Revised Common Lectionary (Semicontinuous)

¹ मइँ ऊपर ऊँच पहाड़न क कइँती लखत हउँ।
    मुला फुरइ मइँ कहाँ स पावइँ?
² मोका तउ सहारा यहोवा स मिली
    जउन सरग अउ धरती क बनावइवाला अहइ।
³ परमेस्सर तोहका गिरइ नाहीं देइ।
    तोहर बचवइया कबहुँ भी नाहीं सोइ।
⁴ इस्राएल क उद्धारकर्त्ता कबहुँ न ही ओंघात ही
    अउर न ही सोवत अहइँ।
⁵ यहोवा तोहार रच्छक अहइ।
    उ तोहका आस्रय देइ बरे तोहार बगल मँ अहइ।
⁶ दिन क समइ सूरज तोहका हानि नाहीं पहोंचाइ सकत।
    राति मँ चाँद तोहार नोस्कान नाहीं कइ सकत।
⁷ यहोवा तोहार रच्छा हर संकट स करी।
    यहोवा तोहरी आतिमा क रच्छा करी।
⁸ यहोवा उ सबइ पइ धियान रखी जउन कछू तू करब्या।
    जहाँ कहुँ भी तू जाब्या अउ आउब्या, अबहुँ अउ सदा सर्वदा उ तोहार रच्छा करी।

⁴ “हे मेरे लोगो, मोर सुना! मइँ तू पचन क आपन उपदेसन क देब।
    मइँ आपन नेमन क प्रकास क तरह बनाउब जउन लोगन क देखइहीं कि कइसे ठीक तरह स जिया जात ह।
⁵ मइँ हाली ही परगट करब कि मइँ निआव स पूर्ण हउँ।
    मइँ हाली ही तोहार पचन्क रच्छा करब।
मइँ आपन सक्ति क काम मँ लिआउब अउर मइँ सबहिं रास्ट्रन क निआव करब।
    सबहिं दूर-दूर क देस मोर बाट जोहत अहइँ।
    ओनकर मोर सक्ति क प्रतीच्छा अहइ जउन ओनका बचाई।
⁶ ऊपर अकासन क लखा,
    अकास अइसे लोप होइ जाइ जइसे धुआँ क एक बादर खोइ जात ह।
अउर धरती अइसे ही बेकार होइ जाइ
    जइसे पुरान ओढ़ना बगैर कीमत क होत हीं।
धरती क वासी आपन प्राण तजिहीं
    किन्तु मोर मुक्ति सदा ही बनी रही।
    मोर उत्तिमता कबहुँ नाहीं मिटी।
⁷ अरे ओ उत्तिमता क समुझइवाले लोगो, तू पचे मोर बात सुना।
    अरे ओ मोर सिच्छन पइ चलइवालो, तू पचे उ सबइ बातन सुना जेनका मइँ बतावत हउँ।
दुट्ठ लोगन स तू पचे जिन डेराअ।
    ओन बुरी बातन स जेनका उ पचे तू पचन्स कहत हीं, तू पचे भयभीत जिन ह्वा।
⁸ काहेकि उ पचे पुराना कपड़न क नाईं होइहीं।
    ओनका किरवन खाइ जइहीं, उ पचे ऊन क जइसे होइहीं जेका किरवन चाट जइहीं।
संसार क लोग मरिहीं, किन्तु मोर मुक्ति सदा ही बना रही।
    मोर अच्छाइ निरन्तर बनी रही।”