◀ All Reading Plans / Revised Common Lectionary (Semicontinuous) / Psalm 128 (It shall be well with you); Joshua 10:12-14 (Sun and moon stand still); Matthew 15:1-9 (Lips that misrepresent the heart) (Awadhi Bible: Easy-to-Read Version)

Prev Day

November 4, 2026

Next Day

Use the calendar to view readings from this devotional.

November 2026
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 128

आरोहण गीत।

¹जउन कउनो यहोवा क सम्मान करत हीं धन्न अहइँ।
उ पचे ओकरे राहन पइ चलत हीं।

²तू पचे जेनके बरे काम किहा ह, ओन चिजियन क तू आनन्द लेब्या।
    ओन अइसी वस्तुअन क कउनो भी मनई तू सबन्स नाहीं छोरी।
    तू पचे खुस रहब्या अउर तोहरे संग भली बातन घटिहीं।
³घरे पइ तोहार घरवाली अंगूरे क बेल क नाई फलवती होइ।
    मेज क चारिहुँ कइँती तोहार संतानन अइसी होइहीं, जइसे जइतून क उ सबइ बृच्छ जेनका तू रोप्या ह।
⁴जउन मनई यहोवा क सम्मान करत हीं उ वइसा ही धन्न अहइँ।
⁵यहोवा सिय्योन स तोहका आसीस दइ।
    जीवन भर यरूसलेम मँ तोहका वरदानन क आनन्द मिलइ।
⁶तू आपन नाती पोतन क लखइ बरे जिअत रहा।
इ मोर कामना अहइ।

इस्राएल मँ सान्ति रहइ।

यहोसू 10:12-14

¹²उ दिना यहोवा इस्राएलियन क जरिये एमोरी लोगन हार जाइ दिहन अउ उ दिन यहोसू इस्राएल क सबहिं क समन्वा खड़ा भवा अउ उ यहोवा स कहेस:

“हे सूरज, गिबोन क अकासे मँ खड़ा रहा अउ हट्या जिन।
हे चन्द्र, तू अय्यालोन क घाटी क ऊपर अकासे मँ ठाड़ रहा अउ जिन हटा।”

¹³सूरज स्थिर होइ गवा अउ चन्दा भी तबहिं तलक चलब तजि दिहस जब तलक मनइयन आपन दुस्मनन क हराइ नाहीं दिहन। इ फूरे भवा, इ कथा यासार क किताबे मँ लिखी अहइ। सूरज असमान क बीच रुका। इ पूरा दिन हुआँ स नाहीं हटा। ¹⁴अइसा उ दिन क पहिले कउनो भी समइ कबहुँ नाहीं भवा रहा अउर तब स अब तलक कबहुँ नाहीं भवा बाटइ। उहर दिन रहा, जब यहोवा मनई क बिनती सुनेस। असल मँ यहोवा इस्राएलियन बरे जुद्ध करत रहा।

मत्ती 15:1-9

मनई क बनवा बिधान स परमेस्सर क व्यवस्था बड़वार अहइ

(मरकुस 7:1-23)

15 फिन कछू फरीसियन अउर धरमसास्तिरियन यरूसलेम स ईसू क लगे आएन अउर ओसे पूछेन, ²“तोहार चेलन हमरे पूर्वजन क रीति रिवाज क काहे नाहीं मनतेन? उ पचे खइया खाइ स पहिले आपन हथवन क काहे नाहीं धोउतेन!”

³जबावे मँ ईसू ओनसे पूछेस, “आपन रीति रिवाजन क कारण तू परमेस्सर क हुकुम क काहे टारत ह ⁴काहेकि परमेस्सर तउ कहेस, ‘तू आपन महतारी बाप क इज्जत करा’^(A) अउर जउन कउनो, ‘महतारी बाप क बेज्जत करइ, ओका जरूर मार डावइ चाही।’^(B) ⁵मुला तू कहत ह कि अगर कउनो आपन महतारी बाप स कहइ, ‘मइँ आपन सब कछू परमेस्सर क अर्पन कइ दिहे हउँ, एह बरे तोहार मदद नाहीं कइ सकत हउँ।’ ⁶इ तरह ओका आपन बाप क मानइ क जरूरत नाहीं। एह तरह तू आपन रीति रिवाजे क कारण परमेस्सर क हुकुम क नाहीं मान्या। ⁷अरे कपटी मनइयो! तोहरे बारे मँ यसायाह ठीक ही भविस्सबाणी किहेस। उ कहे रहा:

⁸‘इ सबइ सिरिफ ओंठन स कि हमार मान करत हीं,
मुला रहत ऍनकइ मन मोसे सदा दूर
⁹अर्पन भइ आराधना मोका ऍनकी बगैर कामे की काहेकि
सिखउतेन इ सबइ मनइयन क कहिके आपन धरम क उपदेस बनवा नेम मनई क।’” ^(C)

Awadhi Bible: Easy-to-Read Version (ERV-AWA)