◀ All Reading Plans / Revised Common Lectionary (Semicontinuous) / Psalm 111 (The beginning of wisdom); Deuteronomy 13:1-5 (Beware of false prophets); Matthew 8:28—9:1 (Jesus heals the Gadarene demoniacs) (Awadhi Bible: Easy-to-Read Version)

Prev Day

January 27, 2024

Next Day

Use the calendar to view readings from this devotional.

January 2024
Su	Mo	Tu	We	Th	Fr	Sa
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 111

¹यहोवा क गुण गावा।

यहोवा क आपन सम्पूर्ण मने स अइसी उ सभा मँ धन्यवाद करत हउँ
    जहाँ सज्जन मिला करत हीं।
²यहोवा महान करम करत ह।
    लोगन जउन ओन चिजियन क महत्व जानत हीं ओनका खोजत हीं।
³यहोवा फुरइ इ महिमामय अउर अचरजे स भरा काम करत हीं।
    ओकरा खरापन सदा-सदा बना रहत ह।
⁴परमेस्सर अद्भुत करम करत ह ताकि हम याद राखी
    कि यहोवा करुणा स भरा अउर दाया स भरा बाटइ।
⁵उ आपन भगतन क भोजन देत ह।
    उ हमेसा आपन करार क याद राखत ह।
⁶उ आपन लोगन क ओन भुइँया देइके
    जउन दूसर रास्ट्रन अहइ महान कारज देखाएस ह।
⁷परमेस्सर जउन कछू करत ह उ बिस्सास योग्य अउर फुरइ बाटइ।
    ओकर सबहिं आग्यन नियावपूर्वक अहइँ।
⁸परमेस्सर क आग्यन सदा ही बना रइहीं।
    परमेस्सर क ओन आदेसन क देइ क प्रयोजन फुरइ अउ निस्पच्छ रहेन।
⁹उ आपन लोगन क मुक्त करत ह।
    उ ओनसे एक करार किहेस ह जउन सदा-सदा रहइ।
    परमेस्सर क नाउँ अचरजे स भरा अउर पवित्तर अहइ।
¹⁰विवेक भय अउर यहोवा क आदर स उपजत ह।
    उ पचे लोग बुद्धिमान होत हीं जउन यहोवा क आदर करत हीं।
    यहोवा क स्तुति सदा-सदा गाई जात रही।

व्यवस्था विवरण 13:1-5

झूठे नबियन

13 “कउनो नबी या सपन क फले क जानइवाला तोहरे लगे आइ सकत ह। उ इ कहि सकत ह कि उ कछू दैवी चीन्हा या अचरजवाला काम देखाइ। ²उ दैवी चीन्हा या अचरजवाला काम, जेकरे बारे मँ उ तू पचन्क बताएस ह, उ सही होइ सकत ह। तब उ तू पचन्स कहि सकत ह कि तू पचे दूसर देवतन क माना (जेनका तू पचे नाहीं जानत अहा।) उ तू पचन्स कहि सकत ह, ‘आवा हम ओन देवतन क सेवा करी।’ ³उ नबी या सपन काल क बातन क जिन सुना। काहेकि यहोवा तोहार परमेस्सर तोहार परीच्छा लेत अहइ। उ इ जानइ चाहत ह कि तू पचे पूरे हिरदय अउ आतिमा स पिरेम करत अहा कि नाहीं। ⁴तू पचन्क यहोवा आपन परमेस्सर क अनुसरण करइ चाही। तू पचन्क ओकर सम्मान करइ चाही। यहोवा क आदेसन क माना अउर उ करा जउन उ कहत ह। यहोवा क सेवा करा अउ ओका कबहुँ जिन तजा। ⁵उ नबी या सपन फले क जानइवाला मार दीन्ह जाइ चाही। काहेकि उ ही न तू पचन्स यहोवा तोहरे परमेस्सर क रास्तन स भटकत ह। यहोवा तू पचन्क मिस्र स बाहेर लिआवा। यहोवा तू पचन्क हुआँ क दासता क जिन्नगी स अजाद किहेस। उ ही अहइ जउन तोहका रोकइ क कोसिस करत अहइ कि तू पचे यहोवा आपन आदेस क मुताबिक जिन्नगी जिन बितावा। एह बरे आपन लोगन स बुरा मानुस क जरुर बरबाद करइ चाही।

मत्ती 8:28-9:1

दुइ मनई क दुस्ट आतिमन स छूटि जाब

(मरकुस 5:1-20; लूका 8:26-39)

²⁸जब ईसू झील क उ पार, गदरेनियोन क देस पहुँच गवा, तउ ओका कब्रे स निकरि के दुइ मनई आवत भए मिलेन, जेहमाँ दुस्ट आतिमन रहिन। उ पचे ऍतना खोफनाक रहेन कि उ रस्ता स कउनो निकरि तक नाहीं सकत रहा। ²⁹उ पचे चिचियानेन, “हे परमेस्सर क पूत! तू मोसे का चाहत बाट्या? का तू हियाँ ठीक समइ स पहिले हमका दंड देइ आइ अहा?”

³⁰हुवाँ तनिक दूरी प बहोत स सुअरन क झुँड चरत रहा। ³¹तउ उ दुस्ट आतिमन ओसे बिनती करत भए कहेन, “जदि तोहका हम पचन क बाहेर निकारब ही बाटइ, तउ हमका सुअरन क झुंडे मँ पठइ द्या।”

³²तउ ईसू ओनसे कहेस, “चला जा!” तब उ सबइ ओन मनइयन मँ स बाहेर निकरि आइन अउर सुअरन मँ घुसि गइन। फिन समूचा झुंड ढलाने स लुढ़कत पुढ़कत पराइके ढालू किनारे स झिलिया मँ गिरि गवा अउ सबहिं सुअरन पानी मँ बूड़िके मर गएन। ³³सुअरन क झुंड क रखवालन भागत भागत हुआँ स सहर आएन अउर सुअरन क साथ तथा दुस्ट आतिमन स ग्रस्त ओन मनइयन क साथ जउन कछू भवा, कहिके सुनाएन। ³⁴फिन तउ सहर क सबइ मनइयन ईसू स भेंटइ बरे निकर पड़ेन। जब उ पचे ईसू क देखेन तउ ओसे बिनती किहेन कि उ ओनके हियाँ स कहुँ अउर ठउर चला जाइ।

लकुआ क मरीज क चंगा करब

(मरकुस 2:1-12; लूका 5:17-26)

9 फिन ईसू एक नाउ प चढ़ा अउर झिलिया क पार आपन सहर आइ गवा।

Awadhi Bible: Easy-to-Read Version (ERV-AWA)