Read the New Testament in 24 Weeks

6 Kaya't tayo'y tumigil na ng pagsasalita ng mga unang simulain ng aral ni Cristo, at tayo'y mangagpatuloy sa kasakdalan; na huwag nating ilagay na muli ang kinasasaligan ng pagsisisi ^(A)sa mga patay na gawa, at ng pananampalataya sa Dios,

² Ng aral ^(B)na tungkol sa mga paglilinis, ^(C)at ng pagpapatong ng mga kamay, ^(D)at ng pagkabuhay na maguli ng mga patay, ^(E)at ng paghuhukom na walang hanggan.

³ At ating gagawin ito, kung ipahihintulot ng Dios.

⁴ Sapagka't tungkol sa mga minsang ^(F)naliwanagan at nakalasap ^(G)ng kaloob ng kalangitan, at mga ^(H)nakabahagi ng Espiritu Santo,

⁵ At nakalasap ng mabuting salita ng Dios, at ng mga kapangyarihan ^(I)ng panahong darating,

⁶ At saka nahiwalay sa Dios ay ^(J)di maaaring baguhin silang muli ^(K)sa pagsisisi; ^(L)yamang kanilang ipinapapakong muli sa ganang kanilang sarili ang Anak ng Dios, at inilalagay na muli siya sa hayag na kahihiyan.

⁷ Sapagka't ang lupang ^(M)humitit ng ulang madalas na lumalagpak sa kaniya, at tinutubuan ng mga damong pakikinabangan ng mga yaon na dahil sa kanila'y binukid, ay tumanggap ng pagpapalang mula sa Dios:

⁸ Datapuwa't ^(N)kung namumunga ng mga tinik at dawag, ay itinatakuwil at malapit sa sumpa; at ang kaniyang kahihinatnan ay ang sunugin.

⁹ Nguni't, mga minamahal, naniniwala kaming lubos sa magagaling na bagay tungkol sa inyo, at sa mga bagay na kalakip ng pagkaligtas, bagama't kami ay nagsasalita ng ganito:

¹⁰ Sapagka't ang ^(O)Dios ay hindi liko upang limutin ang inyong gawa at ang pagibig na inyong ipinakita sa kaniyang pangalan, sa inyong ^(P)paglilingkod sa mga banal, at hanggang ngayo'y nagsisipaglingkod kayo.

¹¹ At ninanasa namin na ang ^(Q)bawa't isa sa inyo ay magpakita ng gayon ding sikap sa ikalulubos ng pagasa hanggang sa katapusan:

¹² Na huwag kayong ^(R)mga tamad, kundi mga taga tulad kayo sa mga na sa pamamagitan ng pananampalataya at ng pagtitiis ay nagsisipagmana ^(S)ng mga pangako.

¹³ Sapagka't nang mangako ang Dios kay Abraham, palibhasa'y hindi niya maipanumpa ang anomang lalong mataas, ay ^(T)ipinanumpa ang kaniyang sarili,

¹⁴ Na sinasabi, ^(U)Tunay sa pagpapala ay pagpapalain kita, at sa pagpaparami ay pararamihin kita.

¹⁵ At sa ganito, nang makapaghintay na may pagtitiis, ay nagtamo siya ng pangako.

¹⁶ Sapagka't ipinanunumpa ng mga tao ang lalong mataas: at sa bawa't pagtatalo nila'y ^(V)ang sumpa sa pagpapatotoo ang siyang katapusan.

¹⁷ Sa ganito, sa pagkaibig ng Dios na maipakitang lalong sagana sa mga ^(W)tagapagmana ng pangako ^(X)ang kawalan ng pagbabago ng kaniyang pasiya, ay ipinamagitan ang sumpa;

¹⁸ Upang sa dalawang bagay na di mababago, na diya'y ^(Y)di maaaring ang Dios ay magbulaan, ay mangagkaroon tayo ng isang matibay na kasiglahan, tayong nangagsitakas na sumakanlong upang mangapit sa pagasang nalalagay sa ating unahan:

¹⁹ Na ating inaring tulad sa sinepete ng kaluluwa, isang pagasa na matibay at matatag ^(Z)at pumapasok sa nasa loob ng ^(AA)tabing;

²⁰ Na doo'y ^(AB)pumasok dahil sa atin si Jesus, na gaya ng pangunahin, ^(AC)na naging dakilang saserdote magpakailan man ayon sa pagkasaserdote ni Melquisedec.

7 Sapagka't itong si ^(AD)Melquisedec, hari sa Salem, saserdote ng Kataastaasang Dios, na siyang sumalubong kay Abraham sa pagbabalik na galing sa paglipol sa mga hari at siya'y pinagpala niya,

² Na siya namang binahagihan ni Abraham ng ikasangpung bahagi ng lahat (na kung sasaysayin, una-una, siya'y Hari ng katuwiran, at saka Hari naman sa Salem, na sa makatuwid, ay Hari ng kapayapaan;

³ Na walang ama, walang ina, walang tandaan ng lahi, at walang pasimula ng mga araw ni katapusan ng buhay man, datapuwa't naging katulad ng ^(AE)Anak ng Dios), ay nanatiling saserdote ^(AF)magpakailan man.

⁴ Nilaynilayin nga ninyo kung gaano ang kadakilaan ng taong ito, na binigyan ni Abraham, na patriarka, ng ikasangpung bahagi ng mga pinakamagagaling na samsam.

⁵ At katotohanan ^(AG)ang mga sa anak ni Levi na nagsisitanggap ng katungkulang saserdote, ay mayroong utos na kumuha ng ikasangpung bahagi sa bayan ayon sa kautusan, sa makatuwid ay sa kanilang mga kapatid, bagama't ang mga ito ay nagsilabas sa mga balakang ni Abraham:

⁶ Nguni't yaong ang talaan ng lahi ay hindi ibinibilang sa kanila ay kumuha ng ikasangpung bahagi kay Abraham, at pinagpala ^(AH)yaong may mga pangako.

⁷ Datapuwa't walang anomang pagtatalo ang mababa ay pinagpapala ng mataas.

⁸ At dito'y ang mga taong may kamatayan ay tumatanggap ng ikasangpung bahagi; datapuwa't doon ay ang isa, na ^(AI)pinatutunayang nabubuhay.

⁹ At sa makatuwid baga'y sa pamamagitan ni Abraham pati si Levi, na tumatanggap ng ikasangpung bahagi, ay nagbayad ng ikasangpung bahagi;

¹⁰ Sapagka't siya'y nasa mga balakang pa ng kaniyang ama, nang ito'y salubungin ni Melquisedec.

¹¹ Ngayon kung may kasakdalan ^(AJ)nga sa pamamagitan ng pagkasaserdote ng mga Levita (sapagka't sa ilalim nito ay tinanggap ng bayan ang kautusan), anong kailangan pa na magbangon ang ibang saserdote, ^(AK)ayon sa pagkasaserdote ni Melquisedec at hindi ibilang ayon sa pagkasaserdote ni Aaron?

¹² Sapagka't nang palitan ang pagkasaserdote ay kinailangang palitan naman ang kautusan.

¹³ Sapagka't yaong tungkol sa kaniya ay sinasabi ang mga bagay na ito ay naukol sa ibang angkan, na doon ang sinoma'y hindi naglilingkod sa dambana.

¹⁴ Sapagka't maliwanag na ^(AL)ang ating Panginoon ay lumitaw mula kay Juda; na tungkol sa angkang yao'y walang sinalitang anoman si Moises hinggil sa mga saserdote.

¹⁵ At lalo pang napakaliwanag ito, kung ayon sa anyo ni Melquisedec ay lumitaw ang ibang saserdote,

¹⁶ Na ginawa, hindi ayon sa kautusan ng utos na ukol sa laman, kundi ayon sa kapangyarihan ng isang buhay na walang katapusan:

¹⁷ Sapagka't pinatotohanan tungkol sa kaniya,

¹⁸ Sapagka't napapawi ang unang utos dahil sa ^(AN)kaniyang kahinaan at kawalan ng kapakinabangan

¹⁹ (Sapagka't ang kautusan ay walang anomang pinasasakdal), at ^(AO)may pagpapasok ng isang pagasang lalong magaling, na sa pamamagitan nito ay ^(AP)nagsisilapit tayo sa Dios.

²⁰ At yamang yao'y hindi naging sa walang sumpa

²¹ (Sapagka't sila'y sa katotohanan ay ginawang mga saserdote na walang sumpa; datapuwa't siya'y may sumpa sa pamamagitan niyaong nagsasabi tungkol sa kaniya,

²² Ay gayon din naman si Jesus ay naging tagapanagot ^(AQ)sa lalong mabuting tipan.

²³ At katotohanang sila'y marami sa bilang na naging mga saserdote, sapagka't dahil sa kamatayan ay napigil sila ng pagpapatuloy:

²⁴ Datapuwa't siya, sapagka't namamalagi magpakailan man ay may pagkasaserdote siyang di mapapalitan.

²⁵ Dahil dito naman siya'y nakapagliligtas na lubos sa ^(AR)mga nagsisilapit sa Dios sa pamamagitan niya, palibhasa'y laging nabubuhay siya upang ^(AS)mamagitan sa kanila.

²⁶ Sapagka't nararapat sa atin ang gayong ^(AT)dakilang saserdoteng ^(AU)banal, walang sala, walang dungis, ^(AV)nahihiwalay sa mga makasalanan, ^(AW)at ginawang lalong mataas pa kay sa mga langit;

²⁷ Na hindi nangangailangan ^(AX)araw-araw na maghandog ng hain, na gaya niyaong mga dakilang saserdote ^(AY)una-una'y patungkol sa kaniyang sariling mga kasalanan at saka patungkol sa mga kasalanan ng bayan: sapagka't ^(AZ)ito'y ginawa niyang ^(BA)minsan magpakailan man, nang kaniyang ihandog ang kaniyang sarili.

²⁸ Sapagka't inilagay ng kautusan na mga dakilang saserdote ang mga taong may kahinaan; nguni't ang salita ng ^(BB)sumpa na kasunod ng kautusan ay siyang naglalagay sa ^(BC)Anak, ^(BD)na sakdal magpakailan man.