Revised Common Lectionary (Semicontinuous)
29 Ini tay nina, nukniwan: ne tunal te nemi wejka. Tik ne tay naka, ká ne kipiat insiwawan, ma muchiwakan ken su te kipiaskiat, 30 wan ká ne chukat ken su te chukaskiat, wan ká ne pajpakit ken su te pajpakiskiat, wan ká ne takuat ken su te kipiaskiat tatka, 31 wan ká ne kikwit tay ipal ne taltikpak, ken su te, ika panu nemi muchi tay kipia ini taltikpak.
Pewa itekiw Yeshu
14 Kwak kitzakket Yojan, Yeshu yajki Galilaya tanajnawatia ne yeknawatilis ipal ne Teut 15 wan ina:
—Yekawki ne horaj, wan ne itatekimakalis ne Teut nemia nikansan! Shimuyulpatakan, wan shikmatikan ne yeknawatilis!
16 Keman pashalua nemi iten ne weyat pal Galilaya, kitak Shimon wan Andreas ne iikaw matamimat, ika mijmichitzkianimet, 17 wan ne Yeshu kinhilwij:
—Nikan nuipan naja! Niaw nikchiwa ma shimukwepakan takaitzkianimet!
18 Wan kiajkawket ne majmatat wan senyajket iwan. 19 Wan yajki ukchiupi, wan kitak Yakob ikunew Zabday, wan Yojan ne iikaw, kwak yejemet nusan nemituyat ijtik ne inbarcoj kipikit inmajmataw. 20 Wan kinnutzki, wan kiajkawket Zabday, ne inteku, tik ne barcoj wan ne tekitinimet, wan yajket iwan.
Ne Bibliaj Tik Nawat · © 2008, 2012 Jan Morrow