Revised Common Lectionary (Semicontinuous)

⁴ हे यहोवा, मोर मदद करा कि मइँ तोहरी राहन क सीखउँ!
    तू आपन मार्गन क मोका सिच्छा द्या।
⁵ आपन सच्ची राह तू मोका देखाँवा अउर ओकर उपदेस मोका द्या।
    तू मोर परमेस्सर तू मोर उद्धारकर्त्ता अहा।
    मोका हर दिन तोहार भरोसा अहइ।
⁶ हे यहोवा, मोह पइ आपन दाया राखा
    अउर उ ममता क मोह पइ परगट करा, जेका तू हरदम राखत ह।
⁷ आपन जवानी मँ जउन पाप अउर कुकर्म मइँ किहेउँ, ओनका जिन याद राखा।
    हे यहोवा आपन निज नाउँ निमित्त, मोका आपन करुणा स सुमिर ल्या।

⁸ हे यहोवा, सचमुच उत्तिम अहइ,
    उ पापियन क जिन्नगी क नेक राह देखाँवत ह।
⁹ उ दीन लोगन क आपन राहन क सीख देत ह।
    बिना पच्छपात क उ ओनका मारग देखाँवत ह।
¹⁰ यहोवा क राहन ओन लोगन बरे छिमा स भरी अउ सच अहइँ,
    जउन ओकर करार अउर कानून क अनुसरण करत हीं।

“मुला तू तउ अहा दयावान परमेस्सर।
    तू अहा दयालु अउर करुणापूर्ण,
धीरजवान, अउ पिरेम स भरा अहा तू।
एह बरे तू रह्या त्यागा नाहीं ओनका।
¹⁸ चाहे उ पचे बनाइ लिहन सोने क बछवा अउर कहेन,
    ‘बछवा अब देव अहइ तोहार’ इहइ स निकारा रहा तू पचन्क मिस्र स बाहर मुला ओनका तू त्यागा नाहीं।
¹⁹ तू बहोत ही दयालु अहा।
    एह बरे तू ओनका रेगिस्ताने मँ त्यागा नाहीं।
दूर ओनसे हटाया नाहीं दिन मँ तू
    बादर क खम्भन क मारग
तू देखावत रहा ओनका।
अउर राति मँ तू रह्या दूर किहे नाहीं ओनसे
    आगी क पुंज क।
प्रकासित तू करत रह्या रास्ते क ओनके।
    अउर तू देखावत रह्या कहाँ ओनका जाब अहइ।
²⁰ निज उत्तिम चेतना, तू दिहा ओनका ताकि तू बिवेकी बनाया ओनका।
    खाइ क देत रह्या, तू ओनका ‘मन्ना’
    अउर पियास क ओनका तू देत्या रहा पानी।
²¹ तू रख्या ओनकर धियान चालीस बरिसन तलक रेगिस्तान मँ।
    ओनका मिली हर वस्तु जेकर ओनका दरकार रही।
ओढ़ना ओनकर फटे तलक नाहीं गोड़न मँ
    ओनके कबहुँ नाहीं आई सूजन कबहुँ कउनो पीरा मँ।
²² यहोवा तू दिहा ओनका राज्ज, अउर ओनका दिहा जातियन
    अउर दूर सुदूर क जगह रहिन ओनका दिहा जहाँ बसत रहेन कछू लोग
धरती ओनका मिल गइ सीहोन क, सीहोन जउन हसबोन क राजा रहा धरती ओनका मिल गइ
    ओग क, ओग जउन बासान क राजा रहा।
²³ तू ओनका अनन्त संतान
    जेतने अंबर मँ तारे अहइँ दिहा ह।
ओनका तू उ धरती लइ आया
    जेकरे बरे ओनके पुरखन क तू कहे रहा कि
    उ पचे हुवाँ जाइँ अउर ओह पइ अधिकार करइँ।
²⁴ धरती उ ओन संतानन लइ लिहन।
हुवाँ रह रहे कनानियन क उ पचे हराइ दिहन।
    पराजित कराया तू ओनसे
ओन लोगन क साथ ओन प्रदेसन क
    अउर ओन लोगन क उ पचे जइसा चाहइँ वइसा करइँ अइसा रहा तू कराइ दिहा।
²⁵ सक्तीसाली नगरन क उ पचे हराइ दिहन।
    कब्जा किहन उपजाउ धरती पइ उ पचे।
उत्तिम चिजियन स भरे भए लइ लिहन उ पचे घर; खोदे भए कुअन क लइ लिहन उ पचे।
    लइ लिहन उ पचे रहेन बगीचे अंगूर क।
जइतून क बृच्छ अउ फलन क बृच्छ भर पेट खाया
    उ पचे करत रहेन तउ उ पचे होइ गएन मोटे।
तोहार दीन्ह सबहि अद्भुत चिजियन क आनन्द उ पचे लेत रहेन।