◀ All Reading Plans / Revised Common Lectionary (Complementary) / Psalm 77 (Prayer for God to remember us); Proverbs 30:1-9 (Plea to be safe from temptation); Matthew 4:1-11 (Matthew’s account of Jesus’ temptation) (Nepali Bible: Easy-to-Read Version)

Prev Day

February 20, 1991

Next Day

Use the calendar to view readings from this devotional.

February 1991
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

भजनसंग्रह 77

प्रमुख संगीतकारलाई: यदूतूनको निम्ति आसापको भजन।

77 मैले ठूलो-ठूलो आवाजले कराएर परमेश्वरलाई गुहार मागें।
    हे परमेश्वर, मेरो रोदन सुनिदिनु होस्!
²मेरो स्वामी, जब म सङ्कटमा परें म तपाईं कहाँ आएँ,
    तपाईंलाई पाउने प्रयासमा म रातभरी जागें र पनि आत्मामा शान्ति भएन।
³मैले परमेश्वरको बारेमा सोचें,
    अनि आफ्नो हालत बताउने प्रयास गरें, तर मैले सकिनँ।
⁴तपाईंले मलाई सुत्न दिनु भएन,
    म केही भन्न चाहन्थे तर म एकदम हताश थिएँ।
⁵मैले बितेका कुराहरू सम्झिरहेको थिएँ।
    धेरै अगाडि हुन गएको घटनाहरू सम्झिरहेको थिएँ।
⁶रातमा, मैले आफ्ना गीतहरूको बारेमा सोच्ने प्रयास गरें।
    मैले आफैंलाई बुझ्ने कोशिश गरें।
⁷म छक्क पर्छु, “के हाम्रो स्वामीले हामीलाई सदाको लागि त्याग्नु भयो?
    के फेरि उहाँ हामीसित खुशी हुनुहुन्न?
⁸के फेरि हामीसँग उहाँ बात मार्न सक्नु हुनेछ?
    के परमेश्वरको प्रेम सदाको निम्ति बिलाउँछ?
⁹करूणा के हो भन्ने कुरा उहाँले भुल्नु भयो?
    उहाँको समवेदना जति क्रोधमा परिवर्तन भयो?”

¹⁰तब मैले सोचें, “जुन कुराले मलाई सधैँ सताई रहन्छ त्यो होः
‘के सर्वशक्तिमान् परमेश्वरले आफ्नो शक्ति गुमाउनु भयो?’”

¹¹म सम्झना गर्छु उहाँले कस्तो-कस्तो कार्य गर्नुभयो भनेर।
    परमेश्वर म ती आश्चर्यपूर्वक कुराहरू सम्झना गर्छु,
    जुन तपाईंले धेरै-धेरै अगाडि गर्नु भएको थियो।
¹²तपाईंले के गर्नु भएको थियो त्यो मैले सोचें।
    म तपाईंका सबै शक्तिशाली कार्यहरू सोच्दछु।
¹³परमेश्वर, तपाईंका बाटोहरू पवित्र छन्,
    तपाईं बाहेक कोही पनि महान् छैन।
¹⁴तपाईं परमेश्वर हुनुहुन्छ जसले अचम्मका कामहरू गर्नु हुन्छ।
    तपाईंले मानिसहरूलाई आफ्नो महान् शक्तिहरू देखाउनु भयो।

¹⁵तपाईंको शक्तिले मानिसहरूलाई बचाउनु भयो
    तपाईंले याकूब र यूसफका सन्तानहरूलाई बचाउनु भयो।
¹⁶परमेश्वर, पानीले तपाईंलाई देख्यो र भयभित भयो।
    गहिरो पानी भएका ठाउँहरू पनि डरले कामे।
¹⁷बाक्लो बादलहरूले पानी बर्षाए।
    मानिसहरूले डरलाग्दो उच्चबादलहरूमा
    बिजुली चम्केको देखें।
¹⁸त्यहाँ बिजुलीको गडगडाहट थियो,
    तब बिजुलीको चमक्‌ले संसार नै उज्यालो पार्यो,
    अनि पृथ्वी थर-थर काँप्न थाल्यो।
¹⁹परमेश्वर, तपाईं गहिरो पानी भएर हिँड्नु भयो,
तपाईंले गहन समुद्र पार गर्नुभयो,
    तर तपाईंले कुनै छाप छोड्नु भएन।
²⁰तपाईंले आफ्ना भक्तजनहरूलाई भेंडा सरह डोर्याउनँ,
    मोशा र हारूनलाई खटाउनु भयो।

हितोपदेश 30:1-9

याकेको छोरा आगूरका हितोपदेशहरू

30 यी हितोपदेशहरू आगूरले भनेका हुन्। आगूर याकेका छोरा थिए। यी हितोपदेशहरू इथीएल अनि यूकाललाई भनिएका हुन्:

²अरू कुनै मानिस भन्दा म धैरै अनभिज्ञ छु, जसरी बुझ्नु पर्छ त्यसरी बुझ्न म असक्षम छु। ³मैले ज्ञान के चीज हो जानिनँ, न त मैले परमेश्वरको विषयमा नै जान्न पाएँ। ⁴स्वर्ग गएको छु र फेरि फर्केर आएको छु? कसले आफ्नो खोक्रो हातमा हावा जम्मा गरेको छ? कसले पानीलाई आफ्नो खाष्टोमा पोको पारेको छ? कसले पृथ्वीको सीमानाहरू स्थानपना गरेको छ? उनको नाम के हो उनको छोराको नाम के हो?

⁵परमेश्वरको प्रत्येक वचन दोष रहित हुन्छ औ जो परमेश्वरको शरणमा जान्छ उसको निम्ति उहाँ सुरक्षित स्थान हुनुहुन्छ। ⁶यसकारण परमेश्वरको वचनमा परिवर्तन नगर नत्र उहाँले दण्ड दिनु हुन्छ साथै तिमी झूटा प्रमाणित हुनेछौ।

⁷हे परमप्रभु! मेरो मृत्यु अघि हजुरबाट केवल दुइओटा चीज माग्नेछु औ ती हुन्, ⁸मलाई झूटो नबोल्न सहायता गर्नुहोस् अनि साह्रै धनि अथवा साह्रै गरीब नपार्नु होस केवल मलाई ती चीजहरू दिनु होस जो प्रत्येक दिन खाँचो पर्छ। ⁹यदि मसँग चाहिने भन्दा वेशी भए, मैले तपाईसँगको सम्बध छोड्ने छु अनि भन्ने छु, “यो परमप्रभु को हो?” यदि म गरीब भए भने चोर बनेर परमेश्वरको नाममा दुर्नाम ल्याउने छु।

मत्ती 4:1-11

येशूको निम्ति कठिन परीक्षा

(मर्कूस 1:12-13; लूका 4:1-13)

4 यसपछि आत्माले येशूलाई मरुभूमिमा लगेर गयो। दुष्टात्माद्वारा परीक्षा गर्नको निम्ति त्यहाँ लगिएको थियो। ²चालीस दिन र चालीस रात येशूले केही खानु भएन। यसपछि उहाँ भोकाउनु भयो। ³शैतान येशू कहाँ परीक्षा गर्नलाई आयो र भन्यो, “यदि तपाईं परमेश्वरका पुत्र हुनूहुन्छ भने यी ढुङ्गाहरू रोटी होऊन् भनी आज्ञा दिनुहोस्।”

⁴जवाफमा येशूले भन्नुभयो, “धर्मशास्त्रमा यस्तो लेखिएकोछ,

‘मानिस रोटी खाएर मात्र बाँच्दैन।
परमेश्वरको मुखबाट निस्केको हरेक वचनले बाँच्दछ।’”^(A)

⁵त्यसपछि शैतानले येशूलाई पवित्र शहर यरूशलेममा लग्यो। त्यो दुष्टात्माले येशूलाई मन्दिरको गजूरमाथि राख्यो। ⁶शैतानले भन्यो, “यदि तपाईं परमेश्वरका पुत्र हुनुहुन्छ भने, यहाँबाट तल हाम फाल्नुहोस्। किनभने धर्मशास्त्रमा यस्तो लेखिएको छ,

‘परमेश्वरले तपाईंको निम्ति स्वर्गदूतहरूलाई खटाउनु हुनेछ,
अनि तिनीहरूले तपाईंलाई हात-हातमा उचाल्नेछन्,
जसद्वारा, तपाईंको खुट्टाहरू ढुङ्गामा बजारिने छैनन्।’”^(B)

⁷येशूले जवाफ दिनुभयो, “धर्मशास्त्रमा यस्तो पनि लेखिएको छ,

‘तैंले परमप्रभु आफ्नो परमेश्वरलाई परीक्षा नगर्नु।’”^(C)

⁸त्यसपछि शैतानले येशूलाई एउटा अति अल्गो पर्वतमा पुर्यायो। उसले येशूलाई संसारका सबै राज्यहरू, त्यहाँ भएका वैभव देखायो। ⁹शैतानले भन्यो, “यदि तपाईंले घोप्टो परेर मलाई दण्डवत् गर्नुभयो भने, यी सब थोक म तपाईंलाई दिनेछु।”

¹⁰येशूले शैतानलाई भनुभयो, “म देखि टाढा भइहाल, शैतान! धर्मशास्त्रमा यस्तो लेखिएको छ,

‘तैंले परमप्रभु आफ्नो परमेश्वरलाई दण्डवत् गर्नु पर्छ।
अनि उहाँकै मात्र सेवा गर्नु पर्छ।’”^(D)

¹¹त्यसपछि शैतानले येशूलाई छोडिदियो। त्यसपछि केही स्वर्गदूतहरू येशूकहाँ आएर उहाँको सेवा-टहल गरे।

Nepali Bible: Easy-to-Read Version (ERV-NE)