Revised Common Lectionary (Complementary)
संगीत प्रमुखलाई, तार-वाद्यमा शिमिनिथको सहयोगद्वारा, दाऊदको भजन।
6 हे परमप्रभु, तपाईं क्रोधित भएको समयमा मलाई नहप्काउनुहोस्।
तपाईं क्रोधित नहुनुहोस् अनि मलाई सजाय नदिनुहोस्।
2 हे परमप्रभु, ममाथि दया राख्नुहोस्
कारण म रोगी र कमजोर छु।
मलाई निको पार्नुहोस्!
मेरो हड्डीहरू दुःखीरहेका छन्।
3 मेरो सम्पूर्ण शरीर कामि रहेकोछ,
परमप्रभु, कहिले सम्म मलाई निको पार्नुहुन्छ?
4 परमप्रभु, फेरि फर्की आउनुहोस् र मलाई बलियो बनाउनुहोस!
तपाईं अत्यन्त दयालु हुनुहुन्छ, यसैले मलाई बचाउनुहोस्।
5 मरिसकेकाहरूले आफ्नो चिहानबाट तपाईंलाई सम्झने छैनन्।
मसान घाटबाट कसैले तपाईंको स्तुति गर्न सक्दैनन्।
यसैले मलाई निको पार्नुहोस्!
6 हे परमप्रभु, रातभरि मैले तपाईंलाई प्रार्थना गरिरहें।
मेरो आँसुले ओछ्यान छ्याप्पै भिजेको छ।
आँसु मेरो ओछ्यानबाट तप-तप तप्किरहेछ।
म तपाईंको लागि कराएर, चिच्याएर थाकिसकें।
7 मेरो शत्रुहरूले मलाई धेरै दुःख-कष्टहरू दिए।
त्यसले मलाई अत्यन्त दुःखी र व्यथित बनायो।
अब मेरो आँखाहरू रूँदा-रूँदा शिथिल भएकाछन्।
8 दुष्ट काम गर्ने प्रत्येक मानिस मबाट टाढा जाऊ!
किनभने परमप्रभुले मेरो विलाप सुन्नु भएकोछ।
9 परमप्रभुले मेरो प्रार्थना सुन्नुहुन्छ
अनि परमप्रभुले मेरो प्रार्थना ग्रहण गर्दै जवाफ दिनुहुन्छ।
10 मेरा सबै शत्रुहरू विरक्त दुःखी र निराश हुनेछन्।
अचानक केही कुरा अवश्य घट्नेछ र तिनीहरू लज्जित हुनेछन्।
मानिसहरूको आचरणले मीका व्याकुल
7 म व्यकुल छु, किनकि म ग्रीष्म ऋतुको त्यो फल जस्तै जस्तै भएकोछु,
जो टिपिसकिएको छ।
म त्यो दाख जस्तै भएको छु जो टिपिसकिएको छ।
अब त्यहाँ एउटा पनि दाख रहेकोछैन।
पहिले फलेको नेभारानै छैन जुन मलाई मन पर्थ्यो,
त्यो एउटा पनि रहेको छैन।
2 यसको अर्थ हुन्छ; ती सबै राम्रा मानिसहरू गइसकेकाछन्,
एउटै पनि धर्मी मानिसहरू यो भूमिमा रहेनन्।
हरेक मानिसहरू एक- अर्कालाई मार्नको निम्ति ढुकी बस्छन्।
हरेक मानिस आफ्नो भाइलाई जालमा फसाउँन षड्यन्त्र रचिबस्छन्।
3 मानिसहरूको दुवै हातहरू नराम्रो काम गर्न तयार छन्।
शसकहरू काम गर्नलाई घुस माग्छन्।
न्यायकर्ताले पैसा लिएर न्यायलयमा फैसला बद्लि गर्छन्।
“मुख्य अगुवाहरू” साँचो र निष्पक्ष निर्णय लिंदैनन्।
तिनीहरू आफूलाई जस्तो मनपर्छ त्यस्तै काम गर्छन्।
4 तिनीहरूले असललाई पनि नोक्सान गर्ने छन्,
र काँढा घारीमा फ्याँक्ने छन्।
दण्डको दिन आइरहेछ
तिमीहरूका अगमवक्ताले भनेका थिए यस्तो दिन आउनेछ,
तिमीहरूका प्रहरीहरूको दिन आउँदैछ।
अब तिमीहरूलाई सजाय दिनेछन्।
तिमी अन्योलमा पर्नेछौ।
5 तिमी आफ्नो छिमेकीमाथि भरोसा नगर।
तिमी आफ्नो साथीलाई विश्वास नगर।
आफ्नो पत्नीसित पनि खुलेर कुरा नगर।
6 मानिसको आफ्नै घर भित्र शत्रु हुन्छ।
छोराले बाबुको आदर गर्दैनन्।
छोरी आफ्नी आमाको बिरुद्धमा जानेछे।
बुहारी आफ्नी सासुको बिरुद्धमा जानेछे।
परमप्रभु रक्षा गर्नुहोस्
7 म सहायताको निम्ति परमप्रभुलाई हेर्नेछु।
म परमेश्वरको प्रतिक्षा गर्नेछु,
उहाँले मलाई बचाउँनु भएकोछ।
मेरा परमेश्वरले मेरो कुरा सुन्नुहुनेछ।
एफिसस को मण्डलीलाई येशूको पत्र
2 “एफिससको मण्डलीका स्वर्गदूतलाई यो लेखः
“तिनी जसले आफ्नो दाहिने हातमा सातवटा ताराहरू लिएका छन् अनि सातवटा सुनौला दीप-दानी माझ हिड्नेछन्, तिमीहरूलाई यी कुराहरू भनिरहेका छन्।
2 “मलाई तिमीहरूको कार्य, कठिन परिश्रम र धैर्य थाहा छ अनि थाहा छ कि तिमीहरूले दुष्ट मानिसहरूलाई सहन सक्दैनौ। तिमीहरूले तिनीहरूलाई जो आफैं प्रेरितहरू हौं भन्ने दावी गर्छन्, जाँचेका छौ। तिमीहरूले तिनीहरूलाई झूटो पायौ। 3 तिमीहरूले लगातार कोशिश गरिरह्यौ। तिमीहरूले मेरो नाउँका निम्ति दु:ख-काष्ट सह्यौ अनि तिमीहरू यसो गर्नमा थकित भएनौ।
4 “तर तिमीहरूको विरुद्ध मसँग यस्तो कुरो छ तिमीहरूसित शुरुमा भएको प्रेम तिमीहरूले त्यागेका छौ। 5 यसर्थ याद राख, तिमीहरूको पतन हुन अघि तिमीहरू कहाँ थियौ। तिमीहरूको हृदय परिवर्तन गर अनि तिमीहरूले पहिला गरेका कुराहरू गर। यदि तिमीहरू परिवर्तन भएनौ भने, म तिमीहरूकहाँ आउनेछु र म दीप-दानी त्यसको स्थानबाट हटाउनेछु। 6 तर तिमीहरूको पक्षमा केही छ, तिमीहरू निकोलाइटहरूले[a] गरेका कुरा तिरस्कार गर्छौ। तिनीहरूले जे गर्छन् त्यो म पनि घृणा गर्छु।
7 “ऊ जसले सुन्छ आत्माले के भन्नु हुन्छ मण्डलीले सुन्नुपर्छ। त्यो मानिस जसले विजय प्राप्त गर्छ, म उसलाई जीवनरुपी रुखको फल खाने अधिकार दिनेछु। यो रुख परमेश्वरको बगैंचामा छ।
© 2004, 2010 Bible League International