Daily Reading for Personal Growth, 40 Days with God

⁶ Nguni't siya'y nagbibigay ng lalong biyaya. Kaya't sinasabi ng kasulatan, Ang ^(A)Dios ay sumasalansang sa mga palalo, datapuwa't nagbibigay ng biyaya sa mga mapagpakumbaba.

⁷ Pasakop nga kayo sa Dios; datapuwa't magsisalangsang kayo sa diablo, at tatakas siya sa inyo.

⁸ Magsilapit kayo sa Dios, at siya'y lalapit sa inyo. Mangaglinis kayo ng inyong mga kamay, kayong mga makasalanan; at ^(B)dalisayin ninyo ang inyong mga puso, kayong mga ^(C)may dalawang akala.

⁹ Kayo'y mangagpighati, at magsihibik, at magsitangis: inyong palitan ang inyong pagtawa ng paghibik, at ang inyong kagalakan ng kalumbayan.

¹⁰ Mangagpakababa kayo ^(D)sa paningin ng Panginoon, at kaniyang itataas kayo.

^11 (E)Huwag kayong mangagsalita ng laban sa isa't isa, mga kapatid. Ang nagsasalita laban sa kapatid, ^(F)o humahatol sa kaniyang kapatid, ay ^(G)nagsasalita laban sa kautusan, at humahatol sa kautusan: datapuwa't kung ikaw ay humahatol sa kautusan, hindi ka na tagatupad ng kautusan, kundi hukom.

¹² Iisa ang tagapagbigay ng kautusan at hukom, sa makatuwid baga'y ang makapagliligtas at ^(H)makapagwawasak: datapuwa't ^(I)sino ka na humahatol sa iyong kapuwa?