Revised Common Lectionary (Complementary)

Schin

¹⁶¹ Helte ha mie oone Uasoak fefoljcht; oba mien Hoat haft dien Wuat jeferjcht.

¹⁶² Ekj frei mie enn dien Wuat, soo aus eena dee grootet Raup finjt.

¹⁶³ Ekj haus un feacht Leaje; oba ekj ha dien Jesats leef.

¹⁶⁴ Ekj doo die säwen mol dän Dach preise wäajen diene Jerajchte Jerejchte.

¹⁶⁵ Soone dee dien Jesats leef ha, ha groote Fräd; un dee stolpre nijch.

¹⁶⁶ O Herr Gott, ekj ha fa diene Radunk jehopt, un ha diene Fäaschrefte jedone.

¹⁶⁷ Miene Seel haft diene Zeijchnisse jehoole; un ekj ha dee seeha leef.

¹⁶⁸ Ekj ha diene Jeboote un diene Zeijchnisse jehoole; dan aul diene Wäaj sent fer mie.

4 Leefste Frind, jleeft nich aule Jeista, oba prooft dee Jeista auf dee fonn Gott sent; wiel fael faulsche Profeete sent enne Welt enenn jekome.

² Dit es woo jie weete kjenne daut en Jeist fonn Gott es: jieda Jeist dee bekjant daut Jesus em Fleesch jekome es, es fonn Gott.

³ En jieda Jeist dee nich Jesus bekjant es nich fonn Gott, en dit es dee Antikjrist Jeist fonn daem jie heade daut dee kome wudd, en nu aul enne Welt es.

⁴ Leefste Kjinja, jie sent fonn Gott, en jie ha aewa daen jewonne, wiel dee, dee en ju es, es jrata aus dee, dee enne Welt es.

⁵ Dee sent fonn dise Welt, doaromm raede see fonn dise Welt, en de Welt horcht no an.

⁶ Wie sent fonn Gott; en waea Gott kjant horcht no onns; waea nich fonn Gott es, horcht nich no onns. Doaraun kje wie daen Jeist de Woarheit weete, uk daen Jeist de Ertum.