Beginning

^37 (A)Ani ayinza okwogera ekintu ne kituukirira,
    Mukama nga takiragidde?
^38 (B)Mu kamwa k’oyo Ali Waggulu Ennyo,
    si mmwe muva ebigambo eby’okubeerwa n’eby’okubonereza?
^39 (C)Lwaki omuntu omulamu yeemulugunya,
    bw’abonerezebwa olw’ebibi bye?

^40 (D)Twekebere engeri zaffe, era tuzeetegereze,
    tudde eri Mukama.
^41 (E)Tuyimuse emitima gyaffe n’emikono gyaffe
    eri Katonda mu ggulu, twogere nti,
^42 (F)“Twayonoona ne tujeema,
    tokyerabiranga era tonatusonyiwa.

^43 (G)“Ojjudde obusungu n’otugobaganya,
    n’otutta awatali kutusaasira.
^44 (H)Weebisseeko ekire,
    waleme okubaawo okusaba n’okumu okutuuka gy’oli.
^45 (I)Otufudde obusa n’ebisasiro
    mu mawanga.

^46 (J)“Abalabe baffe bonna batwogerako
    ebigambo ebibi.
^47 (K)Tubonyeebonye olw’entiisa n’emitego
    n’okunyagibwa n’okuzikirizibwa.”
^48 (L)Amaaso gange gakulukuta emigga gy’amaziga
    olw’okuzikirira kw’abantu bange.

^49 (M)Era amaaso gange ganeeyongeranga okukulukuta amaziga
    awatali kusirika,
^50 (N)okutuusa Mukama lw’alisinzira
    mu ggulu n’alaba.
⁵¹ Bye ndaba bireeta ennaku ku mutima gwange,
    olw’ebyo ebyatuuka ku bawala b’ekibuga kyange.

^52 (O)Abalabe bange banjigganya olutata
    ne baba ng’abayigga ennyonyi.
^53 (P)Bagezaako okuzikiririza obulamu bwange mu bunnya,
    ne bankasuukirira amayinja;
^54 (Q)amazzi gaabikka omutwe gwange,
    ne ndowooza nti, nsanyeewo.

^55 (R)“Nakoowoola erinnya lyo, Ayi Mukama,
    nga ndi mu bunnya wansi ennyo;
^56 (S)wawulira okwegayirira kwange: toziba matu go
    eri okukaaba kwange.”
^57 (T)Bwe nakukoowoola wansemberera
    n’oyogera nti, “Totya!”

^58 (U)Mukama watunula mu nsonga yange,
    era n’onunula obulamu bwange.
^59 (V)Ayi Mukama, walaba ebibi bye bankola,
    obasalire omusango nga bwe kibagwanira.
^60 (W)Walaba bwe bampalana,
    n’enkwe zaabwe zonna ze bansalira.

⁶¹ Wawulira bye banvuma, Ayi Mukama Katonda,
    n’enkwe zaabwe zonna ze bansalira,
^62 (X)obwama n’ebirowoozo eby’abalabe bange
    bye bantesaako obudde okuziba.
⁶³ Batunuulire mu kutuula kwabwe ne mu kuyimirira kwabwe;
    bannyooma nga bwe bannyimbirira.

^64 (Y)Obasasule nga bwe kibagwanira Ayi Mukama Katonda,
    olw’ebikolwa eby’emikono gyabwe.
^65 (Z)Osseeko ekibikka ku mitima gyabwe,
    n’ekikolimo kyo kibabeereko.
⁶⁶ Obayigganye mu busungu bwo obazikirize
    ng’osinziira mu ggulu lya Mukama Katonda.
4 ^(AA)Zaabu ng’ettalazze!
    Zaabu ennungi ng’efuuse!
Amayinja ag’omuwendo gasaasaanye
    buli luguudo we lutandikira.

² Abaana ba Sayuuni ab’omuwendo
    abaali beenkana nga zaabu ennungi,
kaakano bali ng’ensuwa ez’ebbumba,
    omulimu gw’emikono gy’omubumbi.

^3 (AB)Ebibe biyonsa
    abaana baabyo,
naye abantu bange bafuuse ng’abatalina kisa,
    bafaanana nga bammaaya mu ddungu.

^4 (AC)Olw’ennyonta omwana ayonka gy’alina,
    olulimi lwe lukwatira ku kibuno ky’akamwa ke;
abaana basaba emmere
    naye tewali n’omu agibawa.

^5 (AD)Abaalyanga ebiwoomerera
    basabiriza ku nguudo;
n’abo abaakuzibwa ng’abambala engoye ezinekaaneka
    bali ku ntuumu ez’ebisasiro.

^6 (AE)Ekibonerezo ky’abantu bange
    kisinga ekya Sodomu,
ekyawambibwa mu kaseera akatono,
    nga tewali n’omu azze kukibeera.

⁷ Abalangira baabwe baatukula nnyo okusinga omuzira,
    nga beeru okusinga amata;
n’emibiri gyabwe nga mimyufu okusinga amayinja amatwakaavu,
    era banyirivu nga safiro.

^8 (AF)Naye kaakano badduggala okusinga enziro,
    era tebakyasobola kutegeerekeka mu nguudo.
Olususu lwabwe lukalidde ku magumba gaabwe;
    lukaze ng’ekiti ekikalu.

^9 (AG)Abafa ekitala bafa bulungi
    okusinga abafa enjala,
kubanga abafa enjala bayongobera ne baggwaawo
    olw’obutaba na mmere mu nnimiro.

^10 (AH)Abakazi ab’ekisa abaagala abaana
    bafumbye abaana baabwe;
abaana abaafuuka emmere
    abantu bange bwe baazikirizibwa.

^11 (AI)Mukama akituukirizza mu busungu bwe obungi,
    era abayiyeeko obusungu bwe obungi.
Yakoleeza omuliro mu Sayuuni
    ogwayokya emisingi gyakyo.

^12 (AJ)Bakabaka b’ensi
    n’abantu ab’ensi endala tebakkiriza,
nti abalabe n’ababakyawa baliyingira
    mu wankaaki wa Yerusaalemi.

^13 (AK)Ebyo byabatuukako olw’ebibi bya bannabbi be,
    n’olw’obutali butuukirivu bwa bakabona be,
abaayiwa omusaayi
    gw’abatuukirivu abaababeerangamu.

^14 (AL)Badoobera mu nguudo
    nga bamuzibe;
bajjudde omusaayi
    so tewali ayaŋŋanga okukwata ku byambalo byabwe.

^15 (AM)Abantu baabagobaganya nga boogera nti, “Muveewo, mmwe abatali balongoofu!
    Muviireewo ddala, so temutukwatako!”
Bwe baafuuka emmombooze,
    amawanga gabagobaganya nga boogera nti,
    “Tebakyasaana kubeera wano.”

^16 (AN)Mukama yennyini abasaasaanyizza,
    takyabafaako.
Bakabona tebakyassibwamu kitiibwa,
    newaakubadde abakadde okuweebwa ebifo eby’oku mwanjo.

^17 (AO)Amaaso gaffe gakooye
    olw’okulindirira okubeerwa okutajja;
nga tulindirira
    eggwanga eriyinza okutulokola.

^18 (AP)Baatucocca
    ne batulemesa okutambulira mu nguudo zaffe;
enkomerero yaffe n’eba kumpi,
    n’ennaku zaffe ne ziggwaayo.

^19 (AQ)Abaatuyiganyanga baatusinga embiro
    okusinga n’empungu ez’omu bbanga.
Baatugobera mu nsozi
    ne batuteegera mu ddungu.

^20 (AR)Oyo Mukama gwe yafukako amafuta
    yagwa mu mitego gyabwe.
Twalowooza nga tulikwekebwa mu kisiikirize kye
    ne tubeeranga mu mawanga.

^21 (AS)Sanyuka ojaguze, ggwe Omuwala wa Edomu,
    abeera mu nsi ya Uzi;
naye lumu olinywa ku kikompe
    n’otamiira ne weeyambula.

^22 (AT)Ggwe Muwala wa Sayuuni, ekibonerezo kyo kikomye awo,
    talikwongerayo mu busibe.
Naye ggwe omuwala wa Edomu, Mukama alikubonereza,
    n’ayanika ekibi kyo mu lujjudde.
5 ^(AU)Jjukira Ayi Mukama ekitutuuseeko.
    Tunula olabe ennaku yaffe.
^2 (AV)Omugabo gwaffe guweereddwa bannamawanga,
    n’amaka gaffe gatwaliddwa abatali ba mu nnyumba.
^3 (AW)Tufuuse bamulekwa abatalina bakitaabwe,
    ne bannyaffe bafuuse bannamwandu.
^4 (AX)Tusasulira amazzi ge tunywa;
    n’enku tuteekwa okuzigula.
^5 (AY)Abatucocca batugobaganya;
    tukooye ate nga tetulina wa kuwummulira.
^6 (AZ)Twakola endagaano ne Misiri n’Abasuuli
    okutufuniranga ku mmere.
^7 (BA)Bajjajjaffe baayonoona, ne bafa,
    naye tubonerezebwa olw’ebikolwa byabwe ebitaali bya butuukirivu.
^8 (BB)Abaddu be batufuga,
    tewali n’omu ayinza okutulokola mu mukono gwabwe.
⁹ Tuba kumpi n’okuttibwa nga tunoonya emmere,
    olw’ekitala ekiri mu ddungu.
^10 (BC)Olususu lwaffe luddugadde ng’enziro
    olw’enjala ennyingi.
^11 (BD)Abakyala ba Sayuuni,
    n’abawala embeerera ab’omu bibuga bya Yuda bakwatiddwa olw’amaanyi.
^12 (BE)Abalangira bawanikibbwa baleebeetera ku mikono gyabwe
    n’abakadde tewali abassaamu kitiibwa.
¹³ Abavubuka bawalirizibwa okusa emmere ku jjinja ne ku lubengo,
    n’abalenzi batagala nga beetisse entuumu z’enku.
^14 (BF)Abakadde tebakyatuula mu wankaaki w’ekibuga,
    n’abavubuka tebakyayimba.
^15 (BG)Emitima gyaffe tegikyasanyuka,
    n’okuzina kwaffe kufuuse kukungubaga.
^16 (BH)Engule egudde okuva ku mitwe gyaffe.
    Zitusanze kubanga twonoonye!
^17 (BI)Emitima gyaffe kyegivudde gizirika,
    era n’amaaso gaffe kyegavudde gayimbaala.
^18 (BJ)Olw’okuba nga olusozi Sayuuni lulekeddwa nga lwereere,
    ebibe kyebivudde bitambulirako.

^19 (BK)Ggwe, Ayi Mukama obeerera ennaku zonna;
    entebe yo ey’obwakabaka ya mirembe na mirembe.
^20 (BL)Lwaki otwelabiririra ddala okumala ennaku ezo zonna?
    Tuddiremu, Ayi Mukama, tudde gy’oli.
^21 (BM)Tukomyewo gy’oli Ayi Mukama,
    otuzze buggya ng’edda;
^22 (BN)wabula ng’otusuulidde ddala,
    era ng’otusunguwalidde nnyo nnyini obutayagala na kutuddiramu.