Revised Common Lectionary (Complementary)

⁴² en dee bleewe bestendich enn dee Apostel aeare Lea en Jemeenschofft, en em Broot braeakje, en emm Jebaed.

⁴³ Ne groote Angst kjeem aewa aule Seele; en fael Wunnda en Teakjens paseade derch dee Apostel.

⁴⁴ Aul dee, dee tom Gloowe jekome weare, haude aea Hab en Goot toop,

⁴⁵ en fekoffte daut Eajendom daut see haude, en fedeelde daut doano aus en jiedrem daut faeld.

⁴⁶ En Dach fa Dach weare see met een Senn toop emm Tempel, en fonn een Hus bottem aundre bruake see Broot, en fedeelde aea Aete met Freid en Eenfeltichkjeit,

⁴⁷ en lowde Gott, en aulet Follkj wea an toojedon. En de Herr brocht daen no de Jemeent Dach fa Dach dee sikj bekjeade.

Dee 23 Psalm

En Psalm fonn Doft.

¹ Dee Herr Gott es mien Hoad, mie fältet aun nuscht.

² Hee moakt mie dol laje enn jreene Weid; Hee deit mie biesied stelle Wotasch leide.

³ Hee deit miene Seel oppfresche. Hee deit mie enn dän Jerajchtijchkjeit Stijch leide omm sien Nome haulwe.

⁴ Jo, un wan ekj uk derjch dän Doodes-schaute Tol wank, woa ekj kjeen Beeset ferjchte, dan du best bie mie, diene Stang un dien Gonstock doone mie treeste.

⁵ Du moakst en Desch reed fa mien enn miene Fiend äare Jaeajenwoat; du deist mien Kopp ennsaulwe met Eelj, mien Kuffel rant aul aewa.

⁶ Sejchalijch, Goots en Erboarme woare mie nofolje mien Läwelank; un ekj woa enn daem Herr Gott sien Hus wone soo lang aus ekj laew.

¹⁹ Dan dit es woare Jnod wan jie waejen daut Jewesse Gott jaejen aewa liede doone wan junt onnrajcht behaundelt woat.

²⁰ Waut fonne Ea es et wan jie uthoole wan jie unracht jedoone habe, en daut enn jedult naeme? Oba, wan jie daut goodet doone, en dan junt schlacht behaundelt woat, en jie doarunja jeduldij sent, dit es bie Gott ne Jnod.

²¹ Dan dit es wuato Gott junt beroope haft, sentamol daut Christus uk fa onns jelaede haft, en haft onns en Faeabilt jelote daut wie siene Footspoare nogone sulle;

²² dee kjeene Sind jedone haud, wea uk kjeene Lest en siene Raed;

²³ wan am utjeshempt wort, shempt hee nich trig; wan hee liede deed, deed hee nich dreiwe, oba aewajeef sikj daem dee rajcht rechta woat.

²⁴ Hee neem onnse Sind opp sikj selfst enn sien eajna Lief en druach dee oppem Kjriets, so daut wie de Sind Stoawe en enn dee Jerachtichkjet laewa kunne: derch siene Wunnde sent wie jeheelt worde.

²⁵ Wie weare je soo aus febiestede Shop; oba sent nu trig jekome no daem Hoad en Eltesta fe onnse Seel.

10 "Enn Woarheit, enn Woarheit saj ekj ju: Waea nich derch dee Daea em Schopstaul enenn jeit, oba irjent aundawaeaje aewaklautat, es en Deef en en Merda.

² Waea derch de Daea enenn jeit es de Schophoad.

³ Fa daem moakt de Daearewajchta op, en de Schop heare siene Stem; hee roopt siene eajne Schop biem Nome en leit daen rut.

⁴ En wan hee aul siene eajne Schop eascht buta haft, jeit hee feropp en dee Schop folje am no, wiel see kjanne siene stem.

⁵ Oba en Framda wudde see niemols folje, oba wudde wajch ranne wiel see daem Framda sienne Stem nich kjanne.

⁶ Jesus bruckt dit Biespel; oba see festunnde nich waut hee an doamet saje wull.

⁷ Donn saed Jesus wada to an: "Enn Woarheit, enn Woarheit saj ekj ju: Ekj sie de Daea fa de Schop.

⁸ Aul dee waut jeemols fer mie jekome sent, sent Deew en Reiba, oba dee Schop horchte daen nich.

⁹ Ekj sie de Daea; waeaemma derch mie ennen jeit, woat seelich woare, en woat ennen en rut gone, en woat Weid finje.

¹⁰ Dee Deef kjemt bloos tom staele, doottomoake, en to fenichte. Ekj sie jekome daut dee Mensche muchte laewe habe, en daut see Aewafluss kjaene habe.