Old/New Testament

137 Sa tabi ng mga ilog ng Babilonia,
Doo'y nangaupo tayo, oo, nagiyak tayo,
Nang ating maalaala ang Sion.
² Sa mga punong sauce sa gitna niyaon
Ating ibinitin ang ating mga alpa.
³ Sapagka't doo'y silang nagsibihag sa atin ay nagsihiling sa atin ng mga awit,
At silang magpapahamak sa atin ay nagsihiling sa atin ng kasayahan, na nangagsasabi:
Awitin ninyo sa amin ang sa mga awit ng Sion.
^4 (A)Paanong aawitin namin ang awit sa Panginoon
Sa ibang lupain?
⁵ Kung kalimutan kita, Oh Jerusalem,
Kalimutan nawa ng aking kanan ang kaniyang kasanayan.
⁶ Dumikit nawa ang ^(B)aking dila sa ngalangala ng aking bibig,
Kung hindi kita alalahanin;
Kung hindi ko piliin ang Jerusalem
Ng higit sa aking pinakapangulong kagalakan.
⁷ Alalahanin mo Oh Panginoon, laban ^(C)sa mga anak ni Edom
Ang kaarawan ng Jerusalem;
Na nagsabi, Sirain, sirain,
Pati ng patibayan niyaon.
⁸ Oh anak na babae ng Babilonia, na ^(D)sira;
Magiging mapalad siya, ^(E)na gumaganti sa iyo
Na gaya ng iyong ginawa sa amin.
⁹ Magiging mapalad siya, na kukuha at maghahagis sa iyong mga bata
Sa malaking bato.

138 Ako'y magpapasalamat sa iyo ng aking buong puso:
^(F)Sa harap ng mga dios ay aawit ako ng mga pagpuri sa iyo.
² Ako'y sasamba sa dako ng iyong banal na templo,
At ^(G)magpapasalamat sa iyong pangalan, dahil sa iyong kagandahang-loob at dahil sa iyong katotohanan:
Sapagka't iyong pinadakila ang iyong salita sa iyong buong pangalan.
³ Nang araw na ako'y tumawag ay sinagot mo ako,
Iyong pinatapang ako ng kalakasan sa aking kaluluwa.
⁴ Lahat ng mga hari sa lupa ^(H)ay mangagpapasalamat sa iyo, Oh Panginoon,
Sapagka't kanilang narinig ang mga salita ng iyong bibig.
⁵ Oo, sila'y magsisiawit tungkol sa mga daan ng Panginoon;
Sapagka't dakila ang kaluwalhatian ng Panginoon.
^6 (I)Sapagka't bagaman ang Panginoon ay mataas, ^(J)gumagalang din sa mababa:
Nguni't ang hambog ay nakikilala niya mula sa malayo.
^7 (K)Bagaman ako'y lumakad sa gitna ng kabagabagan, iyong bubuhayin ako;
Iyong iuunat ang iyong kamay laban sa poot ng aking mga kaaway,
At ililigtas ako ng iyong kanan.
^8 (L)Pasasakdalin ng Panginoon ang tungkol sa akin:
Ang iyong kagandahang-loob, Oh Panginoon, ay magpakailan man;
^(M)Huwag mong pabayaan ang mga gawa ng iyong sariling mga kamay.

139 Oh Panginoon, ^(N)iyong siniyasat ako, at nakilala ako.
^2 (O)Iyong nakikilala ang aking pag-upo at ang aking pagtindig,
^(P)Iyong nauunawa ang aking pagiisip sa malayo.
³ Iyong siniyasat ang aking landas at ang aking higaan,
At iyong kilala ang lahat kong mga lakad.
⁴ Sapagka't wala pa ang salita sa aking dila,
Nguni't, narito, Oh Panginoon, ^(Q)natatalastas mo nang buo.
^5 (R)Iyong kinulong ako sa likuran at sa harapan,
At inilapag mo ang iyong kamay sa akin.
⁶ Ang ganyang kaalaman ^(S)ay totoong kagilagilalas sa akin;
Ito'y mataas, hindi ko maabot.
^7 (T)Saan ako paroroon na mula sa iyong Espiritu?
O saan ako tatakas na mula sa iyong harapan?
^8 (U)Kung sumampa ako sa langit, nandiyan ka:
^(V)Kung gawin ko ang aking higaan sa Sheol, narito, ikaw ay nandoon.
⁹ Kung aking kunin ang mga ^(W)pakpak ng umaga,
At tumahan sa mga pinakadulong bahagi ng dagat;
¹⁰ Doon ma'y papatnubayan ako ng iyong kamay,
At ang iyong kanang kamay ay hahawak sa akin.
¹¹ Kung aking sabihin, ^(X)Tunay na tatakpan ako ng kadiliman,
At ang liwanag sa palibot ko ay magiging gabi;
^12 (Y)Ang kadiliman man ay hindi nakakukubli sa iyo,
Kundi ang gabi ay sumisilang na parang araw:
Ang kadiliman at kaliwanagan ay magkaparis sa iyo
^13 (Z)Sapagka't iyong inanyo ang aking mga lamang loob:
^(AA)Iyo akong tinakpan sa bahaybata ng aking ina.
¹⁴ Ako'y magpapasalamat sa iyo; sapagka't nilalang ako na kakilakilabot at kagilagilalas:
Kagilagilalas ang iyong mga gawa;
At nalalamang mabuti ng aking kaluluwa.
¹⁵ Ang katawan ko'y ^(AB)hindi nakubli sa iyo,
Nang ako'y gawin sa lihim,
At yariing mainam sa mga pinakamababang bahagi sa lupa.
¹⁶ Nakita ng iyong mga mata ang aking mga sangkap na di sakdal,
At sa iyong aklat ay pawang nangasulat,
Kahit na ang mga araw na itinakda sa akin,
Nang wala pang anoman sa kanila,
^17 (AC)Pagka mahalaga rin ng iyong mga pagiisip sa akin, Oh Dios!
Pagka dakila ng kabuoan nila!
¹⁸ Kung aking bibilangin, higit sila sa bilang kay sa buhangin:
Pagka ako'y nagigising ay laging nasa iyo ako.
¹⁹ Walang pagsalang iyong ^(AD)papatayin ang masama, Oh Dios:
Hiwalayan nga ninyo ako, Oh mga mabagsik na tao.
²⁰ Sapagka't sila'y nangagsasalita laban sa iyo ng kasamaan,
At ^(AE)ginagamit ng iyong mga kaaway ang iyong pangalan sa walang kabuluhan.
^21 (AF)Hindi ko ba ipinagtatanim sila, Oh Panginoon, na nagtatanim sa iyo?
At hindi ba kinapapanglawan ko ang mga yaon na nagsisibangon laban sa iyo?
²² Aking ipinagtatanim sila ng lubos na kapootan:
Sila'y naging mga kaaway ko.
^23 (AG)Siyasatin mo ako, Oh Dios, at alamin mo ang aking puso;
Subukin mo ako, at alamin mo ang aking mga pagiisip:
²⁴ At tingnan mo kung may anomang lakad ng kasamaan sa akin,
At ^(AH)patnubayan mo ako sa daang walang hanggan.