Revised Common Lectionary (Semicontinuous)

—Taika tiajsik itech takamet kipiat itzuntepul (ika inte muyawaltektiwit) wan tisentakwaj inwan?

⁵ —Naja ninemik tik ne techan ipal Yapo niknujnutza ne Teut wan nishpuyawik wan nikitak se tachialis. Nikitak temu se ken se wey kwachti kisa ne ilwikak wan mutemultia itech ne nawi itzun wan ajsik nutech. ⁶ Kwak nitachishki, nikejketzki wan nikitak ne najnawikshimet ipal ne tal wan ne tejtekwanimet wan ne ulininimet, wan ne tujtutut ipal ne ilwikak. ⁷ Nusan kikakik se nechilwia:

    "Shimuketza Pedro, shitamikti wan shitakwa."

⁸ Ninak:

    "Tesu Tajtzin, ka tatka tay susulnaj wan te yek pal mukwa inte keman kalak ijtik ne nuten."

⁹ Nankilij tik ne ilwikak senpa:

    "Tay ne Teut kipupujtuk, ma taja inte shikilwi susul!"

¹⁰ Uni muchijki yeshpa wan muanki muchi senpa tik ne ilwikak. ¹¹ Wan nemanhachin, né ajsiket yey takat tik ne kal kan ninemituya, ne kisket Kaysarea wan mutitanijket nutech. ¹² Ne Ijiutzin nechilwij ma niaw inwan wan ma inte nimajmawi. Ini chikwasen nukniwan nusan walajket nuwan wan tikalakket ichan ne takat. ¹³ Techilwij ken kitak se tanawatiani ka ichan inak:

    "Shitatukti ka Yapo wan shalnutza Shimon ne munutza Pedro. ¹⁴ Yaja yawi ina sejse tay ipanpa tiyektias taja wan muchi ne mukal."

¹⁵ Kwak nipejki nitanutza, wetzki ne Ijiutzin inhijpak kenha ken wetzki tujpak kwak tipejket. ¹⁶ Nikelnamik ne ipajpalabraj ne Tajtzin ken inak: "Yojan tamakak ulyuj iwan at; anmejemet mumakasket ulyuj iwan ne Ijiutzin." ¹⁷ Yajika, asu ne Teut kintakulijtuk uni yejemet kenha ken tejemet ká tikyulmatket ne Tajtzin Yeshu Mawaltijtuk, ká naja pal weli nikilwia ne Teut ka inte?

—Asu ijkiuni, ne Teut nusan kinmakatuk ne ujukse techan yulpatalis pal ma yujyultuk.