Revised Common Lectionary (Semicontinuous)

Mga Tagubilin sa mga Pamilyang Cristiano

¹⁸ Mga ^(A) babae, magpasakop kayo sa inyu-inyong asawa, na siya namang nararapat sa Panginoon. ¹⁹ Mga ^(B) lalaki, ibigin ninyo ang inyu-inyong asawa at huwag kayong maging malupit sa kanila. ²⁰ Mga ^(C) anak, sumunod kayo sa inyong mga magulang sa lahat ng mga bagay, sapagkat ito'y kasiya-siya sa Panginoon. ²¹ Mga ama, ^(D) huwag ninyong itulak sa galit ang inyong mga anak upang hindi sila panghinaan ng loob. ²² Mga ^(E) alipin, sa lahat ng bagay ay sumunod kayo sa inyong mga panginoon dito sa lupa. Buong puso kayong maglingkod; hindi lamang kapag sila'y nakatingin. Gawin ninyo ito nang may takot sa Panginoon upang magbigay-kasiyahan sa tao. ²³ Anuman ang inyong gagawin ay buong puso ninyong gawin, na parang sa Panginoon kayo naglilingkod at hindi sa mga tao; ²⁴ yamang alam ninyo na tatanggap kayo mula sa Panginoon ng pamana bilang gantimpala. Sa Panginoong Jesu-Cristo kayo naglilingkod. ²⁵ Sapagkat ^(F) ang gumagawa ng masama ay tatanggap ng kaukulang ganti sa kasamaang ginawa niya; pantay-pantay ang lahat sa bagay na ito.

4 Kayong mga ^(G) panginoon, ipagkaloob ninyo sa inyong mga alipin kung ano ang makatarungan at nararapat, sapagkat alam ninyo na kayo ay mayroon ding Panginoon sa langit.