindi nalalaman kung saan siya tutungo.

³⁶ Samantalang nasa inyo ang ilaw, ay magsisampalataya kayo sa ilaw, upang kayo'y maging mga anak ng ilaw.

Ang mga bagay na ito'y sinalita ni Jesus, at ^(AL)siya'y umalis at nagtago sa kanila.

³⁷ Nguni't bagaman gumawa siya sa harap nila ng gayon maraming mga tanda, gayon ma'y hindi sila nagsisampalataya sa kaniya:

³⁸ Upang maganap ang salita ng propeta Isaias, na kaniyang sinalita,

³⁹ Dahil dito'y hindi sila makapaniwala, sapagka't muling sinabi ni Isaias,

⁴¹ Ang mga bagay na ito'y sinabi ni Isaias, ^(AO)sapagka't nakita niya ang kaniyang kaluwalhatian; at siya'y nagsalita ng tungkol sa kaniya.

⁴² Gayon man ^(AP)maging sa mga pinuno ay maraming nagsisampalataya sa kaniya; datapuwa't ^(AQ)dahil sa mga Fariseo ay hindi nila ipinahayag, baka sila'y mapalayas sa sinagoga:

⁴³ Sapagka't iniibig nila ng higit ang kaluwalhatian sa mga tao kay sa kaluwalhatian sa Dios.

⁴⁴ At si Jesus ay sumigaw at nagsabi, Ang sumasampalataya sa akin, ay hindi sa akin sumasampalataya, kundi doon sa nagsugo sa akin.

⁴⁵ At ^(AR)ang nakakita sa akin, ay nakakita doon sa nagsugo sa akin.

⁴⁶ Ako'y ^(AS)naparito na isang ilaw sa sanglibutan, upang ang sinomang sumampalataya sa akin ay huwag manatili sa kadiliman.

⁴⁷ At kung ang sinomang tao'y nakikinig sa aking mga pananalita, at hindi ingatan, ^(AT)ay hindi ko siya hinahatulan: ^(AU)sapagka't hindi ako naparito upang humatol sa sanglibutan, kundi upang iligtas ang sanglibutan.

⁴⁸ Ang nagtatakuwil sa akin, at hindi tumatanggap sa aking mga pananalita, ay mayroong isang hahatol sa kaniya: ^(AV)ang salitang aking sinalita, ay siyang sa kaniya'y hahatol ^(AW)sa huling araw.

⁴⁹ Sapagka't ako'y hindi nagsasalita na mula sa aking sarili; kundi ang Ama na sa akin ay nagsugo, ay siyang nagbigay sa akin ng utos, ^(AX)kung ano ang dapat kong sabihin, at kung ano ang dapat kong salitain.

⁵⁰ At nalalaman ko na ang kaniyang utos ay buhay na walang hanggan; ang mga bagay nga na sinasalita ko, ay ayon sa sinabi sa akin ng Ama, gayon ko sinasalita.

Ang handaan ng karunungan.

Ang anyaya ng hangal na babae.

2 At kayo'y binuhay niya, ^(A)nang kayo'y mga patay dahil sa inyong mga pagsalangsang at mga kasalanan,

² Na inyong nilakaran ^(B)noong una ayon sa ^(C)lakad ng sanglibutang ito, ayon ^(D)sa pangulo ng mga kapangyarihan ng hangin, ng espiritu na ngayon ay gumagawa sa ^(E)mga anak ng pagsuway;

³ Sa gitna ng mga yaon, tayo rin naman, ng ibang panahon ay nangabubuhay sa ^(F)mga kahalayan ng ating laman, na ating ginagawa ang mga pita ng laman at ng pagiisip, at ^(G)tayo noo'y katutubong mga anak ng kagalitan, gaya naman ng mga iba:—

⁴ Nguni't ang Dios, palibhasa'y mayaman sa awa, dahil sa kaniyang malaking pagibig na kaniyang iniibig sa atin,

⁵ Bagama't ^(H)tayo'y mga patay dahil sa ating mga kasalanan, ^(I)tayo'y binuhay na kalakip ni Cristo (sa pamamagitan ng biyaya kayo'y nangaligtas),

⁶ At tayo'y ibinangong kalakip niya, at pinaupong kasama niya ^(J)sa sangkalangitan, kay Cristo Jesus:

⁷ Upang sa mga panahong darating ay maihayag niya ang dakilang kayamanan ng kaniyang biyaya sa kagandahang-loob sa atin kay Cristo Jesus:

⁸ Sapagka't sa biyaya ^(K)kayo'y nangaligtas ^(L)sa pamamagitan ng pananampalataya; at ito'y hindi sa inyong sarili, ^(M)ito'y kaloob ng Dios;

⁹ Hindi sa pamamagitan ng mga gawa, ^(N)upang ang sinoman ay huwag magmapuri.

¹⁰ Sapagka't tayo'y kaniyang gawa, na nilalang kay Cristo Jesus para sa mabubuting gawa, ^(O)na mga inihanda ng Dios nang una upang siya nating lakaran.

¹¹ Kaya nga ^(P)alalahanin ninyo, na kayo noong una, mga Gentil sa laman, tinatawag na Di-pagtutuli niyaong tinatawag na ^(Q)Pagtutuli sa laman, na ginawa ng mga kamay:

¹² Na kayo nang panahong yaon ay mga hiwalay kay Cristo, na mga di kabilang sa bansa ng Israel, at mga taga ibang lupa tungkol sa ^(R)mga tipan ng pangako, na ^(S)walang pagasa at walang Dios sa sanglibutan.

¹³ Datapuwa't ngayon kay Cristo Jesus kayo na noong panahon ay nalalayo ^(T)ay inilapit sa dugo ni Cristo.

¹⁴ Sapagka't siya ang ating kapayapaan, ^(U)na kaniyang pinagisa ang dalawa, at iginiba ang pader na nasa gitna na nagpapahiwalay,

¹⁵ Na inalis ^(V)ang pagkakaalit ^(W)sa pamamagitan ng kaniyang laman, kahit kautusan na may mga batas at ang palatuntunan; upang sa dalawa ay lalangin sa kaniyang sarili ang isang ^(X)taong bago, sa ganito'y ginagawa ang kapayapaan;

¹⁶ At ^(Y)upang papagkasunduin silang dalawa sa ^(Z)isang katawan sa Dios sa pamamagitan ng krus, ^(AA)na sa kaniya'y pinatay ang pagkakaalit.

¹⁷ At siya'y naparito ^(AB)at ipinangaral ang kapayapaan sa inyong nalalayo, at ang kapayapaan sa nangalalapit:

¹⁸ Sapagka't ^(AC)sa pamamagitan niya ^(AD)tayo'y may pagpasok sa ^(AE)isang Espiritu rin sa Ama.

¹⁹ Kaya nga hindi na kayo mga ^(AF)taga ibang lupa at mga manglalakbay, kundi kayo'y mga ^(AG)kababayan na kasama ng mga banal, at sangbahayan ng Dios,

^20 (AH)Na mga itinatayo sa ibabaw ng kinasasaligan ng mga ^(AI)apostol at ng mga ^(AJ)propeta, na si Cristo Jesus din ^(AK)ang pangulong bato sa panulok;

²¹ Na sa kaniya'y ang buong gusali, na nakalapat na mabuti, ay lumalago upang maging ^(AL)isang templong banal sa Panginoon;

²² Na sa kaniya'y itinayo naman ^(AM)kayo upang maging tahanan ng Dios sa Espiritu.