◀ All Reading Plans / Revised Common Lectionary (Complementary) / Psalm 112 (Happy are those who fear God); Jeremiah 3:6-14 (God will forgive the unfaithful); Matthew 5:27-36 (Teachings about marriage and vow-making) (Reimer 2001)
Print Page Options Listen to Psalm 112 (Happy are those who fear God); Jeremiah 3:6-14 (God will forgive the unfaithful); Matthew 5:27-36 (Teachings about marriage and vow-making)
Previous Prev Day
October 9, 2024 Use the calendar to view readings from this plan.
Next DayNext

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.
Duration: 1245 days
Reimer 2001 (REIMER)
Version
Psalme 112

Dee 112 Psalm

1 Preis däm Herr Gott! Jesäajent es dee Maun dee däm Herr Gott ferjchte deit, dee sikj enn siene Jeboote fejneaje deit.

2 Sien Some saul majchtijch senne oppe Ead; dee opprajchte äare Jennerazion saul jesäajent senne;

3 Hab un Goot woat enn sien Hus senne; un siene Jerajchtijchkjeit blift fa emma.

4 Doa kjemt Lijcht enn dee Diestanis to dee Opprajchte; Hee es jnädijch un foll Metleet un Jerajchtichkjeit.

5 Dee Maun dee Gonnst wiese deit un utliehe deit es Goot; hee woat dee Sache Noarunk jäwe met Äwareenet.

6 Dan hee woat niemols jescheddat woare; dee Jerajchte sele fa emma enn Aunjedenkj senne.

7 Hee woat sikj nijch engste fa beese Norejcht; sien Hoat es bestädijcht, hee fetruet sikj enn däm Herr Gott.

8 Sien Hoat es nehejcht jehoole, hee woat sikj nijch engste, bott hee siene Fiend sit.

9 Hee haft festreit; hee haft to dee Bederftje jejäft, siene Jerajchtijchkjeit blift fa emma; sien Huarn saul met Ea oppjehäft woare.

10 Dee Beese sele daut seene un festimmelt senne; hee woat met dee Täne gnorsche un feschmelte; dee Beese äa Janka saul feschwinje.

Error: Book name not found: Jer for the version: Reimer 2001
Mataeus 5:27-36

27 Jie ha jeheat dautet jesajcht es: 'Du saust nich de Eehe braeakje'.

28 Ekj saj oba daut waeaemma ne Fru aunkjikjt met en Janka em Hoat aea to ha, haft enn sien Hoat aul dee Eehe met aea jebroake.

29 Aulsoo wan dien rajchtet Uag die stolpre moakt, dan riet daut ut en schmiet daut fonn die; dan daut es baeta eent fonn diene Jlieda to feleare, dan daut dien gaunse Lief sull enne Hal jeschmaete woare.

30 En wan diene rajchte Haunt die stolpre moakt, schnied daut auf en schmiet daut fonn die; dan daut es baeta eent fonn diene Jlieda to feleare dan daut dee gaunse Lief sull enne Hal jeschmaete woare.

31 Daut es jesajcht worde: 'Waeaemma siene Fru wel gone lote, saul aea en Scheidebreef jaewe'.

32 Oba ekj saj junt daut waeaemma siene Fru gone lat fa irjent sest waut aus Eehebruch, drift aea to Eehebruch; en waeaemma ne Fru friet dee wajch jeschekjt es, brakjt de Eeehe.

33 Wada, jie ha jeheat dautet to dee fonn oole Tiet es jesajcht worde: 'Du saust nich faulsch schweare, oba saust daem Herr dien Fespraeakje betole'.

34 Oba ekj saj junt: doot aewahaupt nich schweare, nich biem Himel, dan daut es Gott sien Troon;

35 uk nich bie de Ead, dan daut es ne Footbenkj fa siene Feet; uk nich bie Jerusalem, dan daut es daem groote Kjeenich siene Staut.

36 Schwea uk nich bit dien Kopp, dan du kaunst nich een Hoa Wit oda Schwoat moake.

Reimer 2001 (REIMER)

Copyright © 2001 by Elmer Reimer

Prev Day Prev Day
Top
Next Day Next Day