Revised Common Lectionary (Complementary)

“Moyo wangu unamwadhimisha Bwana,
⁴⁷     kwa maana, Yeye, Mungu na Mwokozi
    wangu amenipa furaha kuu!
⁴⁸ Kwa maana ameonesha kunijali,
    mimi mtumishi wake, nisiye kitu.
Na kuanzia sasa watu wote
    wataniita mbarikiwa.
⁴⁹ Kwa kuwa Mwenye Nguvu amenitendea mambo makuu.
    Jina lake ni takatifu.
⁵⁰ Na huwapa rehema zake wale wamchao,
    kutoka kizazi hadi kizazi.
⁵¹ Ameonesha nguvu ya mkono wake;
    Amewatawanya wanaojikweza.
⁵² Amewaangusha watawala kutoka katika viti vyao vya enzi,
    na kuwakweza wanyenyekevu.
⁵³ Amewashibisha wenye njaa kwa mambo mema,
    na amewatawanya matajiri bila ya kuwapa kitu.
⁵⁴ Amemsaidia Israeli, watu aliowachagua ili wamtumikie.
    Amekumbuka kuonesha rehema;
⁵⁵ Maana ndivyo alivyowaahidi baba zetu,
    Ibrahimu na wazaliwa wake.”