Readings for Lent and Easter

⁴ “माझ्या लोकांनो, माझे ऐका.
    नियम माझ्यापासूनच पुढे सुरू होतील.
    मी लोकांना प्रकाश ठरेल असा न्याय ठरवीन.
⁵ मी न्यायी आहे हे मी लवकरच दाखवीन.
    मी लवकरच तुम्हाला वाचवीन.
मी माझ्या सामर्थ्याच्या बळावर सर्व राष्ट्रांचा न्यायनिवाडा करीन.
    दूरदूरची ठिकाणे माझी वाट पाहत आहेत.
    ते त्यांच्या मदतीसाठी माझ्या सामर्थ्याची वाट पाहत आहेत.
⁶ वर स्वर्गाकडे पाहा,
    खाली पृथ्वीवर तुमच्या सभोवती पाहा.
धुक्याच्या ढगाप्रमाणे आकाश नाहीसे होईल.
    पृथ्वी वृध्द् होईल.
पृथ्वीवरची माणसे मरतील,
    पण माझे तारण अनंत कालापर्यंत चालू राहील.
    माझ्या चांगुलपणाला अंत नाही.
⁷ ज्यांना चांगुलपणा म्हणजे काय ते कळते त्यांनी माझे ऐकावे.
    माझ्या शिकवणुकीप्रमाणे वागणाऱ्यांनी मी काय सांगतो ते ऐकावे.
दुष्टांना घाबरू नका.
    त्यांनी तुमची निंदा केली तरी भिऊ नका.
⁸ का? त्यांची अवस्था जुन्या वस्त्राप्रमाणे होईल.
    कसर त्याना खाईल.
ते लाकडाप्रमाणे होतील.
    वाळवी त्यांना खाईल.
पण माझा चांगुलपणा चिरंतन राहील.
    माझे तारण अखंड चालू राहील.”

¹² परमेश्वर म्हणतो, “मीच तो एकमेव ज्याने तुमचे दु:ख हलके केले.
    मग तुम्ही लोकांना का भ्यावे?
    ती जन्म मृत्यु पावणारी माणसेच आहेत.
ते फक्त मनुष्यप्राणी आहेत.
    ते गवताप्रमाणे मरतात.”

¹³ परमेश्वराने तुम्हाला निर्माण केले.
    त्याच्या सामर्थ्याने त्याने पृथ्वी निर्माण केली.
    आपल्या सामर्थ्याच्या जोरावरच त्याने पृथ्वीवर आकाश पसरविले.
पण तुम्ही तुमचा निर्माता,
    देव आणि त्याच्या सामर्थ्याला विसरता म्हणूनच
    तुम्हाला दुखविणाऱ्या आणि रागावलेल्या माणसाला तुम्ही नेहमी घाबरता.
त्या लोकांनी तुमच्या नाशाचा कट केला,
    पण आता ते कोठे आहेत? ते सर्व गेले.

¹⁴ तुरूंगातील कैद्यांना लवकरच सोडून देण्यात येईल.
    ते तुरूंगात कुजून मरणार नाहीत.
    त्यांना पोटभर अन्न मिळेल.

¹⁵ “मी, परमेश्वर, तुमचा देव आहे,
    मी समुद्र घुसळतो आणि लाटा निर्माण करतो.”
    (सर्वशक्तिमान परमेश्वर हेच त्याचे नाव आहे.)