Revised Common Lectionary (Semicontinuous)

¹⁵ Yaja n' itachialis

ne ká inte weli muita,

wan ne achtupunijtuk

ipal muchi tay muchijtuk.

¹⁶ Ika ipanpa muchijki muchi

tik ilwikak wan pak tal,

tay weli muita wan tay inte:

ne kujkuijpal, tajtajtzinkayu,

wan muchi ne tajtatuktilis:

muchi muchijki ipanpa,

muchi ka imaku.

¹⁷ Wan yaja nemi ne achtu,

wan muchi nemit ipanpa,

¹⁸ wan yaja n' itzuntekun

ne tuweyka, ne sennemit.

Iwan pewa, achtupunijtuk

ijtik ne miktiwit,

pal yaja kipia achtukayu

ijtik muchi;

¹⁹ ika ijtik yaja kiwelitak

ma muchanti muchi yekawilis,

²⁰ wan ma musenputzu muchi

ipanpa, ka imaku,

wan ma kalwika nejmachnemilis

iwan n' iesyu tik ne cruz

pak ne tal wan tik ne ilwikak.

Ne itekitilis Pawlo

²¹ Wan anmejemet ká ikman te ankishmatit wan ankisumat katka tik anmuyulu ipanpa anmutekiw teyek, ²² ashan anmusenputzujtiwit tik ne iweyka itech ne mikilis pal anmuishpanuat ken sejse tayulmatit ká te kipiat nian se ipelech wan te kichijtiwit tatka tay teyek tik itachialis, ²³ asu annakat iwan tayulmatilis, wan ankipiat tetzilnaj wan anchikawayat wan te ankiajkawat ne tejchialis ipal ne yeknawatilis ne ankikaktiwit, ne munajnawatij ijtik muchi ká muchijtiwit itan ne ilwikak, wan ijkiuni naja Pawlo nimuchijtuk tekitini.