Daily Reading for Personal Growth, 40 Days with God

¹⁰ May dalawang lalaking ^(A)nagsipanhik sa templo upang magsipanalangin; ang isa'y Fariseo, at ang isa'y ^(B)maniningil ng buwis.

^11 (C)Ang Fariseo ay nakatayo at nanalangin sa kaniyang sarili ng ganito, Dios, pinasasalamatan kita, na hindi ako gaya ng ibang mga tao, na mga manglulupig, mga liko, mga mapangalunya, o hindi man lamang gaya ng maniningil ng buwis na ito.

¹² Makalawa akong ^(D)nagaayuno sa isang linggo; ^(E)nagbibigay ako ng ikapu ng lahat kong kinakamtan.

¹³ Datapuwa't ang maniningil ng buwis, na nakatayo sa malayo, ay ^(F)ayaw na itingin man lamang ang kaniyang mga mata sa langit, kundi ^(G)dinadagukan ang kaniyang dibdib, na sinasabi, Dios, ikaw ay mahabag sa akin, na isang makasalanan.

¹⁴ Sinasabi ko sa inyo, Nanaog at umuwi sa kaniyang bahay ang taong ito na inaaaring-ganap kay sa isa: ^(H)sapagka't ang bawa't nagmamataas sa kaniyang sarili ay mabababa; datapuwa't ang nagpapakababa sa kaniyang sarili ay matataas.