Revised Common Lectionary (Semicontinuous)

^3 (C)Eddoboozi lya Mukama liwulirwa ku mazzi;
    Katonda ow’ekitiibwa abwatuka,
    n’eddoboozi lye ne liwulirwa ku mazzi amangi.
^4 (D)Eddoboozi lya Mukama ly’amaanyi;
    eddoboozi lya Mukama lijjudde ekitiibwa.
^5 (E)Eddoboozi lya Mukama limenya emivule;
    Mukama amenyaamenya emivule gya Lebanooni.
^6 (F)Aleetera Lebanooni okubuukabuuka ng’akayana,
    ne Siriyooni^[a] ng’ennyana y’embogo.
⁷ Eddoboozi lya Mukama
    libwatukira mu kumyansa.
^8 (G)Eddoboozi lya Mukama likankanya eddungu;
    Mukama akankanya eddungu lya Kadesi.
^9 (H)Eddoboozi lya Mukama linyoolanyoola emivule,
    n’emiti mu bibira ne gitasigalako makoola.
Mu Yeekaalu ye, abantu bonna boogerera waggulu nti, “Ekitiibwa kibe eri Mukama!”

^10 (I)Mukama atuula waggulu w’amataba ku ntebe ye ey’obwakabaka.
    Mukama ye Kabaka afuga emirembe gyonna.
^11 (J)Mukama awa abantu be amaanyi;
    Mukama awa abantu be emirembe.

²⁶ “Amagezi go ge gabuusa kamunye,
    n’ayanjuluza ebiwaawaatiro bye e bukiikaddyo?
^27 (A)Ggwe olagira empungu okubuukira ewala mu bbanga,
    era n’ezimba n’ekisu kyayo waggulu ennyo?
²⁸ Ku lwazi kw’ezimba amaka gaayo ekiro n’esula okwo,
    ku lwazi olunywevu olutabetentebwa.
^29 (B)Eyo gy’ekettera omuyiggo gw’eneerya,
    eriiso lyayo ligulengerera wala.
^30 (C)Obwana bwayo bunywa omusaayi,
    era awali emirambo w’ebeera.”