Old/New Testament

4 Narito, ikaw ay ^(A)maganda, sinta ko; narito, ikaw ay maganda;
Ang iyong mga mata ay gaya ng mga kalapati sa likod ng iyong ^(B)lambong:
Ang iyong buhok ay gaya ng kawan ng mga kambing,
Na nagpapahinga sa gulod ng bundok ng ^(C)Galaad.
² Ang iyong mga ngipin ay ^(D)gaya ng mga kawan ng mga tupa na bagong gupit,
Na nagsiahong mula sa pagpaligo,
Na bawa't isa'y may anak na kambal,
At walang baog sa kanila.
³ Ang iyong mga labi ay gaya ng pising mapula,
At ang iyong bibig ay kahalihalina:
^(E)Ang iyong mga pisngi ay gaya ng putol ng ^(F)granada.
Sa likod ng iyong lambong.
⁴ Ang iyong leeg ay ^(G)gaya ng moog ni David
Na itinayo na pinaka sakbatan,
Na kinabibitinan ng ^(H)libong kalasag,
Ng lahat na kalasag ng mga makapangyarihang lalake.
^5 (I)Ang iyong dalawang suso ay ^(J)gaya ng dalawang batang usa
Na mga kambal ng isang inahin,
Na ^(K)nagsisisabsab sa gitna ng mga lila.
⁶ Hanggang sa ang araw ay ^(L)lumamig at ang mga lilim ay tumakas,
Ako'y paroroon sa bundok ng ^(M)mira,
At sa burol ng kamangyan.

⁷ Ikaw ay totoong maganda, sinta ko;
^(N)At walang kapintasan sa iyo.
⁸ Sumama ka sa akin mula sa ^(O)Libano, kasintahan ko,
Na kasama ko mula sa Libano:
Tumanaw ka mula sa taluktok ng Amana,
Mula sa taluktok ng Senir at ^(P)ng Hermon,
Mula sa mga yungib ng mga leon,
Mula sa mga bundok ng mga ^(Q)leopardo.
⁹ Inagaw mo ang aking puso, kapatid ko, kasintahan ko,
Iyong inagaw ang aking puso ng isang sulyap ng iyong mga mata,
Ng isang kuwintas ng iyong leeg.
¹⁰ Pagkaganda ng iyong pagsinta, ^(R)kapatid ko, kasintahan ko!
^(S)Pagkaigi ng iyong pagsinta kay sa alak!
At ang amoy ng iyong mga langis kay sa lahat na sarisaring pabango!
¹¹ Ang iyong mga labi, Oh kasintahan ko, na nagsisitulo ^(T)na gaya ng pulot-pukyutan:
^(U)Pulot at gatas ay nasa ilalim ng iyong dila;
At ang amoy ng iyong mga suot ay ^(V)gaya ng amoy ng Libano.
¹² Halamanang nababakuran ang kapatid ko, ang kasintahan ko;
Bukal na nababakuran, balon na natatakpan.
¹³ Ang iyong mga pananim ay halamanan ng mga ^(W)granada, na may mahalagang mga bunga;
Albena sangpu ng mga pananim na ^(X)nardo,
¹⁴ Nardo at azafran,
^(Y)Calamo at kanela, sangpu ng lahat na punong kahoy na ^(Z)kamangyan;
Mira at mga eloe, sangpu ng lahat na pinakamainam na especia.
¹⁵ Ikaw ay bukal ng mga halamanan,
^(AA)Balon ng mga buhay na tubig,
At mga balong na tubig na mula sa Libano.
¹⁶ Gumising ka, Oh hilagaang hangin; at parito ka, ikaw na timugan;
Humihip ka sa aking halamanan, upang ang mga bango niya'y sumalimuoy.
^(AB)Masok ang aking sinta sa kaniyang halamanan,
At kumain siya ng kaniyang mahalagang mga bunga.

5 Ako'y ^(AC)dumating sa aking halamanan, kapatid ko, kasintahan ko:
Aking dinampot ang aking ^(AD)mira pati ang aking especia;
^(AE)Aking kinain ang aking pulot-pukyutan pati ang aking pulot;
Aking ininom ang aking alak pati ang aking gatas.
Magsikain kayo, Oh mga kaibigan; Magsiinom kayo, oo, magsiinom kayo ng sagana, Oh sinisinta.
² Ako'y nakatulog, nguni't ang aking puso ay gising:
Ang tinig ng aking sinta ^(AF)ang siyang tumutuktok, na kaniyang sinasabi,
Pagbuksan mo ako, kapatid ko, ^(AG)sinta ko, ^(AH)kalapati ko, ^(AI)sakdal ko:
Sapagka't ang aking ulo ay basa ng hamog,
Ang aking mga kulot na buhok ay ng mga patak ng gabi.
³ Aking hinubad ang aking suot; paanong aking isusuot?
Aking hinugasan ang aking mga paa paanong sila'y aking dudumhan?
⁴ Isinuot ng aking sinta ang kaniyang kamay sa butas ng pintuan,
At nakilos ang aking puso sa kaniya.
⁵ Ako'y bumangon upang pagbuksan ang aking sinta;
At ang aking mga kamay ay tutulo ng mira,
At ang aking mga daliri ng malabnaw na mira.
Sa mga tatangnan ng trangka.
⁶ Aking pinagbuksan ang aking sinta:
Nguni't ang aking sinta ay umurong at nakaalis,
Napanglupaypay na ako ng aking kaluluwa ^(AJ)nang siya'y magsalita:
^(AK)Aking hinanap siya, nguni't hindi ko nasumpungan siya;
Aking tinawag siya, nguni't hindi siya sumagot sa akin.
⁷ Nasumpungan ako ng ^(AL)mga bantay na nagsisilibot sa bayan,
Sinaktan nila ako, sinugatan nila ako,
Inalis sa akin ang aking balabal ng mga tanod ng mga kuta.
⁸ Pinagbibilinan ko kayo, ^(AM)Oh mga anak na babae ng Jerusalem,
Kung inyong masumpungan ang aking sinta,
Na inyong saysayin sa kaniya, na ako'y may sakit, ^(AN)na pagsinta.
⁹ Ano ang iyong sinta na higit kay sa ibang sinta,
^(AO)Oh ikaw na pinakamaganda sa mga babae?
Ano ang iyong sinta na higit kay sa ibang sinta,
Na iyong ibinibilin sa amin ng ganyan?
¹⁰ Ang aking sinisinta ay maputi at mapulapula
Na pinakamainam sa sangpung libo.
¹¹ Ang kaniyang ulo ay gaya ng pinakamainam na ^(AP)ginto:
Ang kaniyang kulot na buhok ay malago at maitim na gaya ng uwak.
¹² Ang kaniyang mga mata ay ^(AQ)gaya ng mga kalapati sa siping ng mga batis ng tubig;
Na hinugasan ng gatas at bagay ang pagkalagay.
¹³ Ang kaniyang mga pisngi ay gaya ng ^(AR)pitak ng mga especia,
Gaya ng mga bunton ng mga mainam na gulay:
Ang kaniyang mga labi ay gaya ng mga ^(AS)lila na tumutulo ng malabnaw na mira.
¹⁴ Ang kaniyang mga kamay ay gaya ng mga singsing na ginto na may lakip na ^(AT)berilo:
Ang kaniyang katawan ay gaya ng yaring garing na binalot ng mga ^(AU)zafiro.
¹⁵ Ang kaniyang mga hita ay gaya ng haliging marmol, na nalalapag sa mga tungtungan na dalisay na ginto:
Ang kaniyang anyo ay gaya ng ^(AV)Libano na marilag na gaya ng mga sedro.
¹⁶ Ang kaniyang bibig ay pinakamatamis:
Oo, siya'y totoong kaibigibig.
Ito'y aking sinta at ito'y aking kaibigan,
Oh mga anak na babae ng Jerusalem.