Revised Common Lectionary (Complementary)

Timoteo bix Epafrodito

¹⁹ Key hermano, ka ma takˈ Kaaw Jesús, pon nchkˈoˈn Timoteo cyuyey, tuˈntzen tul meltzˈaj tuya cypocbala tiiˈn eteˈy, tuˈntzen tcyiwset ncˈuˈja cyiˈja. ²⁰ Cxeˈl nchkˈoˈn Timoteo, cuma n‑oc cyakˈa te tisex inayena. Min‑al juntl tzalu ncub tbisen jbaˈn te cyey tisej keya. ²¹ Cykil ke ocslal tzalu nuk oˈcx n‑oc takˈ cye tiˈ cyitzˈjel. Min nchi jyon tiˈj alcyej taj Cristo Jesús. ²² Pero te Timoteo yaaˈn juˈ tisen ejeeˈ. Cytzkiˈntla tiiˈn tzˈakˈananxin. Amale atet ti il nbaj, min o cyaj tkˈoˈnxin taakˈenxin. O tzˈakˈananxin wuyena tuj taakˈen Dios te kbalte tpocbal coˈpbil ke tisen jun cwal najben te tman. ²³ Mintiiˈ tumel ti pjel wiˈj. Pero ojtzen nbinte ti pjel wiˈja, cxeˈl nsmaˈna Timoteo cyuyey. Cutz̈it nbinte naj ti pjel wiˈj. ²⁴ Pero ka ma takˈ Kaaw, inayentzen chin pon cyuyey.