Chronological

43 Hatulan mo ako, ^(A)Oh Dios, at ^(B)ipagsanggalang mo ang aking usap laban sa masamang bansa:
Oh iligtas mo ako sa magdaraya at hindi ganap na tao.
² Sapagka't ikaw ang Dios ng aking kalakasan; bakit mo ako ^(C)itinakuwil?
^(D)Bakit ako yumayaong tumatangis dahil sa pagpighati ng kaaway?
^3 (E)Oh suguin mo ang iyong liwanag at ang iyong katotohanan; patnubayan nawa nila ako:
Dalhin nawa nila ako sa ^(F)iyong banal na bundok.
At sa iyong mga tabernakulo.
⁴ Kung magkagayo'y paparoon ako sa dambana ng Dios,
Sa Dios na aking malabis na kagalakan:
At sa alpa ay pupuri ako sa iyo, Oh Dios, aking Dios.
^5 (G)Bakit ka nanglulumo, Oh kaluluwa ko?
At bakit ka nababagabag sa loob ko?
Umasa ka sa Dios: sapagka't pupuri pa ako sa kaniya,
Na siyang kagalingan ng aking mukha, at aking Dios.

44 Narinig namin ng aming mga pakinig, Oh Dios,
Isinaysay sa amin ^(H)ng aming mga magulang,
Kung anong gawa ang iyong ginawa sa kanilang mga kaarawan,
Ng mga kaarawan ng una.
^2 (I)Iyong itinaboy ng iyong kamay ang mga bansa,
Nguni't itinatag mo sila;
Iyong dinalamhati ang mga bayan,
Nguni't iyong pinangalat sila.
^3 (J)Sapagka't hindi nila tinamo ang lupain na pinakaari sa pamamagitan ng kanilang sariling tabak,
Ni iniligtas man sila ng kanilang sariling kamay:
Kundi ng iyong kanan, at ng iyong bisig, at ng ^(K)liwanag ng iyong mukha,
^(L)Sapagka't iyong nilingap sila.
^4 (M)Ikaw ang aking Hari, Oh Dios:
^(N)Magutos ka ng kaligtasan sa Jacob.
⁵ Dahil sa iyo'y ^(O)itutulak namin ang aming mga kaaway:
Sa iyong pangalan ay ^(P)yayapakan namin sila na nagsisibangon laban sa amin.
⁶ Sapagka't ^(Q)hindi ako titiwala sa aking busog.
Ni ililigtas man ako ng aking tabak.
⁷ Nguni't iniligtas mo kami sa aming mga kaaway,
At inilagay mo sila sa kahihiyan na nangagtatanim sa amin.
⁸ Sa Dios ay naghahambog kami buong araw,
At mangagpapasalamat kami sa iyong pangalan magpakailan man. (Selah)
⁹ Nguni't ngayo'y itinakuwil mo ^(R)kami, at inilagay mo kami sa kasiraang puri;
At hindi ka lumalabas na kasama ng aming mga hukbo.
¹⁰ Iyong pinatatalikod kami sa kaaway:
At silang nangagtatanim sa amin ay nagsisisamsam ng sa ganang kanilang sarili.
^11 (S)Iyong ibinigay kaming gaya ng mga tupa na pinaka pagkain;
At ^(T)pinangalat mo kami sa mga bansa.
^12 (U)Iyong ipinagbibili ang iyong bayan na walang bayad,
At hindi mo pinalago ang iyong kayamanan sa pamamagitan ng kanilang halaga.
^13 (V)Ginawa mo kaming katuyaan sa aming mga kapuwa,
Isang kasabihan at kadustaan nila na nangasa palibot namin.
^14 (W)Iyong ginawa kaming kawikaan sa gitna ng mga bansa,
^(X)At kaugaan ng ulo sa gitna ng mga bayan.
¹⁵ Buong araw ay nasa harap ko ang aking kasiraang puri,
At ang kahihiyan ng aking mukha ay tumakip sa akin,
¹⁶ Dahil sa tinig niya na dumuduwahagi at tumutungayaw;
^(Y)Dahil sa kaaway at sa manghihiganti.
¹⁷ Lahat ng ito'y dumating sa amin; gayon ma'y hindi namin kinalimutan ka,
Ni ^(Z)gumawa man kami na may karayaan sa iyong tipan.
¹⁸ Ang aming puso ay hindi tumalikod,
^(AA)Ni ang amin mang mga hakbang ay humiwalay sa iyong daan;
¹⁹ Na kami ay iyong lubhang nilansag ^(AB)sa dako ng mga chakal,
At tinakpan mo kami ^(AC)ng lilim ng kamatayan.
²⁰ Kung aming nilimot ang pangalan ng aming Dios,
^(AD)O aming iniunat ang aming mga kamay sa ibang dios;
^21 (AE)Hindi ba sisiyasatin ito ng Dios?
Sapagka't nalalaman niya ang mga lihim ng puso.
^22 (AF)Oo, dahil sa iyo ay pinapatay kami buong araw;
Kami ay nabilang na parang mga tupa sa patayan.
^23 (AG)Ikaw ay gumising, bakit ka natutulog, Oh Panginoon?
Ikaw ay bumangon, huwag mo kaming itakuwil magpakailan man.
^24 (AH)Bakit mo ikinukubli ang iyong mukha,
At kinalilimutan mo ang aming kadalamhatian at aming kapighatian?
²⁵ Sapagka't ang aming kaluluwa ay nakasubsob sa alabok:
Ang aming katawan ay nadidikit sa lupa.
²⁶ Ikaw ay bumangon upang kami ay tulungan,
At tubusin mo kami dahil sa iyong kagandahang-loob.

45 Ang aking puso ay nananagana sa isang mainam na bagay:
Aking sinasalita ang mga bagay na aking ginawa tungkol sa hari:
Ang aking dila ay panulat ^(AI)ng bihasang manunulat.
² Ikaw ay maganda kay sa mga anak ng mga tao;
^(AJ)Biyaya ay nabubuhos sa iyong mga labi:
Kaya't pinagpala ka ng Dios magpakailan man.
³ Ibigkis mo ang iyong ^(AK)tabak sa iyong hita, Oh makapangyarihan,
Kalakip ang iyong ^(AL)kaluwalhatian at ang iyong kamahalan.
⁴ At sa iyong kamahalan ay sumakay kang may kaginhawahan, Dahil sa katotohanan, at sa kaamuan, at sa katuwiran:
At ang iyong kanan ay magtuturo sa iyo ng ^(AM)kakilakilabot na mga bagay.
⁵ Ang iyong mga ^(AN)palaso ay matulis;
Ang mga bayan ay nangabubuwal sa ilalim mo:
Sila'y nangasa puso ng mga kaaway ng hari.
^6 (AO)Ang iyong luklukan, Oh Dios, ay magpakailan-kailan man:
Cetro ng kaganapan ang cetro ng iyong kaharian.
^7 (AP)Iyong iniibig ang katuwiran, at pinagtataniman ang kasamaan:
Kaya't ang Dios, ang iyong Dios, ay nagpahid sa iyo ^(AQ)ng langis
Ng langis ^(AR)ng kasayahan na higit kay sa iyong mga kasama.
⁸ Ang lahat ng iyong mga damit ay amoy mira, at aloe, at kasia:
Mula sa bahay-haring garing ay pinasasaya ka ng mga panugtog na kawad.
^9 (AS)Ang mga anak na babae ng hari ay nangasa gitna ng iyong mga marangal na babae:
^(AT)Sa iyong kanan ay nakatayo ang reyna na may ^(AU)ginto sa Ophir.
¹⁰ Iyong dinggin, Oh anak na babae, at iyong pakundanganan, at ikiling mo ang iyong pakinig;
^(AV)Kalimutan mo naman ang iyong sariling bayan, at ang bahay ng iyong magulang;
¹¹ Sa gayo'y nanasain ng hari ang iyong kagandahan;
Sapagka't siya'y iyong panginoon; at sumamba ka sa kaniya.
¹² At ang anak na babae ng Tiro ay dodoon na ^(AW)may kaloob;
Pati ng mayaman sa gitna ng iyong bayan ay ^(AX)mamamanhik ng iyong lingap.
¹³ Ang anak na babae ng hari ay totoong maluwalhati sa bahay-hari.
Ang kaniyang suot ay yaring may ginto.
¹⁴ Siya'y ihahatid sa hari na ^(AY)may suot na bordado:
Ang mga dalaga, na kaniyang mga kasama na nagsisisunod sa kaniya, ay
Dadalhin sa iyo.
¹⁵ May kasayahan at kagalakan na ihahatid sila:
Sila'y magsisipasok sa bahay-hari.
¹⁶ Sa halip ng iyong mga magulang ay ang iyong mga anak,
^(AZ)Na siya mong gagawing mga pangulo sa buong lupa.
¹⁷ Aking ipaaalaala ang iyong pangalan sa lahat ng sali't saling lahi:
Kaya't ang mga bayan ay mangagpapasalamat sa iyo magpakailan-kailan man.

49 ^(A)Dinggin ninyo ito, ninyong lahat na mga bayan;
Pakinggan ninyo, ninyong lahat na nananahan sa daigdig:
^2 (B)Ng mababa at gayon din ng mataas,
Ng mayaman at ng dukha na magkasama.
³ Ang aking bibig ay magsasalita ng karunungan;
At ang pagbubulay ng aking puso ay magiging sa pagunawa.
^4 (C)Ikikiling ko ang aking panig sa talinghaga:
Ibubuka ko ang aking ^(D)malabong sabi sa alpa.
⁵ Bakit ako matatakot sa mga kaarawan ng kasamaan,
Pagka kinukulong ako ng kasamaan sa aking mga sakong?
⁶ Silang ^(E)nagsisitiwala sa kanilang kayamanan,
At nangaghahambog sa karamihan ng kanilang mga kayamanan;
⁷ Wala sa kaniyang ^(F)makatutubos sa ano pa mang paraan sa kaniyang kapatid,
Ni ^(G)magbibigay man sa Dios ng pangtubos sa kaniya:
⁸ (Sapagka't ^(H)ang katubusan ng kanilang kaluluwa ay mahal,
At ito'y naglilikat magpakailan man:)
⁹ Upang siya'y mabuhay na lagi,
Upang siya'y ^(I)huwag makakita ng kabulukan.
¹⁰ Sapagka't nakikita niya na ang mga pantas ay ^(J)nangamamatay,
Ang mangmang at gayon din ang ^(K)hangal ay nililipol,
^(L)At iniiwanan ang kanilang kayamanan sa mga iba.
¹¹ Ang kanilang pagiisip sa loob ay, na ang kanilang mga bahay ay mananatili magpakailan man,
At ang kanilang mga tahanang dako ay sa lahat ng sali't saling lahi;
^(M)Tinatawag nila ang kanilang mga lupain ayon sa kanilang sariling mga pangalan.
¹² Nguni't ang tao'y hindi lalagi sa karangalan:
Siya'y gaya ng mga hayop na nangamamatay.
¹³ Itong kanilang lakad ay ^(N)kanilang kamangmangan:
Gayon ma'y pagkatapos nila ay sinasangayunan ng mga tao ang kanilang mga kasabihan. (Selah)
¹⁴ Sila'y nangatakda sa Sheol na parang kawan;
Kamatayan ay magiging pastor sa kanila:
At ^(O)ang matuwid ay magtataglay ng kapangyarihan sa kanila sa kinaumagahan;
At ang kanilang kagandahan ay mapapasa Sheol upang matunaw,
Upang mawalan ng tahanan.
¹⁵ Nguni't ^(P)tutubusin ng Dios ang aking kaluluwa sa kapangyarihan ng Sheol:
^(Q)Sapagka't tatanggapin niya ako. (Selah)
¹⁶ Huwag kang matakot pagka may yumaman.
Pagka ang kaluwalhatian ng kaniyang bahay ay lumago:
¹⁷ Sapagka't pagka siya'y namatay ay wala siyang dadalhin;
Ang kaniyang kaluwalhatian ay hindi bababang susunod sa kaniya.
¹⁸ Bagaman habang siya'y nabuhay ay ^(R)kaniyang pinagpala ang kaniyang kaluluwa,
(At pinupuri ka ng mga tao pagka gumagawa ka ng mabuti sa iyong sarili),
¹⁹ Siya'y paroroon sa lahi ng kaniyang mga magulang;
Hindi sila makakakita kailan man ng ^(S)liwanag.
²⁰ Taong nasa karangalan, at hindi nakakaunawa,
Ay gaya ng mga hayop na namamatay.

84 Kay ^(A)iinam ng iyong mga tabernakulo,
Oh Panginoon ng mga hukbo!
^2 (B)Ang kaluluwa ko'y aasamasam, oo, nanglulupaypay sa mga looban ng Panginoon;
Ang puso ko't laman ay dumadaing sa buháy na Dios.
³ Oo, ^(C)ang maya ay nakasumpong ng bahay,
At ang langaylangayan ay nagpugad para sa kaniya, na mapaglalapagan niya ng kaniyang inakay,
Sa makatuwid baga'y iyong mga dambana, Oh Panginoon ng mga hukbo,
Hari ko, at Dios ko.
^4 (D)Mapalad silang nagsisitahan sa iyong bahay:
Kanilang pupurihin kang ^(E)palagi. (Selah)
⁵ Mapalad ang tao na ang kalakasan ay nasa iyo;
Na may mga daan sa kaniyang puso na tungo sa Sion.
⁶ Na nagdaraan sa libis ng Iyak na ginagawa nilang dako ng mga bukal;
Oo, tinatakpan ng pagpapala ng maagang ulan.
^7 (F)Sila'y nagsisiyaon sa kalakasa't kalakasan,
Bawa't isa sa kanila ay ^(G)napakikita sa harap ng Dios sa Sion.
⁸ Oh Panginoong Dios ng mga hukbo, dinggin mo ang aking dalangin:
Pakinggan mo, Oh Dios ni Jacob. (Selah)
⁹ Masdan mo, ^(H)Oh Dios na aming kalasag,
At tingnan mo ang mukha ng ^(I)iyong pinahiran ng langis.
¹⁰ Sapagka't isang araw sa iyong mga looban ay mabuti kay sa isang libo.
Aking minagaling na maging tagatanod-pinto sa bahay ng aking Dios,
Kay sa tumahan sa mga tolda ng kasamaan.
¹¹ Sapagka't ang Panginoong Dios ^(J)ay araw at kalasag:
Ang Panginoo'y magbibigay ng biyaya at kaluwalhatian:
^(K)Hindi siya magkakait ng anomang mabuting bagay sa nagsisilakad ng matuwid.
¹² Oh Panginoon ng mga hukbo,
^(L)Mapalad ang tao na tumitiwala sa iyo.

85 Panginoon, ikaw ay naging lingap sa iyong lupain:
^(M)Iyong ibinalik ang nangabihag ng Jacob.
^2 (N)Iyong pinatawad ang kasamaan ng iyong bayan,
Iyong tinakpan ang lahat nilang kasalanan, (Selah)
³ Iyong pinawi ang buong poot mo:
^(O)Iyong tinalikdan ang kabangisan ng iyong galit.
^4 (P)Ibalik mo kami, Oh Dios ng aming kaligtasan,
At papaglikatin mo ang iyong galit sa amin.
^5 (Q)Magagalit ka ba sa amin magpakailan man?
Iyo bang ipagpapatuloy ang iyong galit sa lahat ng sali't saling lahi?
⁶ Hindi mo ba kami bubuhayin uli:
Upang ang iyong bayan ay magalak sa iyo?
⁷ Ipakita mo sa amin ang iyong kagandahang-loob, Oh Panginoon,
At ipagkaloob mo sa amin ang iyong pagliligtas.
^8 (R)Aking pakikinggan kung ano ang sasalitain ng Dios na Panginoon:
Sapagka't ^(S)siya'y magsasalita ng kapayapaan sa kaniyang bayan at sa kaniyang mga ^(T)banal:
Nguni't huwag silang manumbalik uli ^(U)sa kaululan.
⁹ Tunay na ang kaniyang pagliligtas ay malapit sa kanila na nangatatakot sa kaniya;
^(V)Upang ang kaluwalhatian ay tumahan sa aming lupain.
^10 (W)Kaawaan at katotohanan ay nagsalubong;
^(X)Katuwiran at kapayapaan ay naghalikan.
¹¹ Katotohanan ay bumubukal sa lupa;
At ang katuwiran ay tumungo mula sa langit.
¹² Oo, ibibigay ng ^(Y)Panginoon ang mabuti;
At ang ating ^(Z)lupain ay maguunlad ng kaniyang bunga.
¹³ Katuwira'y mangunguna sa kaniya;
At gagawing daan ang kaniyang mga bakas.

87 Ang kaniyang ^(A)patibayan ay ^(B)nasa mga banal na bundok.
² Minahal ng Panginoon ang mga pintuang-bayan ng Sion,
Ng higit kay sa lahat na tahanan ng Jacob.
³ Maluwalhating mga bagay ang sinalita tungkol sa iyo,
^(C)Oh bayan ng Dios. (Selah)
⁴ Aking babanggitin ang Rahab ^(D)at ang Babilonia na kasama ng mga nakakakilala sa akin:
Narito, ang Filistia at ang Tiro, pati ng Etiopia;
Ang isang ito ay ipinanganak diyan.
⁵ Oo, tungkol sa Sion ay sasabihin,
Ang isang ito at ang isang yaon ay ipinanganak sa kaniya;
At itatatag siya ng Kataastaasan.
⁶ Sasalaysayin ng Panginoon, pagka kaniyang ^(E)isinulat ang mga bayan,
Ang isang ito ay ipinanganak diyan. (Selah)
⁷ Silang nagsisiawit na gaya ng nagsisisayaw ay mangagsasabi,
Lahat ng aking mga bukal ay nangasa iyo.