Readings for Lent and Easter

¹³ Deit irjent waea mank junt liede? Lot am baede. Es irjent waea fro? Lot am Dankleeda sinje.

¹⁴ Es irjend waea krank? Lot am dee Elteste fonne Jemeent kome lote, en aewa am baede, en am met Eelj ennsaulwe enn daem Herr sien Nome.

¹⁵ Enn daut Jebaed em Gloowe woat daem Kranka heele, en dee Herr woat am opprechte, en wan hee jesindijcht haft, woat am daut fejaeft woare.

¹⁶ Bekjant june Sind eena tom aundra, en baet eena fa daem aundra daut jie jeheelt woare. Daem Jerachta sien Jebaed, wan daut feschlachsom es jeworde, es seeha kjraftich.

¹⁷ Elia wea en Maun met jefiele jrod soo aus wie, en hee baed earenstlich dautet nich raeajne sull, en daut raeajend nich fa dree Yoa en sas Moonat.

¹⁸ En hee baed wada, en de Himel jeef raeajen, en dee Ead brocht wada aeare Frucht.