Revised Common Lectionary (Semicontinuous)

⁷ Shitajkwilu ipal ne tanawatiani ipal ne sennemit tik Piladelpia:

"Ini tay ina ne ipal Teut, ne yekkaya, ne kipia ne itepus Dawid, ne tatentapua wan te aka weli kitentzakwa, wan tatentzakwa wan te aka weli kitentapua: ⁸ Nikishmati ne mutejtekiw. Ashan niktalijtuk muishpan se tentzakka tapujtuk ne inte aka yawi weli kitzakwa, ika tikpia chiupi mutajpal wan titajpishki ne nupalabraj wan te inak ka inte ne nutukay. ⁹ Ashan niaw nimetzmaka sejse ipal ne isennemit ne Tenewani, ne inat ka yejemet Yudayujmet wan inte tejkia, yejemet inat sanka; ashan niaw nikchiwa ma wikikan mutankwaketzat ishpan mujmukshi wan ma kimatikan ka naja nimetztasujta; ¹⁰ ika titejchishki nejnejmach ken ninak, wan naja nusan niaw nikchiwa se mupal, niaw nimetzishtilia ne horaj ipal taejekulis ne yawi ajsi ipal muchi ne tajtal kinhejekua ne chanejket ipal ne tal. ¹¹ Niaw niwitz nemanha. Shikitzki ne tay tikpia pal te aka yawi kikwi ne muyawal. ¹² Ne welituk niaw nikchiwa se taketzal tik ne iteupantzin ne Teut, wan intea yawi kisa tatenpan, wan niaw nitajkwilua ijpak ne itukay ne nuTeut wan ne itukay ne itechan ne nuTeut, ne yankwik Yerushalem, ne kutemutuk tik ne ilwikak itech ne nuTeut, wan ne nutukay yankwik. ¹³ Ká ne kipia takakilis, ma takaki tay ne kinhilwia ne Ijiutzin ne sejsennemit."