Revised Common Lectionary (Complementary)

³ हे परमप्रभु, मानिसहरू तपाईंको लागि किन मुख्यछन्?
    किन तपाईं मानव जातिलाई नियाल्नुहुन्छ?
⁴ मानिसको जीवन हावाको झोंका मात्र हो।
    मानिसको जीवन अस्थायी छाँयाँ जस्तो मात्र हो।

⁵ हे परमप्रभु, आकाश च्यातेर तपाईं तलतिर झर्नुहोस्
    पर्वतहरूमा छुनुहोस् र धूवाँ त्यहाँबाट उठ्ने छ।
⁶ परमप्रभु, चट्याङ्ग पठाउनु होस् र मेरो शत्रुहरूलाई भगाउनु होस्।
    तपाईंका “काँडहरू” चलाउनु होस् र तिनीहरूलाई खेद्नुहोस्।
⁷ परमप्रभु, आकाशबाट तल झरेर मलाई बचाउनु होस्।
    मलाई शत्रुहरूका समुद्रमा डुब्नबाट बचाउनु होस्।
    मलाई ती परदेशीहरूबाट बचाउनु होस्।
⁸ ती शत्रुहरू झूटाहरू हुन्।
    तिनीहरूले जे कुरा गर्छन् तिनीहरू सत्य छैनन्।

⁹ हे परमप्रभु, तपाईंले गर्नु भएका आश्चर्यजनक,
कुराहरूका बारेमा म एक नयाँ गीत गाउने छु।
    म तपाईंको स्तुति-गान गर्नेछु अनि दशतारे वीणा बजाउने छु।
¹⁰ परमप्रभुले नै राजाहरूलाई युद्ध जित्नलाई सघाउनु भयो।
    परमप्रभुले आफ्ना दास दाऊदलाई शत्रुहरूका तरवारहरूबाट बचाउनु भयो।
¹¹ मलाई ती विदेशीहरूबाट बचाउनु होस्।
    ती शत्रुहरू झूटा छन्।
    तिनीहरूले भनेका कुराहरू असत्य छन्।

¹² हाम्रा जवान छोराहरू बलिया रूखहरू जस्ता छन्।
    हाम्रा छोरीहरू राजाको दरबारमा सजिएको सजावट जस्ता छन्।
¹³ हाम्रो भण्डारहरू बिभिन्न प्रकारका अन्नहरूले भरिएका छन्।
    हाम्रा भेंडाहरूले प्रसस्त पाठाहरू जन्माउँछन्।
त्यहाँ हाम्रो खेतहरूमा हजारौं-हजार भेंडाहरू होस्।
¹⁴     हाम्रा गाईहरूले प्रशस्तै बाछा-बाछीहरू पाउनेछन्।
हाम्रा शत्रुहरूले हाम्रा पर्खाल भत्काउन सक्ने छैनन्,
    र हाम्रा एक जना मानिस पनि लानपाउने छैनन्।
    हाम्रा गल्लीहरूमा रूवा़-बासी हुनेछैन।

¹⁵ साँच्चो आशिष पाउनु कति असल कुरा हो।
    यदि परमप्रभु नै उनीहरूको परमेश्वर हुनुहुन्छ भने,
    ती मानिसहरू आशिषित हुन्छन्।

27 त्यस समयमा परमप्रभुले लिब्यातानको न्याए गर्नु हुनेछ।
    लिब्यातान एउटा अधर्मी सर्प जस्तै हो,
जसमाथि परमप्रभुले आफ्नो विशाल तरवार चलाउनु हुनेछ।
    उहाँले आफ्नो शक्तिशाली तरवारद्वारा, सर्प लिब्यातानलाई दण्ड दिनु हुनेछ।
    परमप्रभुले समुद्रको ठूलो राक्षसलाई मार्नुहुनेछ।

² त्यसबेला, मानिसहरूले,
    आनन्दित दाखको बोटको गीत गाउनेछन्।
³ “म, परमप्रभु, त्यस बगैंचाको देखरेख गर्नेछु।
    म ठीक समयमा त्यसमा पानी लगाउनेछु
म राति र दिनमा बराबर त्यसलाई पहरा दिनेछु,
    कसैले पनि त्यस बगैंचालाई नाश गर्ने छैन।
⁴ म रिसाएको होइन्।
तर त्यहाँ युद्ध भएको भए र कसैले काँडादार पर्खालहरू बनाए ता पनि,
    म त्यसमाथि हिंड्दै त्यसलाई बालिदिन्थे।
⁵ तर यदि कोही मानिस रक्षाको निम्ति मकहाँ आउँदछ भने
    र मबाट शान्ति चाहन्छ भने,
    तब उसलाई आउन देऊ, अनि मबाट शान्ति पाओस्।
⁶ त्यस समयमा याकूब राम्रो जरा भएको बलियो रूख जस्तो हुनेछ।
    तब मिश्र बढ़न र फूल्न लागेको बोट जस्तै हुनेछ।
    त्यसपछि यो धर्ती इस्राएलका नानीहरूले फलहरूले बोट भरिएको जस्तै हुनेछ।”