Revised Common Lectionary (Semicontinuous)

Dee 77 Psalm

To dän Haupt Musikaunt opp Jedutun.

¹ Miene Stem es no Gott, un ekj schrie; miene Stem es no Gott, un hee horjcht no mie.

² Enn dän Dach fonn miene Noot socht ekj däm Herr; miene Haunt goot ut enne Nacht, un wort nijch oone Jefeel; miene Seel leet sikj nijch treeste.

¹¹ Ekj woa däm Herr Gott siene Woakje behoole; sejchalijch woa ekj diene Wunndasch fonn Joare trigj behoole.

¹² Ekj woa mie uk äwa aul diene Woakje bedenkje un woa jrebble äwa daut waut du deist.

¹³ O Gott, dien Wajch es enn Heiljchkjeit, wäa es Gott dee groot es soo aus du best?

¹⁴ Du best dee Gott dee Wundasch deit, du hast siene Krauft oppenboa jemoakt mank dee Felkja.

¹⁵ Du hast dien Folkj jerat derjch diene Macht, dee Säns fonn Joakopp un Joosef. Selah.

¹⁶ Dee Wotasch sage die, O Gott, dee Wotasch sage die; dee engste sikj; jo, daut Deepet deed tsetre.

¹⁷ Dee Wolkje deede Wota rut jeete; dee Himels jeewe ne Stem; un diene Fiele fluage rut.

¹⁸ Dee Stem fonn dien rummle enn dän Storm, Blitse deede dee Welt oppdache; dee Ead tsetad un scheddad.

¹⁹ Dien Wajch es enn dän See; un dien Stijch wea enn dee groote Wotasch; un diene Footstaupe sent nijch to weete.

²⁰ Du deetst dien Folk leide derjch Mooses un Oant soo aus ne Häad Schop.

⁵ Prooft junt selfst, auf jie em Gloowe sent, unjaseakjt junt selfst. Oda weet jie nich selfst daut Christus enn ju es? Buta wan jie fefaulscht sent.

⁶ Ekj hop daut jie weete daut wie nich fefaulscht sent.

⁷ Wie baede nu to Gott daut jie kjeen Onnrajcht doone, nich daut wie sulle bewoat woare, oba daut jie daut Goodet doone.

⁸ Dan wie kjenne nusscht jaeajen de Woarheit doone, bloos doafaea.

⁹ Dan wie freihe onns wan wie Schwak sent, jie oba Stoakj; en fa dit doo wie baede, daut jie muchte follkome senne.

¹⁰ Doaromm schriew ekj dit eeha ekj hankom, daut wan ekj kom, ekj nich woa bruke Shoap senne no dee Krauft dee de Herr mie jejaeft haft tom Oppbuehe, nich tom dolriete.