Revised Common Lectionary (Semicontinuous)

⁸ Yajika, maka shishpinawa ipanpa ne taneshtilis ipal ne Tutajtzin nian nupanpa naja, ne iilpituk; shikeku tay te yek taja nusan ka imaku ne yeknawatilis iwan itajpal Teut. ⁹ Yaja techmakishtijtuk wan technutztuk iwan itanutzalis Teut, tesu ipanpa tay tejemet tikchijtiwit sute ipanpa itajshitilis wan itetasujtalis ne techmakak ipanpa ne Mawaltijtuk Yeshu kwak intea pejtuya muchi, ¹⁰ wan ashan muneshtija ika walaj ne tutamakishtiani ne Mawaltijtuk Yeshu, ká ne kipulua ne mikilis wan kitawilua ne nemilis wan yulkwilis pal senpa ipanpa ne yeknawatilis ¹¹ ne ipal nechtalijtuk ken tanawatiani wan titanijtuk wan tamachtiani, ¹² wan yajika nusan nitaekua; melka uni te nishpinawa ika nikishmati ne nikyulmattuk wan nikmati ka weli tajpia ne nutalilijtuk hasta uni tunal.