Revised Common Lectionary (Semicontinuous)

—Ká ne nechyulmati inte nechyulmati, kiyulmati ne nechtuktijtuk, ⁴⁵ wan ká ne nechita kita ne nechtuktijtuk. ⁴⁶ Naja niwalajtuk ken tawil tik ne taltikpak pal muchi ne nechyulmatit ma inte nakakan tik kunyua, ⁴⁷ wan asu aka takaki tay nina wan te kishpelwia, naja inte niktenewa, ika inte niwalajtuk pal niktenewa ne taltikpak, semaya pal nikpalewia ne taltikpak. ⁴⁸ Ne nechilwia ka inte wan inte kikwi tay nina, kipiaya ká kitenewaskia: ne tay nitaketztuk, yajaya yawi kitenewa tik ne tipan tunal, ⁴⁹ ika naja inte nitaketzki nusel; ne Teteku ká nechtitanijtuk, yajaya nechtuktij tay ninaskia wan tay nitaketzaskia, ⁵⁰ wan nikmati ka tamakak itatuktilis pal ma shiyujyultuk senpa. Ken naja nitaketza, tel, yaja tay nechilwij ne Teteku wan ijkiunisan nitaketza.