Book of Common Prayer

Awit, Salmo ng mga anak ni Core; sa Pangulong Manunugtog; itinugma sa Mahalath Leannoth. Masquil ni ^(A)Heman na ^(B)Ezrahita.

Ang katatagan ng nagtitiwala sa Panginoon.

Salmo, Awit sa araw ng sabbath.

¹⁷ Ang tagatanod nga ay tumayo sa moog sa Jezreel, at kaniyang tinanaw ang pulutong ni Jehu habang dumarating siya, at nagsabi, Ako'y nakakakita ng isang pulutong. At sinabi ni Joram, Kumuha ka ng isang mangangabayo, at iyong suguin na salubungin sila, at magsabi, Kapayapaan ba?

¹⁸ Sa gayo'y naparoon ang isa na nangangabayo na sinalubong siya, at nagsabi, Ganito ang sabi ng hari, Kapayapaan ba? At sinabi ni Jehu, Anong ipakikialam mo sa kapayapaan? bumalik kang kasunod ko. At isinaysay ng tagatanod, na sinasabi, Ang sugo ay dumating sa kanila, nguni't siya'y hindi bumabalik.

¹⁹ Nang magkagayo'y nagsugo ng ikalawa na nangangabayo na dumating sa kanila, at nagsabi, Ganito ang sabi ng hari, Kapayapaan ba? At sumagot si Jehu, Ano ang iyong ipakikialam sa kapayapaan? bumalik kang kasunod ko.

²⁰ At isinaysay ng tagatanod, na sinasabi, Siya'y dumating hanggang sa kanila, at hindi bumabalik: at ang pagpapatakbo ay ^(A)gaya ng pagpapatakbo ni Jehu, na anak ni Nimsi; sapagka't siya'y nagpapatakbo na magilas.

Si Joram ay pinatay.

²¹ At sinabi ni Joram, ^(B)Magsingkaw. At kanilang isiningkaw ang kaniyang karo. At si ^(C)Joram na hari sa Israel at si Ochozias na hari sa Juda ay nagsilabas, bawa't isa sa kaniyang karo, at sila'y nagsilabas upang salubungin si Jehu, at nasumpungan nila siya sa putol ng lupa ni Naboth na Jezreelita.

²² At nangyari, nang makita ni Joram si Jehu, na kaniyang sinabi, Kapayapaan ba Jehu? At siya'y sumagot. Anong kapayapaan, habang ang mga ^(D)pakikiapid ng iyong inang si Jezabel at ang kaniyang panggagaway ay totoong lumalala?

²³ At ipinihit ni Joram ang kaniyang mga kamay, at tumakas, at nagsabi kay Ochozias. May paglililo, Oh Ochozias.

²⁴ At binunot ni Jehu ang kaniyang busog ng kaniyang buong lakas, at sinaktan si Joram sa pagitan ng kaniyang mga balikat, at ang pana ay lumagpas sa kaniyang puso, at siya'y nabuwal sa kaniyang karo.

²⁵ Nang magkagayo'y sinabi ni Jehu kay Bidkar na kaniyang ^(E)punong kawal: Itaas mo, at ihagis mo sa bahagi ng bukid ni Naboth na Jezreelita: sapagka't alalahanin mo kung paanong ako't ikaw ay sumakay na magkasama na kasunod ni Achab na kaniyang ama, na ipinasan ng ^(F)Panginoon ang ^(G)pasang ito sa kaniya;

²⁶ Tunay na aking nakita kahapon ang dugo ni Naboth, at ang dugo ng kaniyang mga anak, sabi ng Panginoon; at aking sisiyasatin sa iyo sa panig na ito, sabi ng Panginoon. Ngayon nga'y kunin mo, at ihagis mo sa panig ng lupa, ayon sa salita ng Panginoon.

Si Ochozias ay pinatay.

²⁷ Nguni't nang makita ito ni Ochozias na hari sa Juda, siya'y tumakas sa daan ng bahay sa halamanan. At si Jehu ay sumunod sa kaniya, at nagsabi, Saktan mo rin siya sa karo: ^(H)at sinaktan nila siya sa ahunan sa Gur, na nasa siping ng Ibleam. At siya'y tumakas na napatungo sa Megiddo, at namatay roon.

²⁸ At ^(I)dinala siya ng kaniyang mga lingkod sa isang karo sa Jerusalem, at inilibing siya sa kaniyang libingan na kasama ng kaniyang mga magulang sa bayan ni David.

²⁹ At nang ikalabing isang taon ni Joram na anak ni Achab ay nagpasimulang maghari si Ochozias sa Juda.

Pinatay si Jezabel.

³⁰ At nang si Jehu ay dumating sa Jezreel nabalitaan ni Jezabel; at kaniyang ^(J)kinulayan ang kaniyang mga mata, at ginayakan ang kaniyang ulo, at dumungaw sa dungawan.

³¹ At samantalang si Jehu ay pumapasok sa pintuang-bayan, kaniyang sinabi, Kapayapaan ba ^(K)ikaw Zimri, ikaw na mamamatay sa iyong Panginoon?

³² At kaniyang itiningala ang kaniyang mukha sa dungawan, at nagsabi, Sino ang sa ganang akin? sino? At dinungaw siya ng dalawa o tatlong ^(L)bating.

³³ At kaniyang sinabi, Ibagsak ninyo siya. Sa gayo'y ibinagsak nila siya: at ang iba sa kaniyang dugo ay pumilansik sa pader, at sa mga kabayo: at siya'y kaniyang niyapakan ng paa.

³⁴ At pagkapasok niya, siya'y kumain at uminom; at kaniyang sinabi, Tingnan ninyo ngayon ang sinumpang babaing ito, ^(M)at ilibing ninyo siya: sapagka't anak ng hari.

³⁵ At sila'y nagsiyaon upang ilibing siya: nguni't wala na silang nasumpungan sa kaniya kundi ang bungo, at ang mga paa, at ang mga palad ng kaniyang mga kamay.

³⁶ Kaya't sila'y nagsibalik, at isinaysay sa kaniya. At kaniyang sinabi, Ito ang salita ng Panginoon, na kaniyang sinalita sa pamamagitan ng kaniyang lingkod na si Elias na Thisbita, na sinasabi, ^(N)Sa bahagi ng Jezreel kakanin ng mga aso ang laman ni Jezabel:

³⁷ At ang bangkay ni Jezabel ay magiging gaya ng ^(O)dumi na itinapon sa ibabaw ng bukid sa bahagi ng Jezreel; na anopa't hindi nila sasabihin, Ito'y si Jezabel.

7 At tungkol sa mga bagay na isinulat ninyo sa akin: ^(A)Mabuti sa lalake ay huwag humipo sa babae.

² Datapuwa't, dahil sa ^(B)mga pakikiapid, ang bawa't lalake ay magkaroon ng kaniyang sariling asawa, at bawa't babae ay magkaroon ng kaniyang sariling asawa.

^3 (C)Ibigay ng lalake sa asawa ang sa kaniya'y nararapat: at gayon din naman ang babae sa asawa.

⁴ Ang babae ay walang kapangyarihan sa kaniyang sariling katawan, kundi ang asawa: at gayon din naman ang lalake ay walang kapangyarihan sa kaniyang sariling katawan, kundi ang asawa.

⁵ Huwag magpigil ang isa't isa, maliban kung pagkasunduan sa ilang panahon, upang kayo'y mamalagi sa pananalangin, at muling kayo'y magsama, baka kayo'y tuksuhin ni Satanas dahil sa inyong kawalan ng pagpipigil.

⁶ Nguni't ito'y sinasabi ko na parang payo, ^(D)hindi sa utos.

⁷ Kaya't ibig ko sana, na ang lahat ng tao ay maging ^(E)gaya ko. Nguni't ang ^(F)bawa't tao'y mayroong kanikaniyang kaloob na mula sa Dios, ^(G)ang isa'y ayon sa paraang ito, at ang iba'y ayon sa paraan yaon.

⁸ Datapuwa't sinasabi ko sa mga walang asawa, at sa mga babaing bao, ^(H)Mabuti sa kanila kung sila'y magsipanatiling gayon sa makatuwid baga'y ^(I)gaya ko.

⁹ Nguni't kung sila'y hindi ^(J)makapagpigil, ay magsipagasawa: sapagka't magaling ang magasawa kay sa mangagningas ang pita.

⁷ At sa pananalangin ninyo ay huwag ninyong gamitin ang walang kabuluhang paulitulit, na gaya ng ginagawa ng mga Gentil: ^(A)sapagka't iniisip nilang dahil sa kanilang maraming kasasalita ay didinggin sila.

⁸ Huwag nga kayong magsigaya sa kanila: ^(B)sapagka't talastas ng inyong Ama ang mga bagay na inyong kinakailangan, bago ninyo hingin sa kaniya.

⁹ Magsidalangin nga kayo ng ganito: ^(C)Ama namin na nasa langit ka, Sambahin nawa ang pangalan mo.

^10 (D)Dumating nawa ang kaharian mo. ^(E)Gawin nawa ang iyong kalooban, ^(F)kung paano sa langit, gayon din naman sa lupa.

¹¹ Ibigay mo sa amin ngayon ang aming kakanin sa araw-araw.

¹² At ^(G)ipatawad mo sa amin ang aming mga utang, gaya naman namin na nagpatawad sa mga may utang sa amin.

^13 (H)At huwag mo kaming ihatid sa tukso, kundi iligtas mo kami ^(I)sa masama. Sapagka't^[a] iyo ang ^(J)kaharian, at ang kapangyarihan, at ang kaluwalhatian, magpakailan man. Siya nawa.

¹⁴ Sapagka't kung ipatawad ninyo ^(K)sa mga tao ang kanilang mga kasalanan, ay patatawarin naman kayo ng inyong Ama sa kalangitan.

¹⁵ Datapuwa't ^(L)kung hindi ninyo ipatawad sa mga tao ang kanilang mga kasalanan, ay hindi rin naman kayo patatawarin ng inyong Ama ng inyong mga kasalanan.