◀ All Reading Plans / Revised Common Lectionary (Semicontinuous) / Genesis 9:8-17 (The rainbow sign of God’s covenant); Psalm 25:1-10 (Your paths are love and faithfulness); 1 Peter 3:18-22 (Saved through water); Mark 1:9-15 (The temptation of Jesus) (Awadhi Bible: Easy-to-Read Version)

Prev Day

February 18, 2024

Next Day

Use the calendar to view readings from this devotional.

February 2024
Su	Mo	Tu	We	Th	Fr	Sa
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

उत्पत्ति 9:8-17

⁸तब परमेस्सर नूह अउ ओकरे पूतन स कहेस, ⁹“अब मइँ तोहका अउ तोहरे सन्ताने क बचन देत हउँ। ¹⁰मइँ इ बचन तोहरे संग जहाजे स बाहेर आवइवालन सबहि पंछिन, सब गोरुअन सब जनावरन क देत हउँ। मइँ धरती पइ रहइवालन सबहि वस्तुअन क बचन देत हउँ। ¹¹मइँ तोहका बचन देत हउँ, ‘पानी क बाढ़ स धरती क सब जिन्नगी बर्बाद होइ गइ मुला अब इ कबहु न होइ। अब बाढ़ फिन कबहुँ धरती क जिन्नगी क बर्बाद न करी।’”

¹²अउर परमेस्सर कहेस, “इ सिद्ध करइ बरे मइँ तोहका इ बचन दिहेउँ ह कि मइँ तोहका कछू देब। इ सबूत बताइ कि मइँ तोहसे अउ भुइँया क सबहि जिअत प्राणियन स एक ठु करार किहेउँ ह। इ करार भविस्स मँ सदा बनी रही जेकर सबूत इ अहइ। ¹³कि मइँ बदरन मँ इन्द्र धनुख बनाएउँ ह। इन्द्र धनुख मोरे अउ भुइँया क बीच करार क सबूत अहइ। ¹⁴जब मइँ भुइँया क ऊपर बदरे क लिआउब तउ तू बादरन मँ इन्द्र धनुख देखब्या। ¹⁵जब मइँ इ इन्द्र धनुख क निहारब तबहिं मइँ तोहरे, भुइँया क सबहि जिअत प्राणियन अउ आपन बीच भई करार क सुमिरब। इ करार इ बात क बाटइ कि बाढ़ फुन कबहु भुइँया क प्राणियन क नास न करी। ¹⁶जब मइँ धियान स बादरन मँ इन्द्र धनुख क निहारब तब मइँ सदा बनी रहइवाली करार क सुमिरब। मइँ आपन अउ भुइँया क सब जिअत प्राणियन क बीच भइ करार क सुमिरब।”

¹⁷इ तरह यहोवा नूह स कहेस, “उ इन्द्र धनुख मोरे अउ भुइँया क सब जिअत प्राणियन क बीच भइ करार क सबूत बाटइ।”

भजन संहिता 25:1-10

दाऊद क समर्पित।

¹हे यहोवा, मइँ खुद क तोहका समर्पित करत हउँ।
²    मोरे परमेस्सर, मोर सिरिफ तोह पइ बिस्सास बाटइ।
मोका अपमानित होइ क अनुमति जिन द्या;
    मोर दुस्मनन क मोह पइ हँसी उड़ावइ क अनुमति जिन द्या।
³अइसा मनई, जउन तोहमाँ बिस्सास धरत ह, उ निरास नाहीं होइ।
    मुला बिस्सासघाती निरास होइहीं अउर,
    उ पचे कबहुँ भी कछू नाहीं प्राप्त करिहीं।

⁴हे यहोवा, मोर मदद करा कि मइँ तोहरी राहन क सीखउँ!
    तू आपन मार्गन क मोका सिच्छा द्या।
⁵आपन सच्ची राह तू मोका देखाँवा अउर ओकर उपदेस मोका द्या।
    तू मोर परमेस्सर तू मोर उद्धारकर्त्ता अहा।
    मोका हर दिन तोहार भरोसा अहइ।
⁶हे यहोवा, मोह पइ आपन दाया राखा
    अउर उ ममता क मोह पइ परगट करा, जेका तू हरदम राखत ह।
⁷आपन जवानी मँ जउन पाप अउर कुकर्म मइँ किहेउँ, ओनका जिन याद राखा।
    हे यहोवा आपन निज नाउँ निमित्त, मोका आपन करुणा स सुमिर ल्या।

⁸हे यहोवा, सचमुच उत्तिम अहइ,
    उ पापियन क जिन्नगी क नेक राह देखाँवत ह।
⁹उ दीन लोगन क आपन राहन क सीख देत ह।
    बिना पच्छपात क उ ओनका मारग देखाँवत ह।
¹⁰यहोवा क राहन ओन लोगन बरे छिमा स भरी अउ सच अहइँ,
    जउन ओकर करार अउर कानून क अनुसरण करत हीं।

1 पतरस 3:18-22

¹⁸काहेकि ईसू मसीह भी हमरे पाप
    खातिर दुःख उठाइस।
मतलब उ निर्दोस रहइ
    हम सबइ पापियन खातिर एक बार मरि गवा
    ताकि हमका परमेस्सर क नगीचे लइ जाइ।
सरीर क भाव स तउ उ मारा गवा
    मुला आतिमा मँ जियावा गवा।

¹⁹आतिमा क स्थिति मँ उ जाइके जउन जेल मँ बंदी आतिमन रहेन ओन बंदी भइयन आतिमन क उपदेस दिहेस। ²⁰जउन उ समइ परमेस्सर क आग्या न मानइवाली सबइ आतिमा रहिन जब नूह क नाव बनाई जात रही अउर परमेस्सर बड़े धीरज क साथ प्रतीच्छा करत रहा। उ नाव मँ थोड़ेन-मतलब आठइ मनई पानी स बचावा जाय सेकन। ²¹इ पानी उ बपतिस्मा क तरह अहइ जेहसे अब तोहार उद्धारण होत अहइ। बपतिस्मा सरीर क मैल क छोड़ावइ बरे नाही अहइ, बल्कि सुद्ध अन्तकरण खातिर परमेस्सर स बिनती अहइ। अब तउ बपतिस्मा तोहका ईसू मसीह क पुनरुत्थान क दुआरा बचावत अहइ। ²²उ ईसू सरग मँ गवा अउर अब परमेस्सर क दाहिने हाथ बिराजमान अहइ अउर अब सरगदूत, अधिकारियन अउर सबइ सक्तियन ओकरे अधीन कइ दीन्ह गइ अहइँ।

मरकुस 1:9-15

ईसू बपतिस्मा लिहेस

(मत्ती 3:13-17; लूका 3:21-22)

⁹उ समइ ईसू नासरत स गलील आवा। हुवाँ यूहन्ना रहा। ईसू ओसे यरदन नदिया मँ बपतिस्मा लिहस। ¹⁰जइसे ही पानी स बाहेर आवत रह, उ खुला भवा अकास देखेस। अउर पवित्तर आतिमा कबूतरे क नाईं ओह प उतरी। ¹¹फिन अकासबानी भइ: “तू मोर पूत, जेहका मइँ पियार करत हउँ। मइँ तोहसे बहोत खुस हउँ।”

ईसू क परीच्छा लीन्ह गइ

(मत्ती 4:1-11; लूका 4:1-13)

¹²तब तुरंतहि आतिमा ईसू क उसरे मँ पठएस। ¹³अउ उ उसरे मँ चालीस दिन तइँ रहा। उहइ समइया मँ सइतान ओका भरमावत भवा रहा। हुवाँ ईसू जंगली जनावर क संग रहा। जहाँ सरगदूतन आइ क ओकर सेवा किहेन।

ईसू कछू चेलन क चुनेस

(मत्ती 4:12-17; लूका 4:14-15)

¹⁴ओकरे बाद यूहन्ना जेली मँ धाँध दीन्ह गवा। फिन ईसू गालील मँ गवा अउर परमेस्सर क सुसमाचार क प्रचार करत रहा। ¹⁵उ कहेस, “समइ पूरा होइ गवा परमेस्सर क राज्य नगिचे अहइ। सब जने मनफिरावा अउर सुसमाचार मँ बिसवास करा।”

Awadhi Bible: Easy-to-Read Version (ERV-AWA)