Revised Common Lectionary (Complementary)

77 मैले ठूलो-ठूलो आवाजले कराएर परमेश्वरलाई गुहार मागें।
    हे परमेश्वर, मेरो रोदन सुनिदिनु होस्!
² मेरो स्वामी, जब म सङ्कटमा परें म तपाईं कहाँ आएँ,
    तपाईंलाई पाउने प्रयासमा म रातभरी जागें र पनि आत्मामा शान्ति भएन।
³ मैले परमेश्वरको बारेमा सोचें,
    अनि आफ्नो हालत बताउने प्रयास गरें, तर मैले सकिनँ।
⁴ तपाईंले मलाई सुत्न दिनु भएन,
    म केही भन्न चाहन्थे तर म एकदम हताश थिएँ।
⁵ मैले बितेका कुराहरू सम्झिरहेको थिएँ।
    धेरै अगाडि हुन गएको घटनाहरू सम्झिरहेको थिएँ।
⁶ रातमा, मैले आफ्ना गीतहरूको बारेमा सोच्ने प्रयास गरें।
    मैले आफैंलाई बुझ्ने कोशिश गरें।
⁷ म छक्क पर्छु, “के हाम्रो स्वामीले हामीलाई सदाको लागि त्याग्नु भयो?
    के फेरि उहाँ हामीसित खुशी हुनुहुन्न?
⁸ के फेरि हामीसँग उहाँ बात मार्न सक्नु हुनेछ?
    के परमेश्वरको प्रेम सदाको निम्ति बिलाउँछ?
⁹ करूणा के हो भन्ने कुरा उहाँले भुल्नु भयो?
    उहाँको समवेदना जति क्रोधमा परिवर्तन भयो?”

⁸ तर अय्यूब, यदि म तिमी भएको भए, म परमेश्वरपट्टि फर्किने थिएँ
    अनि आफ्ना समस्याहरूका बारेमा उहाँलाई भन्ने थिए।
⁹ हाम्रो बुझ्ने शक्ति बाहिर परमेश्वरले अलौकिक कर्महरू गर्नुहुन्छ।
    चमत्कारी कर्महरू गर्न उहाँले कहिल्यै रोकिनु हुन्न।
¹⁰ परमेश्वरले पृथ्वीमा बर्षाहरू पठाउनु हुन्छ।
    उहाँले खेतहरूमा पानी पठाउनु हुन्छ।
¹¹ परमेश्वरले नम्र मानिसलाई माथि उठाउनु हुन्छ,
    अनि उहाँले दुःखी मानिसलाई सुरक्षित राख्नु हुन्छ।
¹² परमेश्वरले धूर्त र दुष्टहरूका युक्तिलाई विफल पारिदिनु हुन्छ,
    यसकाण तिनीहरूले सफलता पाउँदैनन्।
¹³ परमेश्वरले ज्ञानी मानिससम्मलाई तिनीहरूको आफ्नै पासोमा समात्नुहुन्छ।
    यसैले ती धूर्तपूर्ण योजनाहरू सफल हुँदैनन्।
¹⁴ ती चतुर मानिसहरू दिउँसै पनि जताततै ठोक्कर खान्छन्
    मध्य दिनको बेलामा पनि तिनीहरू अन्धकारमा बाटो खोज्दै हिंड्ने मानिस जस्तो हुनेछ।
¹⁵ परमेश्वरले दरिद्र मानिसहरूलाई मृत्युबाट पनि जोगाउनु हुन्छ।
    उहाँले गरीब निरीह मानिसहरूलाई शक्तिशालीहरूबाट जोगाउनु हुन्छ।
¹⁶ यसकारण गरीब मानिसहरूले आशा गर्छन।
    उहाँले दुष्टकर्मीको मुख थुनिदिनु हुन्छ।
¹⁷ त्यो मानिस धन्यको हो, जब परमेश्वरले उसलाई सुमार्ग बताउनुहुन्छ।
    यसैले गुनासो नगर जब सर्वशक्तिमान परमेश्वरले तिमीमाथि अनुशासन गर्नुहुन्छ।
¹⁸ परमेश्वरले दिनुभएको घाउहरूमा
    मलमपट्टी गरिदिनुहुन्छ।
उहाँले कसैलाई चोट पुर्याउँन सक्नुहुन्छ
    तर उहाँकै हातहरूले नै निको पार्नुहुन्छ।
¹⁹ उहाँले तिमीलाई छ पल्ट सङ्कटहरूबाट बचाउनु हुनेछ।
    हो, सातपल्ट दुर्घटनाहरू हुँदा पनि तिमीलाई हानिहुने छैन।
²⁰ जब त्यहाँ अनिकाल आईपर्छ
    परमेश्वरले तिमीलाई मृत्युबाट जोगाउनु हुन्छ।
अनि जब त्यहाँ युद्ध हुँदछ
    परमेश्वरले तिमीलाई मृत्युबाट जोगाउनु हुन्छ।
²¹ जब मानिसहरूले तिम्रो निन्दा गर्छन
    परमेश्वरले तिम्रो रक्षा गर्नु हुन्छ।
अनि यस्तो हुदाँ तिम्रो विनाश हुन्छ भनी
    डराउनु पर्दैन।
²² तिमी विनाश र अनिकाल देखेर हाँस्ने छौ।
    तिमी जंङ्गली जनावरहरूदेखि भयभीत हुने छैनौ।
²³ खेतका ढुङ्गाहरूसित तिम्रो वाचा बाँधिएको छ।
    जंङ्गली जनावरहरू तिमीसँग शान्ति साथ रहनेछन्।
²⁴ तिम्रो घरमा शान्ति रहेको
    तिमीले चाल पाउनेछौ।
तिमीले आफ्नो सम्पत्ति गन्नेछौ
    अनि कुनै पनि चीज हराएको हुनेछैन्।
²⁵ तिम्रा धेरै नानीहरू हुनेछन।
    तिनीहरू घाँसका पातहरू झैं प्रशस्त हुनेछन।
²⁶ तिमी त्यो गहूँ जस्तै हुनेछौ जुन बाली काटिने बेलासम्ममा उब्जनेछ।
    हो, तिमी बृद्धवस्थासम्म बाँच्नु पर्नेछ।

“मानिस जसले जीवनप्रति माया गर्न चाहन्छ,
    अनि असल समयको आनन्द भोग गर्न चाहन्छ,
उसले कुवचन बोल्नुबाट जिब्रो जोगाउनु पर्छ
    र झूटा कुरा गर्नु बन्द गर्नुपर्छ।
¹¹ त्यस व्यक्तिले कुकर्म गर्नु छाड्नुपर्छ अनि असल कार्य गर्नुपर्छ,
    त्यस व्यक्तिले शान्ति खोज्नु पर्छ, अनि त्यसलाई प्राप्त गर्ने प्रयत्न गर्नुपर्छ।
¹² प्रभुले धार्मिक मानिसहरूलाई हेर्छन्
    अनि प्रभुले तिनीहरूको प्रार्थना सुन्छन्
तर प्रभु ती मानिसहरूको विरुद्ध हुनुहुन्छ, जसले कु-कर्म गर्छ।”^(A)

¹⁸ तिमीहरूको निम्ति ख्रीष्टले सधैँको
    निम्ति जीवन बलिदान दिनुभयो।
उहाँ दोषी हुनु हुन्न थियो,
    तर उहाँ तिनीहरूको निम्ति मर्नु भयो जो दोषी थिए।
    तिमीहरू सबैलाई परमेश्वरकहाँ ल्याउनु उहाँले यसो गर्नु भयो।
उहाँ शरीरमा मारिनुभयो,
    तर उहाँलाई आत्मामा जीवित तुल्याइयो।