Readings for Lent and Easter

¹³ Nagbabata baga ang sinoman sa inyo? siya'y manalangin. Natutuwa ang sinoman? ^(A)awitin niya ang mga pagpupuri.

¹⁴ May sakit baga ang sinoman sa inyo? ipatawag niya ^(B)ang mga matanda sa iglesia; at ipanalangin nila siya, ^(C)na pahiran nila ng langis sa pangalan ng Panginoon:

¹⁵ At ang panalangin ng pananampalataya ay magliligtas sa may sakit, at ibabangon siya ng Panginoon; ^(D)at kung nagkasala siya, ay ipatatawad sa kaniya.

¹⁶ Mangagpahayagan nga kayo sa isa't isa ng inyong mga kasalanan, at ipanalangin ng isa't isa ang iba, upang kayo'y magsigaling. Malaki ang nagagawa ^(E)ng maningas ^(F)na panalangin ng taong matuwid.

¹⁷ Si Elias ay isang taong may pagkataong gaya rin ng atin, at siya'y nanalangin ng buong ningas upang huwag umulan; ^(G)at hindi umulan sa lupa sa loob ng tatlong taon at anim na buwan.

¹⁸ At muli siyang nanalangin; at ang langit ay ^(H)nagbigay ng ulan, at ang lupa ay namunga ng kaniyang bunga.