◀ All Reading Plans / Revised Common Lectionary (Semicontinuous) / Genesis 1:1-5 (God creates light); Psalm 29 (The voice of God upon the waters); Acts 19:1-7 (Baptized in the name of Jesus); Mark 1:4-11 (Jesus revealed as God’s servant) (Awadhi Bible: Easy-to-Read Version)

Prev Day

January 7, 2024

Next Day

Use the calendar to view readings from this devotional.

January 2024
Su	Mo	Tu	We	Th	Fr	Sa
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

उत्पत्ति 1:1-5

संसार क उत्पत्ति

1 सुरु मँ परमेस्सर अकास अउ भुइँया क रचेस। ²भुइँया सुनसान रही: अउ भुइयाँ प कछू भी नाहीं रहा। समुद्दर प अँधियारा छावा रहा, अउ परमेस्सर क आतिमा पानी प मँड़रात रहा।

पहिला दिन – उजियारा

³तब परमेस्सर कहेस, “उजियारा होइ” अउ उजियारा होइ गवा। ⁴परमेस्सर उजियारा क लखेस अउ उ जानि गवा कि इ नीक बाटइ। तबहि उ उजियारा का अँधयारा से अलग कई दिहेस। ⁵परमेस्सर उजियारा क नाउँ “दिन” अउ अँधियारा क नाउँ “रात” दिहेस।

साँझ भइ अउ भिन्सार भवा। इ पहिला दिन रहा।

भजन संहिता 29

दाऊद क एक गीत।

¹परमेस्सर क पूत लोगो, यहोवा क स्तुति करा।
    ओकर महिमा अउ सक्ती क प्रसंसा गीत गावा।
²यहोवा क प्रसंसा करा अउ ओकरे नाउँ क आदर करा।
    पवित्तर ओढ़ना पहिरिके यहोवा क आराधना करा।
³समुद्र क ऊपर यहोवा क वाणी खुद क गरजत ह।
    परमेस्सर क वाणी महासागर क ऊपर मेघ क गरजन क तरह गरजत ह।
⁴यहोवा क वाणी ओकर सक्ती क देखाँवत ह।
    ओकर ध्वनि ओकर महिमा क परगट करत ह।
⁵यहोवा क वाणी देवदार बृच्छन क तोड़के चकनाचूर कइ देत ह।
    यहोवा लबानोन क विसाल देवदार बृच्छन क तोड़ देत ह।
⁶यहोवा लबानोन क पहाड़न क कपाँइ देत ह।
    उ नाचत भए बछवा क तरह देखाँइ लागत ह।
    हेर्मोन क पहाड़ काँप उठत ह अउर उछरत जवान बकरी क तरह देखाँत ह।
⁷यहोवा क वाणी बिजली क कौंध स टकरात ह।
⁸यहोवा क वाणी मरुस्थल क कँपाइ देत ह।
    यहोवा क स्वर स कादेस क मरुस्थल काँप उठत ह।
⁹यहोवा क वाणी स हिरन डेराइ जात हीं।
    यहोवा दुर्गम जंगलन क नस्ट कइ देत ह।
मुला ओकरे मन्दिर मँ लोग ओकर प्रसंसा क गीत गावत हीं।

¹⁰जल प्रलय क समय यहोवा राजा रहा।
उ सदा बरे राजा रही।
¹¹यहोवा आपन भगतन क रच्छा सदा करी,
अउर आपन जनन क सांति क आसीस देइ।

प्रेरितन क काम 19:1-7

पौलुस इफिसुस मँ

19 अइसा भवा कि जब अपुल्लोस कुरिन्थुस मँ रहा तबहि पौलुस भीतर क पहँटा स जात्रा करत भवा इफिसुस मँ आइ पहोंचा। हुवाँ ओका कछू चेलन मिलेन। ²अउर उ ओनसे कहेस, “का जब तू पचे बिसवास धारण किहे रहा तब पवित्तर आतिमा क ग्रहण किहे रहा?”

उ सबइ जवाब दिहेन, “हम पचे तउ सुना तलक नाहीं कि कउनो पवित्तर आतिमा बाटइ भी!”

³तउ उ कहेस, “तउ तू पचे कइसा बपतिस्मा लिहे अहा!”

उ सबइ कहेन, “य़ूहन्ना क बपतिस्मा।”

⁴फिन पौलुस कहेस, “यूहन्ना क बपतिस्मा तउ मनफिरावइ क बपतिस्मा रहा। उ मनइयन स कहे रहा कि जउन मोरे पाछे आवत अहइ, ओह पइ अरथ अहइ ईसू प बिसवास धरा।”

⁵इ सुनिके उ पचे पर्भू ईसू क नाउँ क बपतिस्मा लइ लिहेन। ⁶फिन जब पौलुस ओन प हाथ धरेस तउ ओन पइ पवित्तर आतिमा उतरि आइ। अउर उ सबइ अलग अलग भाखा बोलइ अउर भविस्सबाणी करइ लागेन। ⁷कुल जोरिके उ पचे कउनो बारह मनई रहेन।

मरकुस 1:4-11

⁴यूहन्ना उसरे मँ बपतिस्मा देत आइ। उ लोगन स बपतिस्मा लेने क कहेस कि उ आपन मनफिराव क दिखा सकइँ। अउर ओनके पापन्क छमा होइ। ⁵यरूसलेम अउ यहूदिया देस क सब जने ओकरे निअरे गएन। जइसे उ सब आपुन्हि पापन्क कबूलेन्ह, उ सब यरदन नदिया मँ ओसे बपतिस्मा पाएन।

⁶यूहन्ना ऊँटन्क बारेन्स बनवा बस्तर पहिरत रहा, अउर करिहाउँ प खालि क पेटी बाँधत रहा। उ टिड्डन्क अउर जंगली सहद खात रहा।

⁷उ इ बात क प्रचार करत रहा: “मोरे पाछे मोसे जिआदा एक ठु बरिआर मनई आई। मइँ ऍतना जोग्य नाहीं कि ओकरे सोझे खड़ा होइके अउर निहुरिके ओकरे बधियउरी क फीता तलक खोलि सकउँ। ⁸मइँ तू पचन्क पानी स बपतिस्मा देत अही मुला उ तू पचन्क पवित्तर आतिमा^[a] स बपतिस्मा देई।”

ईसू बपतिस्मा लिहेस

(मत्ती 3:13-17; लूका 3:21-22)

⁹उ समइ ईसू नासरत स गलील आवा। हुवाँ यूहन्ना रहा। ईसू ओसे यरदन नदिया मँ बपतिस्मा लिहस। ¹⁰जइसे ही पानी स बाहेर आवत रह, उ खुला भवा अकास देखेस। अउर पवित्तर आतिमा कबूतरे क नाईं ओह प उतरी। ¹¹फिन अकासबानी भइ: “तू मोर पूत, जेहका मइँ पियार करत हउँ। मइँ तोहसे बहोत खुस हउँ।”

Awadhi Bible: Easy-to-Read Version (ERV-AWA)