Revised Common Lectionary (Semicontinuous)

Shiktakamatikan ne tatekimakat

13 Ma kitakamatikan muchi ne kintekimakat, ika te nemi nian se tatekimaka su te nemi itan Teut, wan muchi ne nemit, itan itatuktilis Teut nemit. ² Kiane, ne ká te kitakamati ne kitekimaka nemi musuma iwan ne tay tatuktijtuk ne Teut. Ne musumat yawit muchiwat juzgar. ³ Ika ne tatuktianimet te kimakat mawi ne kichiwa tay yek, semaya ne kichiwa tay teyek. Te tikneki timajmawi ipanpa ne metztekimaka? Su ijkiuni, shikchiwa tay yek, wan yawit inat ka tiyek. ⁴ Yaja tekiti ipal Teut ipal tay yek. Su tikchiwa tay teyek, shimajmawi, ka yaja kipiaya se taika kiwika ne espadaj. Ika yaja tekiti ipal Teut ken tetzunkwini pal kwalani iwan ne kichiwat tay teyek. ⁵ Neka anmunekit kitakamatit, te semaya ipanpa ne kwalan, nusan ipanpa ne tasenmatilis. ⁶ Yajika antashtawiat ne tumin kwak kitepewat, ika yejemet tekitinimet ipal Teut wan uni intekiw. ⁷ Shitashtawikan muchi tay antawikiliat: su ne tumin ipal ne tatuktianimet, ne tumin; su sejseuk pal mutashtawiat, ne sejseuk; ne ká nemi pal tiktakamatit, shiktakamatikan; ne ká nemi pal tinat ka wey ipatiw, shinakan.