◀ All Reading Plans / Revised Common Lectionary (Complementary) / Psalm 16 (Protect me O God); Deuteronomy 32:15-27 39-43 (God’s anger like a fire); Luke 9:21-27 (Following Jesus) (Nepali Bible: Easy-to-Read Version)

Prev Day

June 28, 2025

Next Day

Use the calendar to view readings from this devotional.

June 2025
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

भजनसंग्रह 16

दाऊदको मिक्ताम भन्ने भजन।

16 हे परमेश्वर, मेरो रक्षा गर्नुहोस्, किनभने म तपाईं माथि नै आश्रित छु।
²मैले परमप्रभुलाई भने,
    “हे परमप्रभु, तपाईं मेरो स्वामी हुनुहुन्छ,
    प्रत्येक असल कुराहरू मैले तपाईंबाट पाएँ।”
³परमप्रभुले आफ्ना भक्तजनहरूका लागि पृथ्वीमा
    अनेक आश्यर्यपूर्ण कामहरू गर्नुभयो।
    परमप्रभुले आफ्नो स्नेहपूर्ण करूणा तिनीहरूलाई देखाउनु भयो।

⁴तर जसले परमेश्वरलाई त्यागे र अन्य देवताहरू पुज्न थाले तिनीहरूले कष्ट पाउने छन्।
    तिनीहरूले मूर्तिहरूमा चढाएको रक्तबलिमा म सहभागी हुने छैन।
    म ती मूर्तिहरूको नाउँ समेत लिने छुइनँ।
⁵मेरो हिस्सा र मेरो कचौरा परमप्रभुबाट नै कपादान हुन्छ।
    हे परमप्रभु, तपाईं मेरो सहारा हुनुहुन्छ,
    तपाईंले मेरो भाग प्रदान गर्नुहुन्छ।
⁶मेरो भाग आश्चर्यपूर्ण छ,
    मेरो उत्तराधिकार अति सुन्दर छ।
⁷म परमप्रभुको प्रशंसा गर्छु, किनभने उहाँले मलाई असल कुरा सिकाउनु भएको छ।
    राती पनि, मलाई आन्तरिक अर्ती दिनुहुन्छ।

⁸परमप्रभुलाई मैले सधैँ
    आफू समक्ष राखेको छु
    र म उहाँको दाहिने तिरबाट कहिल्यै सर्ने छुइनँ।
⁹मेरो हृदय र आत्मा यसैले आनन्दित हुनेछ।
    अनि मेरो शरीर पनि सुरक्षित रहनेछ।
¹⁰किनभने परमप्रभु, तपाईंले मलाई चिहानमा^[a] छोड्नु हुनेछैन।
    तपाईंले आफ्नो आज्ञाकारी भक्तजनलाई चिहानमा त्यसै कुहुन दिनुहुने छैन।
¹¹तपाईं मलाई बाँच्ने सही बाटो सिकाउनु हुनेछ।
    तपाईंसँग हुँदा सम्पूर्ण खुशी प्राप्त हुनेछ।
    तपाईको दाहिनेपट्टि हुँदा सघैं खुशी प्राप्त हुनेछ।

व्यवस्था 32:15-27

¹⁵“तर यशूरून मोटाए अनि गोरूले झैं लात हाने।
    (हो, तिमीहरूलाई प्रशस्त खुवाइयो र मोटा र पुष्ट भयौ।)
तब उसले आफ्नै सृष्टि कर्तालाई त्यागे,
    अनि ऊ त्यस चट्टानबाट भागे जसले उसलाई बचाएको थियो।
¹⁶परमप्रभुको मानिसहरूले उहाँलाई ईर्ष्यालु बनाए तिनीहरूले अरू देवताहरूको पूजा गरे।
    तिनीहरूले ती भयानक मूर्तिहरू पूजेर परमेश्वरलाई रीस उठाए।
¹⁷तिनीहरूले भूतहरूलाई बलिदानहरू चढाए जो सत्य देवताहरू थिएनन् तिनीहरू नयाँ देवताहरू थिए।
    त्यो तिनीहरूले जान्दैन थिए,
    ती नयाँ देवताहरू तिमीहरूको पिता-पुर्खाहरूले जान्दैन थिए।
¹⁸जसले तिमीलाई बनायो, त्यस चट्टानलाई तिमीले छोड्यौ
    तिमीले ती परमेश्वरलाई बिर्सियौ जसले तिमीलाई जन्म दिनु भयो।

¹⁹“परमप्रभुले यो देखेर तिनीहरूसित निराश हुनु भयो।
    उहाँका आफ्नै छोरा-छोरीहरूले उहाँलाई रीस उठाए।
²⁰यसकारण परमप्रभुले भन्नुभयो,
‘म तिनीहरूलाई त्याग गर्नेछु
    तब हेरौं के हुन्छ!
तिनीहरू विद्रोही मानिसहरू हुन्।
    तिनीहरू नानीहरू जस्तै छन् जसले आफ्नो पाठ सिक्दैन।
²¹तिनीहरूले मलाई मूर्तिहरूद्वारा ईर्ष्यालु बनाए जो ईश्वरहरू होइनन्
    तिनीहरूले मलाई मूल्यहीन मूर्तिहरूसित रिसाउने बनाए।
म तिनीहरूलाई मानिसहरूसित रिसाउने बनाउनेछु जो साँचो राष्ट्र होइनन्।
    म तिनीहरूलाई मूर्ख जातिका मानिससित रिसाउने बनाउनेछु।
²²मेरो रीस आगो जस्तै बल्नेछ।
    चिहानको तल्लो सतहसम्म बलेर।
पृथ्वी अनि यसका अरू चिज नष्ट गर्दै
    बलेर पहाडको तलसम्म जलाई दिन्छु।

²³“‘म इस्राएलीहरूमाथि विपत्ति ल्याउनेछु,
    म तिनीहरू माथि आफ्ना सबै वाण चलाउनेछु।
²⁴तिनीहरू भोकले, दुर्बल हुनेछन्
    अनि भयङ्कर रोगहरूले तिनीहरूलाई नष्ट पार्नेछन्।
तिनीहरूको विरोधमा म जङ्गली जनावर पठाउनेछु।
    विषालु सर्पहरू र छेपाराहरूले तिनीहरूलाई टोक्ने छन्।
²⁵बाटा-घाटामा सैनिकहरूले तिनीहरूलाई मार्नेछन्।
    तिनीहरूका घरहरूमा भयंकर घटनाहरू हुनेछन्।
सैनिकहरूले युवा-युवतीहरूलाई मार्नेछन्।
    तिनीहरूले नानीहरू अनि बूढा-बूढीहरूलाई मार्नेछन्।

²⁶“‘मैले इस्राएलीहरूलाई नाश गर्ने विषयमा सोचें।
    यस कारण म मानिसहरूको बीचबाट तिनीहरूको सम्झना मेटिदिनेछु।
²⁷तर म जान्दछु, तिनीहरूका शत्रुहरूले के भन्नेछन्।
    शत्रुहरूले बुझ्ने छैनन्।
तिनीहरू सेखी गर्नेछन् अनि भन्नेछन्,
    “परमप्रभुले इस्राएललाई नष्ट गर्नुभएन
    हामीले हाम्रै शाक्तिले जित्यौं।”’

व्यवस्था 32:39-43

³⁹“‘अब हेर, एक मात्र म नै परमेश्वर हुँ!
    अरू कुनै ईश्वर छैन।
म नै मानिसलाई मार्दछु,
    अनि मानिसहरूलाई जीवित पार्दछु,
म मानिसहरूलाई चोट पुर्याउन सक्छु,
    अनि तिनीहरूलाई निको पार्न सक्छु।
कसैले मानिसलाई मेरा शक्तिबाट बचाउँन सक्दैन।
⁴⁰म स्वर्गतिर हात उठाउँछु अनि यो कसम खान्छु।
म सधैँ निश्चित हुन्छु
    यी कुराहरू हुनेछन्।
⁴¹म प्रतिज्ञा गर्छु,
    म मेरो चम्किने तरवार उधाउँनेछु,
    मेरा शत्रुहरूलाई दण्ड दिन यसको प्रयोग गर्नेछु।
    म तिनीहरूलाई तिनीहरूको कर्म अनुसार दण्ड दिनेछु।
⁴²मेरा शत्रुहरू मारिनेछन् अनि बन्दी हुन्छन्।
    मेरो काँडहरू तिनीहरूको रगतले रंगीने छन्।
    मेरो तरवारले तिनीहरूका सैनिकहरूका शिर काटूनेछ।’

⁴³“सारा संसार मानिसहरूका परमेश्वरको निम्ति खुशी हुनुपर्छ।
    किनभने उहाँले तिनीहरूलाई सहायता गर्नुहुन्छ,
    उहाँले मानिसहरूलाई दण्ड दिनु हुनेछ जसले आफ्ना सेवकहरूलाई मार्छन्।
उहाँले शत्रुहरूको अपराध अनुसार दण्ड दिनुहुन्छ।
    अनि उहाँले आफ्नो भूमि र मानिसहरूलाई शुद्ध बनाउनु हुनेछ।”

लूका 9:21-27

²¹येशूले यो कूरा कसैलाई नभन्नु भनेर तिनीहरूलाई चेताउनी दिनुभयो।

येशू भन्नुहुनछ उहाँ मर्नु पर्छ

(मत्ती 16:20-28; मर्कूस 8:31–9:1)

²²त्यसपछि येशूले भन्नुभयो, “मानिसका पुत्रले धेरै कष्ट सहनु पर्छ। यहूदी प्रधानहरू, मुख्य पूजाहारीहरू र शास्त्रीहरूले तिनलाई अस्वीकार गर्छन्। मानिसको पुत्रलाई मारिनेछ। तर मरेको तेस्रो दिन उहाँलाई फेरि बौरी उठाइनेछ।”

²³येशूले तिनीहरूलाई भन्नुभयो, “यदि कसैले मलाई पछ्याउन चाहन्छ भने उसले आफ्नो सबै इच्छाहरू अस्वीकार गर्नु पर्छ। उसले प्रत्येक दिन क्रूसको कष्ट भोग्नु पर्छ अनि मलाई पछ्‌याउनु पर्छ। ²⁴जसले आफ्नो प्राण बचाउँन चाहन्छ भने त्यसले त्यो हराउनु पर्छ तर जसले मेरो निम्ति प्राण दिन्छ भने त्यसले त्यो चाँहि बाँच्न पाउँछ। ²⁵किनभने के लाभ हुन्छ यदि कसैले सारा संसार जितेर पनि आफैंलाई नोकसानमा पार्छ अथवा हराउँछ? ²⁶यदि कुनै मानिस म र मेरो वचनसँग लजाउँछ भने जति बेला मेरा पिताको र मेरो महिमा लिएर पवित्र स्वर्गदूतहरूसँग आँउछु त्यति बेला त्योसित म पनि लजाँउछु। ²⁷म तिमीहरूलाई साँच्चो भन्दछु तिमीहरूको मृत्यु अघि तिमीहरू मध्ये केही मानिसहरूले यहीं उभिएर परमेश्वरको राज्य देख्नपाउने छन्।”

Nepali Bible: Easy-to-Read Version (ERV-NE)