New Testament in a Year

²⁰ Sa pananampalataya'y ^(A)binasbasan ni Isaac si Jacob at si Esau, tungkol sa mga bagay na darating.

²¹ Sa pananampalataya, si Jacob ng mamatay na ay ^(B)binasbasan niya ang bawa't isa sa mga anak ni Jose; at sumambang nakatangan sa puno ng kaniyang tungkod.

²² Sa pananampalataya, nang malapit nang mamatay si ^(C)Jose, ay binanggit niya ang pagalis sa Egipto ng mga anak ni Israel; at nagutos tungkol sa kaniyang mga buto.

²³ Sa pananampalataya, nang ipanganak si Moises, ^(D)ay itinagong tatlong buwan ng kaniyang mga magulang, sapagka't kanilang nakitang maganda ang bata; at hindi sila natakot sa utos ng hari.

²⁴ Sa pananampalataya, nang lumaki na si ^(E)Moises, ay tumangging siya'y tawaging anak ng anak na babae ni Faraon;

²⁵ Na pinili pa ang siya'y tampalasanin na kasama ng bayan ng Dios, kay sa magtamo ng nagsisikupas na kaligayahan sa pagkakasala;

²⁶ Na inaring malaking kayamanan ^(F)ang kadustaan ni Cristo, kay sa mga kayamanan ng Egipto: sapagka't ang kaniyang tinititigan ay ^(G)ang gantingpalang kabayaran.

²⁷ Sa pananampalataya'y ^(H)iniwan niya ang Egipto, na hindi natakot sa poot ng hari: sapagka't nagtitiyagang ^(I)tulad sa nakakita niyaong di nakikita.

²⁸ Sa pananampalataya'y itinatag niya ang paskua, ^(J)at ang pagwiwisik ng dugo, upang ang manglilipol sa mga panganay ay huwag silang lipulin.

²⁹ Sa pananampalataya'y nagsipagdaan sila sa gitna ^(K)ng Dagat na Mapula na gaya ng sa lupang tuyo: na nang subuking gawin ito ng mga taga Egipto ay pawang nangalunod.

³⁰ Sa pananampalataya'y ^(L)nangalagpak ang mga kuta ng Jerico, pagkatapos na makubkob na pitong araw.

³¹ Sa pananampalataya'y ^(M)hindi napahamak na kasama ng mga manunuway, ang patutot na si Rahab, na tumanggap na payapa sa mga tiktik.

³² At ano pa ang aking sasabihin? sapagka't kukulangin ako ng panahon kung sasaysayin ko ang ^(N)tungkol kay Gideon, ^(O)kay Barac, ^(P)kay Samson, ^(Q)kay Jefte; tungkol kay ^(R)David, at ^(S)kay Samuel at sa mga propeta:

³³ Na ang mga ito, sa pamamagitan ng pananampalataya'y ^(T)nagsilupig ng mga kaharian, nagsigawa ng katuwiran, ^(U)nangagtamo ng mga pangako, ^(V)nangagtikom ng mga bibig ng mga leon,

³⁴ Nagsipatay ^(W)ng bisa ng apoy, ^(X)nangakatanan sa talim ng tabak, nagsilakas sa kahinaan, naging mga makapangyarihan sa pakikipagbaka, ^(Y)nangagpaurong ng mga hukbong taga ibang lupa.

^35 (Z)Tinanggap ng mga babae ang kanilang mga patay sa pamamagitan ng pagkabuhay na maguli: at ang iba'y nangamatay sa hampas, na hindi tinanggap ang kanilang katubusan; upang kamtin nila ang lalong mabuting pagkabuhay na maguli:

³⁶ At ang iba'y nangagkaroon ng pagsubok sa pagkalibak at pagkahampas, oo, bukod dito'y sa mga tanikala at bilangguan naman:

³⁷ Sila'y pinagbabato, ^(AA)pinaglagari, pinagtutukso, pinagpapatay sa tabak: ^(AB)sila'y nagsilakad na paroo't parito na may balat ng mga tupa't kambing: na mga salat, nangapipighati, tinatampalasan

³⁸ (^(AC)Na sa mga yaon ay hindi karapatdapat ang sanglibutan), na nangaliligaw sa mga ilang at sa mga kabundukan at sa mga yungib, at sa mga lungga ng lupa.

³⁹ At ang lahat ng mga ito, ^(AD)nang sila'y mapatotohanan na dahil sa kanilang pananampalataya, ay hindi ^(AE)kinamtan ang pangako,

⁴⁰ Na ipinaghanda ng Dios ng lalong mabuting bagay tungkol sa atin, upang sila'y huwag maging ^(AF)sakdal ng bukod sa atin.